𞤁𞤮𞤲𞤢𞤤𞤣𞤭 𞤚𞤮𞤪𞤮𞤥𞤨𞤵 𞤣𞤢𞤯𞤭𞥅 𞤥𞤢𞤴𞤣𞤫 𞥒𞥐𞥒𞥔
𞤖𞤢𞤲𞤣𞤫 𞤙𞤢𞤤𞤲'𞤣𞤫 𞥑𞥓 𞤥𞤮𞤪𞤧𞤮 𞥒𞥐𞥒𞥔⹁ 𞤸𞤫𞤣𞥆𞤫 𞤱𞤢𞤳𞤼𞤵 𞥑𞥘𞤩𞤮 𞤳𞤭𞤳𞤭𞥅𞤯𞤫)⹁ 𞤤𞤢𞥄𞤼𞤭𞤲𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤮𞥅⹁ 𞤴𞤢𞤲𞤭 𞤫 𞤧𞤫𞤨𞥆𞤮 𞤲'𞤺𞤮 𞤮 𞤴𞤵𞤩𞥆𞤭𞤲𞤼𞤢 𞤼𞤮 𞤲𞤮𞤳𞥆𞤵 𞤲'𞤣𞤫𞤥𞤢 𞤼𞤮 𞤄𞤵𞤼𞤤𞤫𞥅𞤪⹁ 𞤲𞤣𞤪 𞤆𞤫𞥅𞤲𞤧𞤭𞤤𞤾𞤢𞤲𞤭𞥅. 𞤅𞤫𞥅𞤣𞤫𞥅𞤶𞤭 𞤫 𞤶𞤢𞥄𞤴𞤲'𞤣𞤭𞤴𞤢𞤲𞤳𞤮𞥅𞤩𞤫 𞤭𞤲𞤢 𞤲'𞤦𞤭𞤴𞤢 𞤱𞤮𞤲'𞤣𞤫 𞤦𞤢𞤤𞤯𞤫 𞤳𞤫𞥅𞤱𞤯𞤫 𞤲'𞤦𞤢𞤯𞤢𞥄. 𞤚𞤮𞤪𞤮𞤥𞤨𞤵 𞤭𞤲𞤢 𞤬𞤭𞤴𞤫𞥅 𞤲𞤮𞤬𞤪𞤵 𞤥𞤵𞤥 𞤻𞤢𞥄𞤥𞤮 𞤸𞤢𞤣𞤫 𞤥𞤵𞤥 𞤪𞤫𞥅𞤲𞤫𞥅𞤣𞤫 𞤫 𞤶𞤵𞥅𞤯𞤫 𞤅𞤫𞤷𞤪𞤫𞤼 𞤅𞤫𞤪𞤾𞤭𞤷𞤫⹁ 𞤭𞤲𞤢 𞤲𞤢𞤱𞤼𞤫𞥅 𞤫 𞤮𞤼𞤮. 𞤐'𞤁𞤫𞥅𞤲 𞤮 𞤲𞤫𞤤𞤣𞤢𞥄𞤥𞤢 𞤼𞤮 𞤧𞤢𞤬𞤪𞤭𞤪𞤣𞤫 𞤼𞤮𞥅⹁ 𞤮 𞤱𞤮𞤲𞤭 𞤫 𞤶𞤢𞤥 𞤫 𞤲'𞤣𞤫𞤪 𞤲'𞤺𞤮𞤲𞤳𞤢 𞤳𞤢 𞤢𞤤𞤢𞥄 𞤯𞤮 𞤸𞤢𞥄𞤯𞤭. 𞤂𞤢𞥄𞤥𞤵 𞤬𞤫𞤣𞥆𞤫 𞤲'𞤣𞤫𞥅 𞤫 𞤲𞤮𞤳𞥆𞤵𞥅𞤶𞤭 𞤯𞤭𞥅 𞤳𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤼𞤵𞥅𞤥𞤢𞥄𞤯𞤮 𞤱𞤢𞤪𞤣𞤫 𞤮𞥅 𞤫 𞤼𞤢𞤱𞤼𞤮𞤪𞤢𞥄𞤯𞤮 𞤧𞤫𞤨𞥆𞤮 𞤲'𞤺𞤮𞥅 𞤲'𞤦𞤢𞤪𞤢𞥄𞤥𞤢⹁ 𞤼𞤢𞤱𞤼𞤮𞤪𞤢𞥄𞤩𞤫 𞤯𞤭𞤯𞤮 𞤱𞤮𞤯𞤩𞤫 𞤩𞤫𞥅 𞤲'𞤺𞤢𞤻𞤭𞥅𞤥𞤢 𞤲𞤮 𞤬𞤫𞥅𞤱𞤭.
𞤑𞤮 𞤯𞤵𞤲 𞤱𞤮𞤲𞤭 𞤺𞤮𞤢𞤩𞤵𞤲 𞤯𞤵𞤲 𞤴𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤩𞤮𞥅𞤴𞤯𞤮 𞤱𞤢𞤤𞥆𞤢 𞤬𞤫𞤱𞤲𞤣𞤭𞥅𞤯𞤮 𞤴𞤮 𞤫𞤩𞥆𞤫 𞤱𞤢𞤪𞤫𞥅𞤣𞤫 𞤭𞤤𞤢 𞤈𞤮𞤲𞤢𞤤𞤣 𞤈𞤫𞤢𞤺𞤢𞤲 𞤱𞤢𞤪𞤢𞥄 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥘𞥑.
𞤏𞤢𞤳𞤫𞤪𞤫
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤘𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤸𞤮𞤲𞤮 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵 𞤳𞤮 𞤳𞤢𞤲𞤳𞤮 𞤱𞤮𞤲𞤭 𞤧𞤵𞤩𞤢𞥄𞤯𞤮 𞤬𞤫𞤣𞥆𞤫 𞤣𞤢𞤱𞤪𞤮 𞤲𞤺𞤫𞤲𞤣𞤭𞤴𞤢𞤲𞤳𞤫𞥅𞤩𞤫 𞤩𞤫𞤲 (𞤈𞤫𞤨𞤭𞤦𞤤𞤭𞤳𞤫𞤲 𞤫𞤲) 𞤲'𞤺𞤢𞤥 𞤷𞤮𞤬𞤼𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤥𞤫𞤪𞤭𞤳 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥒𞥔 𞤢𞤪𞤢𞤴𞤲𞤣𞤫 𞤲𞤣𞤫𞥅. 𞤅𞤫𞤨𞥆𞤮 𞤲'𞤺𞤮𞥅 𞤭𞤲𞤢 𞤱𞤢𞤯𞤢 𞤫 𞤲'𞤣𞤫𞤪 𞤳𞤢𞤥𞤨𞤢𞥄𞤻 𞤚𞤮𞤪𞤮𞤥𞤨𞤵 𞤲'𞤺𞤢𞤥 𞤧𞤵𞤩𞤢𞥄𞤣𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭⹁ 𞤬𞤭𞥅 𞤥𞤮𞥅𞤬𞤼𞤵𞤣𞤫 𞤱𞤮𞥅𞤼𞤫𞥅𞤶𞤭 𞤫 𞤲'𞤣𞤫𞤪 𞤣𞤭𞥅𞤱𞤢𞥄𞤲 𞤳𞤫𞤴 𞤧𞤱𞤭𞤲'𞤺 𞤦𞤭𞤴𞤫𞤼𞤫𞥅𞤯𞤮 𞤨𞤫𞥅𞤲𞤧𞤭𞤤𞤱𞤢𞤲𞤭𞥅. 𞤅𞤫𞤨𞥆𞤮𞥅𞤶𞤭 𞤚𞤮𞤪𞤮𞤥𞤨𞤵 𞤭𞤲𞤢 𞤲'𞤶𞤮𞤺𞤭𞥅 𞤰𞤫𞥅𞤱𞤲'𞤣𞤮 𞤼𞤭𞥅𞤯𞤲'𞤺𞤮 𞤲'𞤺𞤢𞤥 𞤴𞤭𞤴𞤼𞤵𞤣𞤫 𞤳𞤢𞤩𞤭𞤪𞤯𞤫 𞤫 𞤺𞤫𞤯𞤫 𞤯𞤫 𞤸𞤢𞤪𞤥𞤭𞤲𞤢𞥄. 𞤊𞤭𞤯𞤼𞤢𞥄𞤲'𞤣𞤵 𞤲'𞤣𞤵𞥅 𞤱𞤢𞤯𞤭𞥅 𞤦𞤢𞤤𞤯𞤫 𞤧𞤫𞥅𞤯𞤢 𞤳𞤮 𞤢𞤣𞤭𞥅 𞤦𞤢𞤼𞤵 𞤲'𞤺𞤫𞤲𞤣𞤭𞥅𞤶𞤮 𞤈𞤫𞤨𞤵𞤦𞤤𞤭𞤷𞤢𞤭𞤲 𞤫𞤲 𞤨𞤮𞤼𞤲'𞤺𞤵 𞤴𞤵𞤩𞥆𞤭𞤲𞤫𞥅𞤣𞤫 𞤻𞤢𞤤𞤲'𞤣𞤫 𞥑𞥕 𞤧𞤵𞤤𞤴𞤫𞥅 𞥒𞥐𞥒𞥔.
𞤅𞤵𞤭𞤼𞤫𞥅𞤶𞤭
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤔𞤢𞥄𞤺𞤮𞤪𞤺𞤢𞤤 𞤧𞤭𞤪𞤤𞤵 𞤀𞤥𞤫𞤪𞤭𞤳 𞤭𞤲𞤢 𞤪𞤵𞤼𞥆𞤭𞤲𞤢 𞤫 𞤚𞤮𞤪𞤮𞤥𞤨𞤵 𞤲'𞤣𞤫 𞤮 𞤰𞤫𞤼𞥆𞤢𞤼𞤢 𞤶𞤵𞤲𞤺𞤮 𞤥𞤢𞤳𞥆𞤮 𞤲'𞤺𞤢𞤥 𞤧𞤢𞤤𞤢𞥄𞤣𞤫 𞤯𞤵𞤥. 𞤑𞤢𞥄𞤤𞤭𞤪𞤣𞤫 𞤅𞤫𞤷𞤪𞤫𞤼 𞤅𞤫𞤪𞤾𞤭𞤷𞤫 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 « 𞤳𞤫𞤱𞤵 𞤱𞤢𞤯𞤭𞥅 » 𞤼𞤫𞥅 𞤭𞤲𞤢 𞤧𞤫𞥅𞤣𞤼𞤮𞥅 𞤱𞤮𞤲'𞤣𞤫 𞤚𞤮𞤪𞤮𞤥𞤨𞤵 𞤭𞤲𞤢 « 𞤧𞤫𞤤𞥆𞤭 ». 𞤕𞤢𞤺𞥆𞤢𞤤 𞤯𞤵𞥅𞤥 𞤧𞤫𞥅𞤯𞤢⹁ 𞤮 𞤰𞤫𞥅𞤱𞤲'𞤣𞤢𞥄 𞤼𞤮 𞤲𞤮𞤳𞥆𞤵 𞤧𞤢𞤬𞤪𞤭𞤪𞤣𞤫 𞤲𞤮𞤳𞥆𞤵 𞤮𞥅⹁ 𞤫 𞤱𞤭𞤴𞤣𞤫 𞤅𞤼𞤫𞤾𞤫𞤲 𞤕𞤸𞤫𞤵𞤲'𞤺 ⹁ 𞤳𞤢𞥄𞤤𞤭𞤪𞤣𞤫 𞤳𞤢𞤥𞤨𞤢𞥄𞤻 𞤮𞥅. 𞤊𞤮𞤼𞤣𞤫 𞤱𞤢𞤳𞤼𞤵 𞤺𞤮𞥅𞤼𞤮 𞤷𞤢𞤺𞥆𞤢𞤤 𞤯𞤵𞥅𞤥⹁ 𞤨𞤫𞤤𞥆𞤭𞤪𞤮𞥅𞤱𞤮 𞤴𞤭𞤯𞤲𞤮𞥅𞤯𞤮 𞤱𞤢𞤪𞤣𞤫 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵⹁ 𞤮 𞤱𞤢𞤪𞤢𞥄.
𞤉 𞤱𞤭𞤴𞤣𞤫 𞤸𞤵𞤥𞤨𞤭𞤼𞤮𞥅𞤶𞤭 𞤶𞤮𞤳𞥆𞤮𞤲'𞤣𞤭𞤪𞤯𞤭⹁ 𞤲'𞤦𞤢𞤪𞤮𞥅𞤱𞤮 𞤮𞥅 𞤱𞤢𞤯𞤭𞥅 𞤸𞤮𞥅𞤪𞤫 𞤥𞤵𞤥 𞤲𞤮 𞤧𞤲𞤭𞤨𞤫𞤪 𞤲𞤭𞥅⹁ 𞤭𞤲𞤢 𞤱𞤮𞤯𞥆𞤭 𞥑𞤫𞤥𞤦𞤫𞤪𞤫 𞤥𞤫𞤼𞤢𞥄𞤶𞤭 𞥒𞥕 𞤫 𞤨𞤮𞤣𞤭𞤵𞤥 𞤯𞤮 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵 𞤣𞤢𞤪𞤭𞤲𞤮𞥅 𞤯𞤮𞥅. [ 𞥑𞥖 ] 𞤉 𞤱𞤭𞤴𞤣𞤫 𞤧𞤢𞤪𞤱𞤭𞤧𞤢𞥄𞤶𞤭 𞤧𞤭𞤪𞤤𞤵 𞤀𞤥𞤫𞤪𞤭𞤳⹁ 𞤲'𞤦𞤢𞤪𞤮𞥅𞤱𞤮 𞤮𞥅 𞤭𞤲𞤢 𞤶𞤮𞤺𞤭𞤲𞤮𞥅 𞤦𞤵𞤲'𞤣𞤵 𞤮𞤼𞤮𞤥𞤢𞤼𞤭𞤳 𞤀𞤈-𞥑𞥕.
𞤔𞤢𞥄𞤴𞤲'𞤣𞤫 𞤤𞤢𞥄𞤱𞤯𞤵𞤲'𞤣𞤫 𞤵𞤥𞥆𞤮𞤪𞤢𞥄𞤣𞤫 𞤫 𞤧𞤢𞤪𞤱𞤭𞤧𞤢𞥄𞤶𞤭 𞤧𞤭𞤪𞤤𞤵 𞤀𞤥𞤫𞤪𞤭𞤳 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞥒 𞤥𞤢𞥄𞤴𞤭 𞤸𞤫𞥅𞤲⹁ 𞤭𞤲𞤢 𞤸𞤫𞥅𞤲 𞤲'𞤦𞤢𞤪𞤮𞥅𞤱𞤮 𞤮𞥅⹁ 𞥒 𞤲'𞤺𞤢𞤻𞤭𞥅𞤥𞤢 𞤲𞤮 𞤬𞤫𞥅𞤱𞤭 𞤫 𞤺𞤮𞥅𞤼𞤮 𞤺𞤢𞥄𞤻𞤭𞥅𞤯𞤮 𞤧𞤫𞥅𞤯𞤢⹁ 𞤸𞤮𞤲𞤮 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵.
𞤒𞤫𞥅𞤱𞤼𞤫𞤪𞤫 𞤄𞥆𞤕 𞤫 𞤦𞤢𞤤𞥆𞤮𞥅𞤱𞤮 𞤚𞤮𞤪𞤮𞤥𞤨𞤵 𞤼𞤮 𞤲𞤮𞤳𞥆𞤵 𞤮 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤲'𞤦𞤢𞤪𞤮𞥅𞤱𞤮 𞤮 𞤸𞤢𞥄𞤤𞤢𞥄𞤥𞤢 𞤫 𞤳𞤭𞤨𞥆𞤵𞥅𞤶𞤭 𞤳𞤭𞤧𞤢𞤤 𞤫 𞤧𞤢𞤪𞤱𞤭𞥅𞤧 𞤧𞤭𞤪𞤤𞤵. 𞤔𞤫𞥅𞤪𞤼𞤭𞤲𞤢𞥄𞤲'𞤺𞤮 𞤲'𞤺𞤮𞥅 𞤲𞤮𞥅𞤲⹁ 𞤨𞤮𞤤𞤭𞤧 𞤫 𞤧𞤢𞤪𞤱𞤭𞤧𞤢𞥄𞤶𞤭 𞤧𞤭𞤪𞤤𞤵 𞤯𞤭𞥅 𞤲'𞤶𞤢𞤩𞤢𞥄𞤲𞤭 𞤯𞤵𞤥.
𞤏𞤭𞤯𞤼𞤮
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤅𞤢𞤪𞤱𞤭𞥅𞤧 𞤧𞤭𞤪𞤤𞤵 𞤀𞤥𞤫𞤪𞤭𞤳 𞤭𞤲𞤢 𞤶𞤮𞤳𞥆𞤭 𞤫 𞤱𞤭𞤯𞤼𞤵𞤣𞤫 𞤫 𞤁𞤫𞤨𞤢𞤪𞤼𞤫𞤥𞤢𞥄 𞤙𞤢𞥄𞤱𞤭𞤪𞤣𞤫 ⹁ 𞤊𞤄𞤋 ⹁ 𞤫 𞤄𞤭𞤪𞤮 𞤀𞤤𞤳𞤮𞤤⹁ 𞤚𞤵𞥅𞤦𞤢𞥄𞤳𞤮⹁ 𞤄𞤢𞤤𞤯𞤫 𞤫 𞤆𞤵𞤷𞥆𞤭𞤼𞤺𞤮𞤤. 𞤑𞤫𞤱𞤵 𞤲'𞤺𞤵𞥅 𞤭𞤲𞤢 𞤧𞤭𞤳𞥆𞤢𞥄 𞤳𞤮 𞤫𞤩𞥆𞤮𞥅𞤪𞤫 𞤱𞤢𞤪𞤲'𞤺𞤮.
𞤔𞤢𞥄𞤦𞤢𞤱𞤵𞥅𞤤𞤭
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤊𞤫𞤣𞥆𞤫𞥅𞤶𞤭
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤔𞤮𞥅 𞤄𞤢𞤴𞤣𞤫𞤲𞤫 𞤷𞤵𞤳𞥆𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭𞥅 𞤸𞤮𞤲𞤮 𞤑𞤢𞤥𞤢𞤤𞤢 𞤖𞤢𞤪𞥆𞤭𞤧 𞤭𞤲𞤢 𞤳𞤫𞤩𞤢 𞤸𞤵𞤥𞤨𞤭𞤼𞤮𞥅𞤶𞤭 𞤳𞤮 𞤬𞤢𞥄𞤼𞤭 𞤫 𞤸𞤢𞥄𞤤𞤢 𞤳𞤢𞥄⹁ 𞤼𞤢𞤱𞤭 𞤄𞤢𞤴𞤣𞤫𞤲𞤫 𞤲𞤢 « 𞤱𞤫𞤤𞤼𞤭𞥅 𞤫 𞤲𞤢𞤲'𞤣𞤫 » 𞤱𞤮𞤲'𞤣𞤫 𞤚𞤮𞤪𞤮𞤥𞤨𞤵 𞤭𞤲𞤢 𞤧𞤫𞤤𞥆𞤭.
𞤏𞤢𞤳𞤭𞥅𞤤𞤭𞥅𞤶𞤮 𞤈𞤵𞤦𞤫𞤲 𞤘𞤢𞤤𞥆𞤫𞤺𞤮 𞤫 𞤺𞤵𞤱𞤫𞤪𞤲𞤫𞥅𞤪 𞤤𞤫𞤴𞤣𞤭 𞤃𞤭𞤧𞤭𞤺𞤢𞤲 𞤫 𞤺𞤵𞤱𞤫𞤪𞤲𞤫𞥅𞤪 𞤆𞤫𞤲𞥆𞤧𞤴𞤤𞤾𞤢𞤲𞤭𞤢 𞤔𞤮𞥃 𞥃𞤢𞤨𞤭𞤪𞤮 𞤲'𞤶𞤢𞤤𞤼𞤭𞤲𞤭𞥅 𞤦𞤢𞤴𞥆𞤭𞤲𞤢𞥄𞤲'𞤺𞤮 𞤭𞤲𞤢 𞤻𞤭𞤽𞤢 𞤬𞤭𞤼𞤭𞤲𞤢𞥄𞤶𞤭 𞤨𞤮𞤤𞤭𞤼𞤭𞤳 .
𞤐𞤫𞤯𞥆𞤢𞥄𞤺𞤵
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤔𞤢𞥄𞤺𞤮𞤪𞤺𞤢𞤤 𞤳𞤮 𞤬𞤫𞥅𞤱𞤼𞤭 𞤫 𞤲'𞤶𞤵𞤤𞤢𞥄𞤺𞤵 𞤦𞤭𞤴𞤫𞤼𞤫𞥅𞤯𞤮 𞤉𞤤𞤮𞤲 𞤃𞤵𞤧𞤳 𞤸𞤮𞤤𞥆𞤭𞤼𞤭𞥅 𞤦𞤢𞤤𞥆𞤢𞤤 𞤥𞤵𞤥 𞤫 𞤚𞤮𞤪𞤮𞤥𞤨𞤵 𞤷𞤢𞤺𞥆𞤢𞤤 𞤲'𞤣𞤫 𞤮 𞤬𞤭𞤴𞤭.
𞤖𞤮𞥅𞤪𞤫𞥅𞤩𞤫 𞤤𞤫𞤴𞤯𞤫𞥅𞤤𞤫 𞤶𞤢𞤲𞤢𞤲𞤫
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤀𞤲'𞤣𞤪𞤫𞤧 𞤃𞤢𞤲𞤵𞤫𞤤 𞤂𞤮𞤨𞤫𞥁 𞤌𞤦𞤪𞤢𞤣𞤮𞤪 𞤤𞤢𞥄𞤥𞤯𞤮 𞤤𞤫𞤴𞤣𞤭 𞤃𞤫𞤳𞤧𞤭𞤳 𞤻𞤭𞤽𞤭𞥅 𞤱𞤢𞤪𞤲'𞤺𞤮 𞤲'𞤺𞤮 𞤫 𞤲'𞤣𞤫𞤪 𞤚𞤱𞤭𞤼𞥆𞤫𞤪. « 𞤉𞤯𞤫𞤲 𞤻𞤭𞤽𞤢 𞤳𞤮 𞤱𞤢𞤯𞤭 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵⹁ 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭𞥅. 𞤊𞤭𞤼𞤭𞤲𞤢𞥄𞤶𞤭 𞤯𞤭𞥅 𞤳𞤮 𞤯𞤭 𞤲'𞤺𞤢𞤤𞤢𞥄 𞤸𞤢𞤳𞥆𞤭𞤤𞥆𞤫⹁ 𞤯𞤭 𞤲'𞤺𞤢𞤤𞤢𞥄 𞤲𞤫𞤯𞥆𞤢𞥄𞤺𞤵.”
𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤪𞤶𞤢𞤲𞤼𞤭𞥅𞤲⹁ 𞤸𞤮𞤲𞤮 𞤔𞤢𞤾𞤭𞤫𞤪 𞤃𞤭𞤤𞤫𞤭⹁ 𞤻𞤭𞤽𞤭𞥅 𞤳𞤢𞤣𞤭 𞤫 𞤲'𞤣𞤫𞤪 𞤦𞤢𞤴𞥆𞤭𞤲𞤢𞥄𞤲'𞤺𞤮 𞤥𞤵𞤥 𞤤𞤢𞥄𞤱𞤯𞤵𞤲'𞤺𞤮⹁ 𞤫𞤩𞥆𞤢𞥄𞤲'𞤣𞤫 𞤱𞤢𞤪𞤲'𞤺𞤮 𞤲'𞤺𞤮𞥅 « 𞤦𞤵𞤤𞥆𞤫𞤼𞤭𞤲 𞤥𞤮 𞤮 𞤬𞤭𞤴𞤭 𞤫 𞤸𞤮𞥅𞤪𞤫 𞤥𞤢𞤳𞥆𞤮 𞤳𞤮 𞤲'𞤶𞤢𞤲'𞤺𞤵 𞤫 𞤣𞤢𞤪𞤢𞤲𞤭𞥅𞤩𞤫 𞤢𞤣𞤵𞤲𞤢 𞤲'𞤣𞤭𞤥𞤢𞥄𞤺𞤵 » ⹁ 𞤼𞤫𞥅 𞤭𞤲𞤢 𞤸𞤫𞤩𞤢 𞤳𞤢𞤣𞤭 𞤦𞤢𞤤𞥆𞤢𞤤 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤀𞤪𞤶𞤢𞤲𞤼𞤭𞥅𞤲𞥆𞤢𞥄𞤶𞤮 𞤦𞤭𞤴𞤫𞤼𞤫𞥅𞤯𞤮 𞤕𞤪𞤭𞤧𞤼𞤭𞤲𞤢 𞤊𞤫𞤪𞤲á𞤲'𞤣𞤫𞥁 𞤣𞤫 𞤑𞤭𞤪𞤷𞤸𞤲𞤫𞤪
𞤘𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤋𞤧𞤪𞤢𞥄𞤴𞤭𞥅𞤤⹁ 𞤄𞤫𞤲'𞤶𞤢𞤥𞤭𞤲 𞤐𞤫𞤼𞤢𞤻𞤢𞤸𞤵⹁ 𞤱𞤭𞤲𞤣𞤭 𞤫 𞤼𞤱𞤭𞤼𞥆𞤫𞤪 𞤥𞤵𞤥⹁ " 𞤃𞤭𞤲 𞤫 𞤅𞤢𞤪𞤢 𞤥𞤭𞤲 𞤲'𞤦𞤫𞤤𞤼𞤭𞥅𞤥𞤢 𞤲𞤮 𞤬𞤫𞥅𞤱𞤭 𞤫 𞤳𞤮 𞤲𞤢𞤲𞤣𞤭 𞤫 𞤳𞤮 𞤮 𞤱𞤢𞤯𞤭 𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤚𞤮𞤪𞤮𞤥𞤨𞤵. 𞤉𞤯𞤫𞤲 𞤻𞤢𞥄𞤺𞤮𞥅 𞤳𞤭𞤧𞤢𞤤 𞤥𞤢𞤳𞥆𞤮 𞤫 𞤷𞤫𞤤𞥆𞤢𞤤 𞤥𞤢𞤳𞥆𞤮 𞤳𞤮 𞤴𞤢𞥄𞤱𞤭. ". 𞤘𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤄𞤫𞤪𞤫𞤧𞤭𞥅𞤤 𞤸𞤮𞤲𞤮 𞤔𞤢𞤭𞤪 𞤄𞤮𞤤𞤧𞤮𞤲𞤢𞤪𞤮 𞤸𞤮𞤤𞥆𞤭𞤼𞤭𞥅 𞤦𞤢𞤤𞥆𞤢𞤤 𞤥𞤵𞤥 𞤫 𞤚𞤮𞤪𞤮𞤥𞤨𞤵 𞤷𞤢𞤺𞥆𞤢𞤤 𞤲'𞤣𞤫 𞤮 𞤱𞤢𞤯𞤭 𞤯𞤵𞤥.
𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤵𞤢𞤼𞤫𞤥𞤢𞤤𞤢⹁ 𞤸𞤮𞤲𞤮 𞤄𞤫𞤪𞤲𞤢𞤪𞤣𞤮 𞤀𞤪é𞤾𞤢𞤤𞤮⹁ 𞤱𞤭𞤲𞤣𞤭 𞤫 𞤚𞤱𞤭𞤼𞥆𞤫𞤪 « 𞤤𞤢𞥄𞤱𞤮𞤤 𞤬𞤭𞤼𞤭𞤲𞤢𞥄𞤶𞤭 𞤱𞤮𞤲𞤢𞥄 𞤤𞤢𞥄𞤱𞤮𞤤 𞤣𞤫𞤥𞤮𞤳𞤢𞤪𞤢𞥄𞤧𞤭 » ⹁ 𞤮 𞤻𞤢𞥄𞤺𞤭𞥅 𞤚𞤮𞤪𞤮𞤥𞤨𞤵 𞤴𞤮 𞤧𞤫𞤤𞥆𞤵 𞤳𞤮 𞤴𞤢𞥄𞤱𞤭.
𞤘𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤀𞤲'𞤺𞤢𞤤𞤼𞤫𞥅𞤪 𞤸𞤮𞤲𞤮 𞤑𞤫𞤭𞤪 𞤅𞤼𞤢𞤪𞤥𞤫𞤪 𞤱𞤭𞤲𞤣𞤭 𞤫 𞤚𞤱𞤭𞤼𞥆𞤫𞤪 « 𞤊𞤭𞤼𞤭𞤲𞤢𞥄𞤶𞤭 𞤨𞤮𞤤𞤭𞤼𞤭𞤳 𞤫 𞤳𞤢𞤤𞤢 𞤧𞤭𞤬𞤢𞥄 𞤲'𞤺𞤢𞤤𞤢𞥄 𞤲𞤮𞤳𞥆𞤵 𞤫 𞤲'𞤣𞤫𞤪 𞤪𞤫𞤲𞤣𞤮𞥅𞤶𞤭 𞤥𞤫𞤲 » ⹁ 𞤮 𞤲𞤫𞤤𞤣𞤭 𞤚𞤮𞤪𞤮𞤥𞤨𞤵 𞤫 𞤩𞤫𞤧𞤲'𞤺𞤵 𞤥𞤵𞤥 𞤣𞤵𞤱𞤢𞥄𞤱𞤵 𞤥𞤢𞤳𞥆𞤮 .
𞤘𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤐𞤵𞤱𞤫𞤤 𞤅𞤫𞤤𞤢𞤲𞤣𞤫⹁ 𞤸𞤮𞤲𞤮 𞤕𞤸𞤪𞤭𞤧𞤼𞤮𞤨𞤸𞤫𞤪 𞤂𞤵𞤿𞤮𞤲⹁ 𞤱𞤭𞤲𞤣𞤭 𞤫 𞤚𞤱𞤭𞤼𞥆𞤫𞤪 : "𞤃𞤭𞤯𞤮 𞤸𞤵𞤤𞤩𞤭𞤲𞤭𞥅 𞤫 𞤳𞤫𞤱𞤵𞥅𞤶𞤭 𞤸𞤢𞤲𞤣𞤫 𞤫 𞤧𞤫𞤨𞥆𞤮 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵 𞤼𞤮 𞤆𞤫𞤲𞥆𞤧𞤴𞤤𞤾𞤢𞤲𞤭𞤢. 𞤃𞤭𞥅𞤶𞤮𞥅𞤶𞤭 𞤢𞤥 𞤭𞤲𞤢 𞤲'𞤺𞤮𞤲'𞤣𞤭 𞤫 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭𞥅⹁ 𞤫 𞤩𞤫𞤧𞤲'𞤺𞤵 𞤥𞤵𞤥 𞤫 𞤱𞤮𞤲𞤩𞤫 𞤫 𞤲'𞤣𞤫𞥅𞤯𞤮𞥅 𞤲'𞤶𞤢𞤲'𞤺𞤵. 𞤖𞤢𞤴 𞤤𞤫𞤴𞤣𞤭 𞤬𞤮𞤼𞤢𞥄𞤲𞤭 𞤶𞤮𞤺𞤢𞥄𞤣𞤫 𞤸𞤮𞤲𞤮 𞤲'𞤣𞤫𞥅 𞤦𞤮𞤲𞤢𞤲𞤣𞤫 𞤨𞤮𞤤𞤭𞤼𞤭𞤳". 𞤔𞤢𞥄𞤺𞤮𞤪𞤺𞤢𞤤 𞤷𞤢𞤺𞥆𞤢𞤤 𞤤𞤫𞤴𞤣𞤭 𞤏𞤭𞤲𞤧𞤼𞤮𞤲 𞤆𞤫𞤼𞤫𞤪𞤧 𞤱𞤭𞤴𞤭 𞤳𞤢𞤣𞤭 : « 𞤐𞤵𞤱𞤫𞤤 𞤅𞤫𞤤𞤢𞤲𞤣𞤫 𞤫 𞤀𞤥𞤫𞤪𞤭𞤳 𞤳𞤮 𞤤𞤫𞤴𞤯𞤫𞥅𞤤𞤫 𞤯𞤭𞤯𞤭 𞤩𞤵𞤪𞤯𞤫 𞤩𞤮𞥅𞤴𞤣𞤫 𞤫 𞤣𞤫𞤥𞤮𞤳𞤢𞤪𞤢𞥄𞤧𞤭 » 𞤫 « 𞤉𞤯𞤫𞤲 𞤲'𞤦𞤫𞤤𞤼𞤭𞥅 𞤫 𞤦𞤮𞤲𞤢𞤲𞤣𞤫𞥅𞤶𞤭 𞤦𞤢𞤯𞤢𞤲𞤮𞥅𞤯𞤭 𞤫 𞤧𞤫𞤨𞥆𞤮 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵 𞤸𞤢𞤲𞤣𞤫 𞤸𞤵𞤭 ».
𞤘𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤑𞤢𞤲𞤢𞤣𞤢𞥄 𞤦𞤭𞤴𞤫𞤼𞤫𞥅𞤯𞤮 𞤔𞤵𞤧𞤼𞤭𞤲 𞤚𞤪𞤵𞤣𞤫𞤢𞤵 𞤱𞤭𞤲𞤣𞤭 𞤫 𞤚𞤱𞤭𞤼𞥆𞤫𞤪 𞤱𞤮𞤲'𞤣𞤫 "𞤭𞤲𞤢 𞤥𞤫𞤼𞥆𞤭𞤲𞤭 𞤸𞤫𞥅𞤲" 𞤫 𞤱𞤢𞤪𞤲'𞤺𞤮 𞤲'𞤺𞤮𞥅⹁ 𞤼𞤫𞥅 "𞤯𞤵𞤥 𞤱𞤢𞥄𞤱𞤢𞤼𞤢𞥄 𞤼𞤫𞥅𞤽𞤼𞤭𞤲𞤫𞥅𞤣𞤫 - 𞤦𞤮𞤲𞤢𞤲𞤣𞤫𞥅𞤶𞤭 𞤨𞤮𞤤𞤭𞤼𞤭𞤳 𞤥𞤫𞥅𞤯𞤢𞥄 𞤶𞤢𞤩𞤫𞥅𞤣𞤫. 𞤃𞤭𞥅𞤶𞤮𞥅𞤶𞤭 𞤢𞤥 𞤭𞤲𞤢 𞤲'𞤺𞤮𞤲'𞤣𞤭 𞤫 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤑𞤢𞤲𞤢𞤣𞤢𞥄⹁ 𞤼𞤢𞤱𞤼𞤮𞤪𞤢𞤲𞤮𞥅𞤩𞤫 𞤸𞤭𞥅𞤪𞤣𞤫 𞤲'𞤣𞤫𞥅 𞤫 𞤣𞤫𞤲𞤣𞤢𞥄𞤲'𞤺𞤢𞤤 𞤀𞤥𞤫𞤪𞤭𞤳𞤲𞤢𞥄𞤩𞤫". " 𞤖𞤮𞥅𞤪𞤫𞥅𞤶𞤮 𞤤𞤢𞤲𞤣𞤢 𞤑𞤮𞤲𞤧𞤫𞤪𞤾𞤢𞤼𞤭𞥅𞤬 𞤫𞤲⹁ 𞤸𞤮𞤲𞤮 𞤆𞤭𞤫𞤪𞥆𞤫 𞤆𞤮𞤭𞤤𞤭𞤫𞤾𞤪𞤫⹁ 𞤱𞤭𞤲𞤣𞤭𞥅 𞤫 𞤚𞤱𞤭𞤼𞥆𞤫𞤪 : « 𞤃𞤭𞤯𞤮 𞤻𞤭𞤽𞤢 𞤫 𞤸𞤢𞥄𞤤𞤢𞥄𞤶𞤭 𞤩𞤵𞤪𞤯𞤭 𞤼𞤭𞥅𞤯𞤣𞤫⹁ 𞤫𞤩𞥆𞤢𞥄𞤲'𞤣𞤫 𞤱𞤢𞤪𞤲'𞤺𞤮 𞤺𞤮𞤲𞥆𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤚𞤮𞤪𞤮𞤥𞤨𞤵 𞤸𞤢𞤲𞤣𞤫 .
𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵
𞤲'𞤺𞤢𞤥 𞤱𞤢𞤴𞤤𞤵𞤣𞤫
𞤁𞤮𞤲𞤢𞤤𞤣 𞤚𞤮𞤪𞤮𞤥𞤨𞤵 𞤶𞤢𞥄𞤦𞤼𞤭𞥅 𞤫 𞤤𞤮𞤱𞤪𞤫 𞤥𞤵𞤥 𞤪𞤫𞤲𞤣𞤮 “𞤼𞤪𞤵𞤼𞤸 𞤧𞤮𞤷𞤭𞤢𞤤” 𞤫 𞤦𞤢𞤴𞥆𞤭𞤲𞤢𞥄𞤲'𞤺𞤮 𞤶𞤵𞥅𞤼𞤲'𞤺𞤮. 𞤌 𞤴𞤫𞤼𞥆𞤭 𞤶𞤢𞥄𞤱𞤺𞤮𞤤 𞤺𞤮𞤤𞥆𞤫 𞤳𞤭𞤧𞤢𞤤⹁ 𞤮 𞤲𞤫𞤤𞤣𞤭 𞤦𞤢𞤤𞥆𞤢𞤤 𞤥𞤢𞤳𞥆𞤮 𞤫 𞤩𞤫𞤧𞤲'𞤺𞤵 𞤥𞤢𞥄𞤴𞤯𞤮 𞤮𞥅⹁ 𞤳𞤢𞤥 𞤫 𞤥𞤭𞥅𞤶𞤮𞥅𞤶𞤭 𞤥𞤢𞤳𞥆𞤮 𞤫 𞤺𞤢𞥄𞤻𞤭𞥅𞤩𞤫 𞤫 𞤲'𞤣𞤫𞤪 𞤲'𞤶𞤢𞤲'𞤺𞤵 𞤲'𞤺𞤵𞥅. 𞤌 𞤸𞤮𞤤𞥆𞤭𞤼𞤭 𞤳𞤢𞤣𞤭 𞤳𞤮 𞤮 𞤱𞤮𞤲𞤭 𞤫 𞤥𞤵𞤥 𞤫 𞤲'𞤣𞤫𞤪 𞤲'𞤶𞤢𞤲'𞤺𞤵 𞤲'𞤺𞤵𞥅.