Cuule Rewɓe

Cuule rewɓe ko teddinngol paykoy doyoy. Si ko teelal, ko sunningol.

Haajuuji fii cuule rewɓe no nanndi haa yaadi e cuule worɓe ɓen. Si no woodi ko serti e mu'un, haray ko ko yaari e fii yaagil ka jurnde ngol.Jiwoy betihoy koy kañun ko ka caangol yaadata e seemaaɓe maɓɓe ɓen. Telemma ñawndiingu maɓɓe ngun, ko haako hottollo kecco, wuugaako e hayre naaletee ka temmehoy. Ka ƴawtugol, betiiɓe ɓen ko yo towe nde hiɓe iwta ka caangol arta ka hoɗo, hawra hiɓe besitaa, saɗɗi, waɗi ŋannaaji e looce ndiima. Ɓe jaɓɓoree gimi e gami: "beti iwtii koorikoo", ɗum firti beti iwtii ka caangol. Sunninɗo on waɗanee piiji, o yeɗee ñiiri, o okkoree kaalisi, goro, lanɗam e ñaameteeji goo.