Kooba

Kooba, fedde innde mba maa nga, keewal mum: koobi ɗi ko innde kullel ladde. Kooba no wi'ee kadi e ɗemngal laten Hippotragus equinus.

Ko kullun buruure jeydukun e lewla, nannditaykun e puccu ka darnde e ka tagu, ɓanndu ndun no waɗi leeɓi wojjitayɗi seeɗa, leeɓi yeeso ngon no jilli ɓaleeji e daneeji, no mari noppi cewɗi, juutuɗi e galaaɗi juutuɗi, feewɗi. Koobi no heewi wadde cogge. Nokkuuje majji ko gila e Afrik Hiirnaangeeri haa Hakkundeeri.

Kooba, foti ko nagge mum maa ko ngaari mum, ɗi fow hiɗi waɗi galaaɗi. Yimɓe no waaña ɗum, ñaama teewu mum. Dakamme maggu no wa'i wa teewu nagge. Kulle ladde wa piyooji (barooɗe) kadi no sonnga kooba, wara ñaama. Kooba tigi, nguure mum ko huɗo e leɗɗe.