Asma Asfarudden

Asma Afsaruddin (jibinaa ko e hitaande 1958) ko ganndo Ameriknaajo to bannge ganndal lislaam[1][2], ko o jannginoowo to duɗal jaaɓi haaɗtirde Indiana to Bloomington to duɗal jaaɓi haaɗtirde ɗemɗe e pine Fuɗnaange ɓadiiɗo.[3]

Nguurndam O woniino jannginoowo to duɗal jaaɓi haaɗtirde Notre Dame, to leydi Indiana, to bannge ganndal aarabeeɓe e lislaam.[4] O jannginiino ko adii ɗuum to duɗal jaaɓi haaɗtirde Harvard e to duɗal jaaɓi haaɗtirde Johns Hopkins, ɗo o heɓi doktoraa makko e hitaande 1993.[5] Fannuuji makko keertiiɗi ina njeyaa heen miijo diine e politik lislaam, janngude binndanɗe lislaam gadane (Qur’aana e hadiis), kam e janngude jinnaaɓe.[5]

Afsaruddin wonnoo ko tergal e yiilirde jaaynde wiyeteende « Bulletin » fedde jannguɓe Fuɗnaange hakkundeejo, nde jaaynde duɗal jaaɓi haaɗtirde Cambridge yaltini. O woniino binndoowo deftere wiyeteende Routledge ngam siwil Lislaam hakkundeejo, kadi o woniino kadi jiiloowo saggitorde lislaam Oxford (2002).[5]

Afsaruddin woni hooreejo fedde nde ngam janngude lislaam e demokaraasi. O jooɗii kadi e goomuuji wasiyaaji ngam eɓɓoore juulɓe winndereyankoore nde Institut de paix de l’Etats-Unis e fedde jojjanɗe aadee wiyeteende Karamah.[6]

Njeenaaje e teddungal E hitaande 2015, o rokkaama njeenaari Jayezeh Jahani (Njeenaari deftere winndereere) ngam deftere hesere ɓurnde moƴƴude e jaŋde lislaam, nde hooreejo leydi Iraan, hono Hassan Rouhani winndi, sabu deftere makko wiyeteende « Tiɗnaare e laawol Alla: jihaad e martiri e nder miijo lislaam.[7] Deftere nde kadi wonnoo ko ɗiɗaɓere e njeenaari deftere fedde sehilaagal Angalteer e Kuwoyt e hitaande 2014.[7].