𞤔𞤓𞤅𞤚𞤉𞤐 𞤚𞤈𞤓𞤁𞤌𞥅

{{Infobox Personnalité politique

| charte                  = Chef de gouvernement
| nom                     = Justin Trudeau
| image                   = Justin Trudeau at the European Commission - 2025.jpg
| légende                 = Justin Trudeau en 2025.

^{𞤔𞤋𞤄𞤋𞤐𞤀𞤐𞤁𞤉 𞤐𞤁𞤉𞤐}

𞤔𞤵𞤧𞤼𞤫𞤲𞤲 𞤆𞤭𞤴𞤫𞥅𞤪 𞤔𞤢𞤥𞤧 𞤚𞤪𞤵𞤣𞤮𞥅 𞤶𞤭𞤦𞤭𞤲𞤢𞥄𞤥𞤢 𞤻𞤢𞤤𞤲𞤣𞤫 𞥒𞥕 𞤲𞤦𞤮𞤱𞤼𞤮𞥑𞥙𞥗𞥑 𞤌𞤼𞥆𞤢𞤱𞤢⹁ 𞤫 𞤤𞤫𞤴 𞤴𞤭𞥅𞤤𞤢𞤲𞤣𞤫 𞤩𞤵𞤪𞤢𞤤 𞤫 𞤤𞤢𞥄𞤥𞤵⹁ 𞤼𞤢𞤣𞤫 𞤳𞤮 𞤺𞤫𞤯𞤢𞤤 𞤨𞤭𞤴𞤫𞥅𞤪 𞤫𞤤𞤭𞤴𞤮𞤼 𞤼𞤪𞤵𞤣𞤮𞥅 𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤢𞤤 𞤑𞤢𞤲𞤢𞤣𞤢𞥄 𞤫 𞤳𞤭𞥅 𞤧𞤢𞤴𞤭⹁ 𞤫 𞤃𞤢𞤪𞤺𞤢𞤪𞤫𞤼 𞤅𞤫𞤲𞤳𞤭𞤤𞤫𞥅𞤪⹁ 𞤥𞤮 𞤭𞤱𞤣𞤭 𞤩𞤫𞤴𞤲𞤺𞤵𞥅𞤪𞤵 𞤣𞤮𞤤𞤲𞤵𞤲𞤣𞤫 𞤼𞤭𞤲𞤣𞤭𞤪𞤢𞥄𞤣𞤫 𞤳𞤢 𞤬𞤫𞥅 𞤣𞤢𞤱𞤪𞤮⹁ 𞤳𞤮 𞤯𞤵𞤲 𞤬𞤭𞤪𞤭 𞤳𞤢𞤲𞤳𞤮 𞤼𞤵𞤣𞤮𞥅 𞤳𞤮 𞤫 𞤼𞤵𞤥𞤦𞤮 𞤤𞤢𞥄𞤥𞤵 𞤫 𞤣𞤢𞤻𞤢𞥄. 𞤣𞤫𞤻𞤫𞥅𞤣𞤫 𞤥𞤢𞤳𞥆𞤮 𞤤𞤮𞤤𞥆𞤭𞤲𞤢𞥄 𞤳𞤢 𞤳𞤵𞤥𞤨𞤭𞤼𞤫 𞤱𞤢 𞤧𞤭 𞤼𞤢𞤱𞤭𞥅 𞤳𞤮 𞤸𞤮𞥅𞤣𞤫𞤪𞤫 𞤳𞤢𞤲𞤢𞤣𞤭𞤴𞤢𞤲𞤢𞥄𞤩𞤫𞤩𞤫𞤲 𞤲𞤭𞥅.

𞤳𞤮𞤲𞤮 𞤫 𞤲𞤣𞤫𞤪 𞤯𞤵𞤲⹁ 𞤸𞤢𞤪𞤭 𞤳𞤢 𞤲𞤣𞤫𞤪 𞤩𞤫𞤴𞤲𞤣𞤵𞥅𞤪𞤫 𞤣𞤫𞥅𞤢⹁ 𞤳𞤮 𞤯𞤵𞤲 𞤢𞤣𞥆𞤭 𞤴𞤮 𞤷𞤫𞤪𞤺𞤢𞤤 𞤴𞤢𞤲𞤵 𞤸𞤢𞤳𞥆𞤵𞤲𞤣𞤫 𞤶𞤭𞤲𞥆𞤢𞥄𞤩𞤫 𞤩𞤫𞤲 𞤳𞤢 𞥑𞥙𞥗𞥗⹁ 𞤼𞤢𞤱𞤣𞤫 𞤲𞤫𞥅𞤲𞤫 𞤥𞤢𞤳𞥆𞤮 𞤸𞤢𞤪𞤭 𞤲𞤮 𞤥𞤫𞤪𞤮𞤲𞤣𞤭𞤪𞤭 𞤬𞤮𞤼𞤢 𞤫 𞤴𞤭𞤥𞤩𞤫 𞤤𞤮𞤤𞥆𞤵𞤩𞤫 𞤲𞤢𞤲𞤼𞤭 𞤭𞤲𞤣𞤫⹁ 𞤳𞤢 𞤥𞤢𞤰𞤢𞤼𞤢 𞤱𞤮𞥅 𞤢 𞤤𞤵𞤼𞥆𞤢𞤼𞤢𞥄𞤥𞤮 ⹁ 𞤮𞤲𞤼𞤵𞤥𞤢 𞤮 𞤧𞤢𞤳𞥆𞤭𞤼𞤮𞤪𞤭 𞤫𞤺𞥆𞤵𞤺𞤮𞤤 𞤳𞤢 𞤸𞤮𞤯𞤵𞤲𞤣𞤫 𞤤𞤢𞥄𞤥𞤵 𞤲𞤣𞤫𞤪 𞤧𞤮𞤧𞤫𞤳 𞤣𞤪𞤢𞤴𞤬. 𞤩𞤢𞥄𞤱𞤼𞤭 𞤯𞤵𞤲 𞤶𞤵𞤧𞤼𞤫𞤲 𞤫 𞤥𞤭𞤻𞥆𞤭𞤪𞤢𞥄𞤩𞤫 𞤥𞤢𞤳𞥆𞤮 𞤩𞤫𞤲 𞤯𞤭𞤯𞤮 𞤳𞤮 𞤦𞤫𞤲 𞤥𞤵𞤲 𞤲𞤫𞤸𞤭𞤩𞤫.

𞤁𞤓𞤍𞤀𞤐𞤁𞤉 𞤉 𞤊𞤋𞤈𞤂𞤋𞤚𞤀𞤐𞤁𞤉 𞤂𞤋𞤘𞥆𞤉

𞤔𞤵𞤧𞤼𞤭𞤲 𞤪𞤫𞤱𞤭 𞤫 𞤤𞤢𞥄𞤱𞤮𞤤 𞤦𞤢𞥄𞤦𞤢 𞤥𞤵𞤥, 𞤮 𞤲𞤢𞥄𞤼𞤭 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤳𞤮𞤤𞤫𞥅𞤶 𞤢𞤲 𞤣𞤫 𞤦𞤫𞤪𞤦𞤫𞥅𞤬 𞤥𞤮𞤪𞤫𞤴𞤢𞥄𞤤⹁ 𞤣𞤵𞤯𞤢𞤤 𞤳𞤫𞥅𞤪𞤭𞤲'𞤺𞤢𞤤 𞤤𞤮𞤤𞥆𞤵𞤲'𞤺𞤢𞤤. 𞤌 𞤶𞤮𞤳𞥆𞤭 𞤶𞤢𞤽𞤣𞤫 𞤥𞤢𞤳𞥆𞤮 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤥𞤢𞤳𞤺𞤭𞥅𞤤 𞤯𞤮 𞤮 𞤸𞤫𞤩𞤭 𞤄𞤢𞤷𞤸𞤫𞤤𞤮𞤪 𞤮𞤬 𞤀𞤪𞤼𞤧 𞤫 𞤦𞤭𞤲𞤣𞤮𞤤 𞤉𞤲'𞤺𞤫𞤤𞤫 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥙𞥔. 𞤐'𞤁𞤫 𞤮 𞤴𞤭𞤯𞤭 𞤶𞤢𞤽𞤣𞤫, 𞤮 𞤲𞤢𞥄𞤼𞤭 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤄𞤪𞤭𞤼𞤭𞥃 𞤕𞤮𞤤𞤵𞤲'𞤦𞤭𞤢, 𞤯𞤮 𞤮 𞤸𞤫𞤩𞤭 𞤄𞤢𞤷𞤸𞤫𞤤𞤮𞤪 𞤮𞤬 𞤉𞤣𞤵𞤷𞤢𞤼𞤭𞤮𞤲 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥙𞥘.

𞤑𞤮 𞤢𞤣𞤭𞥅 𞤲'𞤣𞤫 𞤮 𞤲𞤢𞥄𞤼𞤢𞤼𞤢 𞤫 𞤨𞤮𞤤𞤭𞤼𞤭𞤳, 𞤚𞤪𞤵𞤣𞤫𞤢𞤵 𞤭𞤲𞤢 𞤶𞤮𞤺𞤭𞤲𞤮𞥅 𞤲'𞤺𞤵𞥅𞤪𞤲'𞤣𞤢𞤥 𞤫𞤳𞤤𞤫𞤳𞤼𞤭𞤳 : 𞤳𞤮 𞤮 𞤶𞤢𞤲𞤺𞤭𞤲𞤮𞥅𞤱𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤼𞤮 𞤜𞤢𞤲𞤷𞤮𞤵𞤾𞤫𞤪, 𞤳𞤮 𞤮 𞤶𞤢𞤲𞤺𞤭𞤲𞤮𞥅𞤱𞤮 𞤧𞤲𞤮𞤱𞤦𞤮𞤢𞤪𞤣, 𞤳𞤮 𞤮 𞤦𞤢𞤪𞤥𞤢𞤲, 𞤳𞤮 𞤮 𞤣𞤢𞤪𞤢𞤲𞤭𞥅𞤯𞤮 𞤪𞤫𞤲𞤣𞤮. 𞤌 𞤺𞤮𞤤𞥆𞤮𞤣𞤭𞥅𞤥𞤢 𞤫 𞤑𞤢𞤼𞤭𞤥𞤢𞤾𞤭𞤳, 𞤱𞤮𞤲𞤭 𞤨𞤮𞤪𞤮𞤺𞤢𞤪𞤢𞥄𞤥 𞤧𞤵𞤳𞤢𞥄𞤩𞤫, 𞤮 𞤱𞤮𞤲𞤼𞤭 𞤺𞤢𞤪𞤣𞤭𞥅𞤯𞤮 𞤊𞤫𞤣𞥆𞤫 𞤀𞤾𞤢𞤤𞤢𞤲𞤷𞤸𞤫 𞤑𞤢𞤲𞤢𞤣𞤢𞥄. 𞤍𞤫𞥅 𞤺𞤫𞤯𞤫 𞤲'𞤦𞤢𞤴𞤤𞤭 𞤲𞤢𞤼𞤢𞤤 𞤥𞤢𞤳𞥆𞤮 𞤲𞤮 𞤧𞤵𞤳𞤢 𞤺𞤮𞤪𞤳𞤮 𞤣𞤢𞤪𞤭𞥅𞤯𞤮, 𞤩𞤢𞤣𞤭𞥅𞤯𞤮, 𞤶𞤮𞤳𞥆𞤮𞤲'𞤣𞤭𞤪𞤯𞤮 𞤫 𞤺𞤮𞥅𞤲'𞤺𞤢𞥄𞤶𞤭 𞤬𞤢𞤲𞥆𞤵 𞤮𞥅.

𞤊𞤓𞤍𞥆𞤌𞥅𞤁𞤉 𞤁𞤀𞤏𞤈𞤌: 𞤭𞤤𞤢 𞤨𞤢𞤨𞤭𞤲𞤵𞥅 𞤸𞤢𞥄 𞤳𞤢 𞤴𞤭𞥅𞤤𞤭𞤪𞤣𞤫 𞤬𞤫𞤣𞥆𞤫 𞤤𞤭𞤦𞤫𞤪𞤢𞥄𞤤 𞤲𞤣𞤫

𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥖, 𞤔𞤵𞤧𞤼𞤭𞤲 𞤼𞤮𞤯𞥆𞤢𞥄 𞤸𞤮𞥅𞤪𞤫𞥅𞤶𞤮 𞤬𞤫𞤣𞥆𞤫 𞤼𞤮𞤨𞥆𞤭𞤼𞤭𞥅𞤲'𞤣𞤫 𞤸𞤫𞤧𞤯𞤭𞤼𞤭𞤲'𞤣𞤫 𞤧𞤵𞤳𞤢𞥄𞤩𞤫 𞤼𞤮 𞤦𞤢𞤲𞤺𞤫 𞤤𞤢𞤲𞤣𞤢 𞤂𞤭𞤦𞤫𞤪𞤢𞤤 𞤼𞤮 𞤑𞤢𞤲𞤢𞤣𞤢𞥄. 𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥗, 𞤮 𞤣𞤢𞤻𞤭𞥅 𞤲𞤮𞤣𞥆𞤢𞥄𞤲'𞤺𞤮 𞤂𞤭𞤦𞤫𞤪𞤢𞤤 𞤫 𞤲'𞤣𞤫𞤪 𞤪𞤭𞤣𞤭𞤲'𞤺 𞤃𞤮𞤲𞤼𞤪𞤫𞤢𞤤 𞤆𞤢𞤨𞤭𞤲𞤫𞤢𞤵, 𞤮 𞤧𞤵𞤩𞤢𞥄 𞤼𞤫𞤪𞤺𞤢𞤤 𞤨𞤢𞤪𞤤𞤫𞤥𞤢𞥄 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥘. 𞤌 𞤴𞤢𞥄𞤱𞤭 𞤱𞤮𞤲𞤼𞤵𞤣𞤫 𞤸𞤮𞥅𞤣𞤫𞤪𞤫 𞤵𞤥𞥆𞤭𞥅𞤲'𞤣𞤫 𞤫 𞤤𞤢𞤲𞤣𞤢 𞤳𞤢𞥄, 𞤮 𞤼𞤫𞤧𞤳𞤭𞥅𞤥𞤢 𞤫 𞤳𞤢𞤪𞤭𞤧𞤥𞤢 𞤥𞤢𞤳𞥆𞤮, 𞤫 𞤲'𞤦𞤢𞥄𞤱𞤳𞤢 𞤥𞤢𞤳𞥆𞤮 𞤫 𞤥𞤮𞥅𞤬𞤼𞤵𞤣𞤫 𞤧𞤵𞤳𞤢𞥄𞤩𞤫, 𞤫 𞤸𞤵𞤥𞤨𞤭𞤼𞤮 𞤥𞤢𞤳𞥆𞤮 𞤫 𞤶𞤢𞥄𞤴𞤯𞤫.

𞤖𞤢𞤳𞥆𞤵𞤲'𞤣𞤫 𞥒𞥐𞥐𞥙 𞤫 𞥒𞥐𞥑𞥓, 𞤮 𞤱𞤢𞤯𞤭𞥅 𞤺𞤮𞤤𞥆𞤫 𞤳𞤫𞥅𞤱𞤯𞤫 𞤫 𞤲'𞤣𞤫𞤪 𞤤𞤵𞥅𞤤𞤲'𞤣𞤮, 𞤭𞤲𞤢 𞤶𞤫𞤴𞤢𞥄 𞤸𞤫𞥅𞤲 𞤺𞤮𞤤𞥆𞤫 𞤧𞤵𞤳𞤢𞥄𞤩𞤫, 𞤨𞤭𞤲𞤫 𞤳𞤫𞥅𞤱𞤯𞤫, 𞤭𞤥𞥆𞤭𞤺𞤪𞤢𞤼𞤭𞤮𞤲, 𞤶𞤢𞤽𞤣𞤫, 𞤫 𞤣𞤭𞤲'𞤺𞤭𞤪𞤢𞤤. 𞤉 𞤤𞤫𞤱𞤪𞤵 𞤢𞤦𞤪𞤭𞥅𞤤 𞥒𞥐𞥑𞥓, 𞤮 𞤼𞤮𞤯𞥆𞤢𞥄 𞤸𞤮𞥅𞤪𞤫𞥅𞤶𞤮 𞤤𞤢𞤲𞤣𞤢 𞤂𞤭𞤦𞤫𞤪𞤢𞤤, 𞤮 𞤤𞤮𞤥𞤼𞤭𞥅 𞤄𞤮𞤦 𞤈𞤢𞤫. 𞤌𞥅𞤲 𞤧𞤢𞤸𞤢𞥄, 𞤤𞤢𞤲𞤣𞤢 𞤳𞤢𞥄 𞤱𞤮𞤲𞤭 𞤳𞤮 𞤫 𞤼𞤢𞤼𞤢𞤩𞤢𞤤 𞤫 𞤲'𞤣𞤫𞤪 𞤧𞤵𞥅𞤣𞤵 𞤧𞤢𞤪𞤯𞤭𞥅𞤶𞤭, 𞤳𞤮𞤲𞤮 𞤚𞤪𞤵𞤣𞤫𞤢𞤵 𞤭𞤲𞤢 𞤶𞤮𞤺𞤭𞤲𞤮𞥅 𞤧𞤫𞤥𞤦𞤫 𞤳𞤫𞤧𞤮, 𞤭𞤲𞤢 𞤼𞤫𞥅𞤽𞤼𞤭𞤲𞤭 𞤲𞤢𞥄𞤼𞤺𞤮𞤤, 𞤫 𞤲𞤮𞤳𞥆𞤵𞥅𞤶𞤭, 𞤫 𞤤𞤢𞥄𞤩𞤢𞤤.

𞤔𞤀𞥄𞤘𞤌𞤈𞤍𞤌 𞤀𞤈𞤀𞤐𞤌 𞤑𞤀𞤐𞤀𞤁𞤀𞥄 𞤌𞤐

𞤉 𞤮𞤳𞤼𞤮𞥅𞤦𞤢𞤪 𞥒𞥐𞥑𞥕, 𞤔𞤵𞤧𞤼𞤭𞤲 𞤚𞤪𞤵𞤣𞤫𞤢𞤵 𞤢𞤪𞤣𞤭𞥅 𞤂𞤭𞤦𞤫𞤪𞤢𞤤 𞤫𞤲 𞤫 𞤲𞤢𞤬𞤮𞥅𞤪𞤫 𞤩𞤵𞤪𞤲'𞤣𞤫 𞤸𞤫𞥅𞤱𞤣𞤫 𞤫 𞤣𞤢𞥄𞤪𞤼𞤮𞤤, 𞤮 𞤢𞤪𞤼𞤭𞤪𞤭 𞤤𞤢𞤲𞤣𞤢 𞤮𞥅 𞤺𞤭𞤤𞤢 𞤫 𞤼𞤢𞤼𞤢𞤩𞤮 𞤸𞤢𞥄 𞤫 𞥑𞤩𞤮. 𞤉 𞤣𞤵𞥅𞤩𞤭 𞥔𞥓, 𞤮 𞤱𞤮𞤲𞤼𞤭 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤑𞤢𞤲𞤢𞤣𞤢𞥄 𞥒𞥓𞤩𞤮, 𞤳𞤢𞤣𞤭 𞤳𞤮 𞤳𞤢𞤲𞤳𞤮 𞤱𞤮𞤲𞤭 𞤺𞤢𞤣𞤢𞤲𞤮 𞤤𞤮𞤥𞤼𞤢𞥄𞤣𞤫 𞤦𞤢𞥄𞤦𞤢 𞤥𞤢𞤳𞥆𞤮 𞤫 𞤲'𞤣𞤫𞥅𞤯𞤮𞥅 𞤣𞤢𞤪𞤲'𞤣𞤫.

𞤃𞤢𞤲𞤣𞤢𞥄 𞤥𞤢𞤳𞥆𞤮 𞤱𞤢𞤯𞤭 𞤳𞤮 𞤲'𞤦𞤢𞤴𞤤𞤭𞥅𞤺𞤵 𞤷𞤵𞥅𞤧𞤢𞤤 :

- 𞤂𞤢𞥄𞤱𞤯𞤭𞤲'𞤺𞤮𞤤 𞤺𞤢𞤲𞤣𞤢𞤤 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥘, 𞤳𞤮 𞤲'𞤺𞤮𞤤 𞤱𞤮𞤲𞤭 𞤺𞤮’𞤮 𞤫 𞤲'𞤣𞤫𞤪 𞤘𞥗.

- 𞤚𞤢𞤰𞤪𞤫 𞤳𞤢𞤪𞤦𞤮𞤲 𞤲'𞤺𞤢𞤥 𞤸𞤢𞤩𞤢𞥄𞤣𞤫 𞤱𞤢𞤴𞤤𞤮-𞤱𞤢𞤴𞤤𞤮 𞤱𞤫𞥅𞤴𞤮.

- 𞤈𞤫𞤬𞤮𞤪𞤥𞤫 𞤅𞤫𞤲𞤢𞥄, 𞤫 𞤼𞤮𞤯𞥆𞤫 𞤳𞤫𞥅𞤪𞤼𞤭𞥅𞤯𞤫.

- 𞤐𞤢𞤲𞤮𞤲'𞤣𞤭𞤪𞤢𞤤 𞤆𞤢𞤪𞤭 𞤶𞤮𞤱𞤭𞤼𞤭𞥅𞤲'𞤺𞤢𞤤 𞤫 𞤱𞤫𞥅𞤴𞤮, 𞤦𞤢𞤤𞥆𞤢𞤤 𞤸𞤢𞤳𞥆𞤵𞤲'𞤣𞤫 𞤤𞤫𞤴𞤯𞤫𞥅𞤤𞤫 𞤼𞤭𞥅𞤯𞤲'𞤺𞤢𞤤.

- 𞤑𞤢𞥄𞤤𞤣𞤭𞤺𞤢𞤤 𞤐𞤀𞤊𞤚𞤀, 𞤪𞤮𞤳𞥆𞤭 𞤕𞤓𞤅𞤃𞤀.

- 𞤐𞤢𞤬𞤮𞥅𞤶𞤫 𞤥𞤢𞤱𞤯𞤫 𞤫 𞤲'𞤣𞤫𞤪 𞤺𞤮𞤤𞥆𞤮𞤪𞤯𞤫, 𞤫 𞤼𞤮𞤨𞥆𞤭𞤼𞤢𞤺𞤮𞤤 𞤧𞤵𞤳𞤢𞥄𞤩𞤫, 𞤫 𞤨𞤮𞤪𞤮𞤺𞤢𞤪𞤢𞥄𞤥𞤵𞥅𞤶𞤭 𞤪𞤫𞤲𞤣𞤮.

- 𞤆𞤮𞤤𞤭𞤼𞤭𞤳 𞤪𞤫𞤱𞤩𞤫 : 𞤨𞤮𞤼𞤢𞤤 𞤪𞤫𞤱𞤩𞤫 𞤫 𞤱𞤮𞤪𞤩𞤫 𞤫 𞤲'𞤣𞤫𞤪 𞤳𞤢𞤦𞤭𞤲𞤫, 𞤦𞤢𞤤𞥆𞤢𞤤 𞤫 𞤸𞤢𞤳𞥆𞤫𞥅𞤶𞤭 𞤪𞤫𞤱𞤩𞤫.

𞤅𞤭𞤬𞤢𞥄 𞤥𞤢𞤳𞥆𞤮 𞤳𞤮 𞤶𞤢𞤥𞤢𞥄𞤲𞤵, 𞤴𞤵𞤪𞤥𞤫𞥅𞤲'𞤣𞤫, 𞤫 𞤲𞤢𞤼𞤢𞤤 : 𞤧𞤫𞤤𞤬𞤭𞥅𞤶𞤭, 𞤤𞤮𞤱𞤪𞤫 𞤫𞤲𞤼𞤫𞤪𞤲𞤫𞤼, 𞤸𞤢𞥄𞤤𞤢𞥄𞤶𞤭 𞤳𞤵𞥅𞤩𞤼𞤭𞤣𞤭𞤲𞤯𞤭. 𞤌 𞤱𞤮𞤲𞤼𞤭𞥅 𞤲𞤫𞤯𞥆𞤮 𞤱𞤭𞤲𞤣𞤫𞤪𞤫𞤴𞤢𞤲𞤳𞤫𞥅𞤱𞤮 𞤶𞤢𞤸𞤪𞤵𞤯𞤮 𞤴𞤫𞥅𞤧𞤮, 𞤳𞤫𞥅𞤱𞤯𞤮 𞤲𞤢𞤲𞤣𞤭𞤪𞤫𞥅𞤣𞤫 𞤫 𞤄𞤢𞤪𞤢𞤳 𞤌𞤦𞤢𞤥𞤢 𞤧𞤢𞤦𞤵 𞤲'𞤶𞤵𞤩𞥆𞤵𞤣𞤭 𞤥𞤵𞤥 𞤫 𞤸𞤢𞥄𞤤𞤢 𞤥𞤵𞤥.

𞤕𞤀𞤍𞤉𞥅𞤂𞤉 𞤉 𞤂𞤓𞤈𞥆𞤀𞤂 𞤂𞤀𞥄𞤃𞤓 𞤃𞤀𞤑𞥆𞤌

𞤑𞤮𞤲𞤮 𞤳𞤢𞤣𞤭 𞤺𞤮𞤤𞥆𞤫 𞤚𞤪𞤵𞤣𞤫𞤢𞤵 𞤭𞤲𞤢 𞤳𞤫𞥅𞤱𞤭 𞤤𞤵𞥅𞤪𞤢𞤤 :

- 𞤖𞤢𞥄𞤤𞤢 𞤅𞤐𞤕-𞤂𞤢𞤾𞤢𞤤𞤭𞤲 : 𞤭𞤲𞤢 𞤼𞤵𞥅𞤥𞤢𞥄 𞤳𞤮 𞤰𞤢𞥄𞤻𞤣𞤫 𞤶𞤢𞥄𞤺𞤮𞤪𞤣𞤫 𞤻𞤢𞥄𞤱𞤮𞥅𞤪𞤫 𞤲'𞤺𞤢𞤥 𞤸𞤢𞤯𞤣𞤫 𞤻𞤢𞥄𞤱𞤮𞥅𞤪𞤫 𞤧𞤮𞤧𞤭𞤴𞤢𞤼𞤫𞥅 𞤑𞤫𞤦𞤫𞤳.

- 𞤅𞤭𞤱𞤼𞤢𞥄𞤪𞤫 𞤫 𞤀𞤺𞤢 𞤝𞤢𞤲 : 𞤶𞤮𞥅𞤯𞤢𞥄𞤣𞤫 𞤫 𞤣𞤵𞥅𞤲'𞤣𞤫 𞤳𞤫𞥅𞤪𞤭𞥅𞤲'𞤣𞤫 𞤲'𞤣𞤫 𞤤𞤵𞥅𞤤𞤲'𞤣𞤭𞥅 𞤳𞤵𞥅𞤤𞤫 𞤫𞤼𞤭𞤳𞤢𞥄𞤶𞤭.

- 𞤊𞤮𞤼𞤮𞥅𞤶𞤫 𞤄𞤤𞤢𞤷𞤳𞤬𞤢𞤷𞤫 : 𞤨𞤫𞥅𞤻𞤲𞤭𞤲𞤢𞥄𞤥𞤢 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥙, 𞤯𞤫 𞤲'𞤺𞤢𞤣𞥆𞤭 𞤶𞤮𞤤𞤯𞤫.

- 𞤙𞤢𞤱𞤵 𞤕𞤌𞤜𞤋𞤁-𞥑𞥙:

- 𞤘𞤮𞤤𞥆𞤢𞤺𞤮𞤤 𞤨𞤮𞤪𞤮𞤺𞤢𞤪𞤢𞥄𞤥𞤵𞥅𞤶𞤭 𞤦𞤢𞤤𞥆𞤭𞤼𞤮𞥅𞤶𞤭 𞤬𞤢𞤺𞥆𞤵𞤣𞤵 (𞤕𞤉𞤈𞤄, 𞤦𞤢𞤤𞥆𞤢𞤤 𞤲'𞤶𞤮𞤩𞤯𞤫𞥅𞤤𞤫).

- 𞤙𞤢𞥄𞤱𞤣𞤫 𞤤𞤫𞥅𞤤𞤺𞤮𞤤 𞤢𞤣𞤢𞤲𞤺𞤮𞤤 𞤣𞤮𞤳𞥆𞤢𞤤 𞤻𞤢𞤱𞤦𞤵𞥅𞤤𞤭.

- 𞤑𞤮𞤲𞤺𞤮𞤤 𞤲'𞤣𞤭𞤥𞤢𞥄𞤺𞤵 (𞥒𞥐𞥒𞥒) : 𞤧𞤫𞤨𞥆𞤮𞥅𞤶𞤭 𞤲'𞤺𞤢𞤥 𞤧𞤢𞤤𞤢𞥄𞤣𞤫 𞤨𞤫𞥅𞤶𞤫 𞤷𞤫𞤤𞥆𞤢𞤤, 𞤢𞤣𞥆𞤢𞤲𞤭 𞤲𞤮𞤣𞥆𞤢𞥄𞤲'𞤺𞤮 𞤧𞤢𞤪𞤭𞤴𞤢 𞤵𞤪𞤺𞤫𞤲𞤷𞤫, 𞤳𞤮 𞤢𞤣𞤭𞥅 𞤬𞤮𞤬 𞤺𞤭𞤤𞤢 𞥑𞥙𞥘𞥘.

- 𞤏𞤉 𞤕𞤸𞤢𞤪𞤭𞤼𞤴 𞤧𞤷𞤢𞤲'𞤣𞤢𞤤 : 𞤤𞤵𞥅𞤪𞤢𞤤 𞤶𞤮𞤱𞤭𞤼𞤭𞥅𞤲'𞤺𞤢𞤤 𞤫 𞤪𞤮𞤳𞥆𞤵𞤣𞤫 𞤬𞤫𞤣𞥆𞤫 𞤶𞤮𞤳𞥆𞤮𞤲'𞤣𞤭𞤪𞤲'𞤣𞤫 𞤫 𞤺𞤢𞤤𞥆𞤫 𞤥𞤢𞤳𞥆𞤮 𞤳𞤮𞤲𞤼𞤢𞤪𞤢𞥄𞤶𞤭 𞤤𞤢𞥄𞤥𞤵. 𞤑𞤮 𞤱𞤮𞤲𞤢𞥄 𞤯𞤵𞥅𞤥 𞤳𞤮𞥅, 𞤚𞤪𞤵𞤣𞤫𞤢𞤵 𞤧𞤵𞤩𞤢𞥄𞤥𞤢 𞤳𞤢𞤣𞤭 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥙 𞤫 𞥒𞥐𞥒𞥑, 𞤳𞤮𞤲𞤮 𞤫 𞤤𞤢𞥄𞤥𞤵𞥅𞤶𞤭 𞤼𞤮𞤳𞤮𞥅𞤧𞤭, 𞤬𞤢𞤱𞤢𞥄𞤣𞤫 𞤫 𞤦𞤢𞤤𞥆𞤢𞤤 𞤐'𞤁𞤆 𞤲'𞤺𞤢𞤥 𞤰𞤫𞤼𞥆𞤵𞤣𞤫 𞤳𞤵𞥅𞤤𞤫 𞤥𞤵𞤥.

𞤐𞤁𞤉𞤈 𞤘𞤀𞤂𞥆𞤉 𞤍𞤉𞤐

𞤁𞤫𞤱𞤺𞤢𞤤 𞤥𞤢𞤳𞥆𞤮 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥕 𞤫 𞤅𞤮𞤨𞤸𞤭𞤫 𞤘𞤪é𞤺𞤮𞤭𞤪𞤫, 𞤶𞤢𞥄𞤴𞤲'𞤣𞤭𞤴𞤢𞤲𞤳𞤫 𞤫 𞤺𞤮𞤤𞥆𞤮𞥅𞤱𞤮, 𞤩𞤫𞥅𞤲 𞤯𞤭𞤯𞤮 𞤭𞤲𞤢 𞤲'𞤶𞤮𞤺𞤭𞥅 𞤲𞤢𞤼𞤢𞤤 𞤩𞤵𞥅𞤩𞤲'𞤺𞤢𞤤 𞤫 𞤶𞤢𞤥𞤢𞥄𞤲𞤵. 𞤇𞤫 𞤲'𞤣𞤢𞤻𞤭 𞤩𞤭𞤩𞥆𞤫 𞤼𞤢𞤼𞤮 : 𞤝𞤢𞤾𞤭𞤫𞤪, 𞤉𞤤𞥆𞤢-𞤘𞤪𞤢𞤷𞤫 𞤫 𞤖𞤢𞤣𞤪𞤭𞤫𞤲. 𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥒𞥓, 𞤔𞤵𞤧𞤼𞤭𞤲 𞤫 𞤅𞤮𞤨𞤸𞤭𞤫 𞤳𞤮𞤤𞥆𞤭𞤼𞤭𞥅 𞤧𞤫𞥅𞤪𞤼𞤵𞤣𞤫 𞤷𞤢𞤺𞥆𞤢𞤤 𞤣𞤵𞥅𞤩𞤭 𞥑𞥘 𞤣𞤫𞤱𞤺𞤢𞤤. 𞤀𞤲𞤣𞤭𞤲𞤮𞥅𞤪𞤫 𞤲'𞤣𞤫𞥅 𞤱𞤢𞤯𞤭𞤪𞤢𞥄 𞤳𞤮 𞤫 𞤴𞤫𞥅𞤧𞤮 𞤴𞤭𞤥𞤩𞤫 𞤬𞤮𞤬, 𞤲'𞤺𞤢𞤥 𞤤𞤢𞥄𞤩𞤢𞤤, 𞤼𞤫𞥅 𞤭𞤲𞤢 𞤥𞤢𞥄𞤲𞤼𞤭𞤲𞤭 𞤫 𞤲'𞤺𞤵𞥅𞤪𞤲'𞤣𞤢𞤥 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤲'𞤣𞤭𞥅.

𞤈𞤀𞤏𞤐𞤀𞤐𞤁𞤉 𞤂𞤀𞥄𞤃𞤓

𞤉 𞤤𞤫𞤱𞤪𞤵 𞤒𞤢𞤪𞤳𞤮𞤥𞤢𞥄 𞥒𞥐𞥒𞥕, 𞤫 𞤲'𞤣𞤫𞤪 𞤵𞤧𞤼𞤢𞥄𞤪𞤫 𞤴𞤭𞤥𞤩𞤫, 𞤫 𞤵𞤧𞤼𞤢𞥄𞤪𞤫 𞤴𞤭𞤥𞤩𞤫 𞤫 𞤲'𞤣𞤫𞤪 𞤳𞤢𞤦𞤭𞤲𞤫 𞤥𞤢𞤳𞥆𞤮, 𞤫 𞤽𞤢𞤳𞥆𞤫𞥅𞤲'𞤣𞤫 𞤨𞤮𞤤𞤭𞤼𞤭𞤳 𞤤𞤢𞥄𞤩𞤼𞤵𞤲'𞤣𞤫, 𞤔𞤵𞤧𞤼𞤭𞤲 𞤚𞤪𞤵𞤣𞤫𞤢𞤵 𞤸𞤢𞤦𞤪𞤭 𞤱𞤮𞤲'𞤣𞤫 𞤮 𞤱𞤮𞤨𞥆𞤭𞥅 𞤤𞤢𞥄𞤥𞤵. 𞤐'𞤁𞤫 𞤱𞤮𞤲𞤼𞤭 𞤤𞤢𞥄𞤱𞤯𞤵𞤲'𞤣𞤫 𞤫 𞤤𞤫𞤱𞤪𞤵 𞤥𞤢𞤪𞤧𞤫, 𞤮 𞤤𞤮𞤥𞤼𞤭𞥅 𞤯𞤵𞤥 𞤳𞤮 𞤃𞤢𞤪𞤳 𞤕𞤢𞤪𞤲𞤫𞤴, 𞤺𞤮𞤲𞥆𞤮𞥅𞤯𞤮 𞤺𞤵𞤱𞤫𞤪𞤲𞤫𞥅𞤪 𞤦𞤢𞤲𞤳𞤫 𞤑𞤢𞤲𞤢𞤣𞤢𞥄 𞤫 𞤦𞤢𞤲𞤳𞤫 𞤀𞤲'𞤺𞤢𞤤𞤼𞤫𞥅𞤪.

𞤂𞤫𞤬𞤮𞤤 𞤥𞤢𞤳𞥆𞤮 𞤭𞤲𞤢 𞤧𞤢𞤯𞤼𞤭 𞤳𞤮𞤲𞤮 𞤭𞤲𞤢 𞤥𞤢𞥄𞤲𞤼𞤭𞤲𞤭 :

- 𞤇𞤭𞤯𞥆𞤮 𞤺𞤢𞤣𞤢𞤲𞤮 𞤺𞤮𞤲𞥆𞤮𞥅𞤯𞤮 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤲'𞤣𞤭𞥅 𞤶𞤮𞤺𞤢𞥄𞤣𞤫 𞤲'𞤣𞤫𞥅𞤯𞤮𞥅 𞤶𞤢𞤨𞥆𞤫𞥅𞤪𞤫.

- 𞤂𞤭𞤥𞤪𞤫 𞤰𞤫𞤤𞥆𞤭𞤼𞤢𞥄𞤪𞤫 𞤑𞤢𞤲𞤢𞤣𞤢𞥄.

- 𞤆𞤫𞥅𞤱𞤲𞤵𞤺𞤮𞤤 𞤪𞤫𞤲𞤣𞤮 𞤥𞤢𞤱𞤲'𞤺𞤮𞤤, 𞤳𞤮𞤲𞤮 𞤲'𞤺𞤮𞤤 𞤤𞤵𞥅𞤪𞤢𞤤 𞤦𞤮𞤲𞥆𞤭.

- 𞤀𞤪𞤣𞤮𞤪𞤣𞤫 𞤶𞤢𞤥𞤢𞥄𞤲𞤵, 𞤼𞤭𞥅𞤯𞤲'𞤣𞤫 𞤫 𞤲𞤢𞤼𞤢𞤤, 𞤳𞤫𞥅𞤱𞤢𞤤 𞤫 𞤲𞤢𞥄𞤼𞤺𞤮𞤤.