𞤃𞤵𞤸𞤢𞤥𞥆𞤢𞤣𞤵 𞤔𞤵𞥅𞤤𞤣𞤫 𞤔𞤢𞤤𞥆𞤮

𞤃𞤵𞤸𞤢𞤥𞥆𞤢𞤣𞤵 𞤔𞤵𞥅𞤤𞤣𞤫 𞤔𞤢𞤤𞥆𞤮 (𞤶𞤭𞤦𞤭𞤲𞤢𞥄 𞤳𞤮 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥗𞥐) 𞤳𞤮 𞤧𞤭𞤴𞤢𞥄𞤧𞤢𞤴𞤢𞤲𞤳𞤫 𞤧𞤢𞤪𞤢𞤤𞤮𞤲⹁ 𞤳𞤮 𞤷𞤵𞤳𞥆𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤧𞤢𞤪𞤢𞤤𞤮𞤲 𞤸𞤢𞤲𞤣𞤫 𞤺𞤭𞤤𞤢 𞥔 𞤢𞤦𞤪𞤭𞥅𞤤 𞥒𞥐𞥑𞥘. 𞤔𞤢𞤤𞥆𞤮𞤸 𞤳𞤮 𞤺𞤢𞤲𞤣𞤮 𞤨𞤮𞤤𞤭𞤼𞤭𞤳⹁ 𞤶𞤮𞤥 𞤲'𞤺𞤢𞤤𞤵⹁ 𞤺𞤮𞤲𞥆𞤮𞥅𞤯𞤮 𞤶𞤢𞥄𞤺𞤮𞤪𞤺𞤢𞤤 𞤊𞤫𞤣𞥆𞤫 𞤐'𞤘𞤫𞤲𞤣𞤭𞥅𞤶𞤫 𞤁𞤫𞤲𞤼𞤵𞤯𞤫. 𞤔𞤢𞤤𞥆𞤮𞤸 𞤳𞤮 𞤼𞤫𞤪𞤺𞤢𞤤 𞤥𞤢𞤱𞤲'𞤺𞤢𞤤 𞤫 𞤲'𞤣𞤫𞤪 𞤤𞤢𞤲𞤣𞤢 𞤩𞤫𞤧𞤲'𞤺𞤵 𞤧𞤢𞤪𞤢𞤤𞤮𞤲.

𞤔𞤢𞤤𞥆𞤮𞤸 𞤸𞤫𞤩𞤭 𞤣𞤭𞤨𞤮𞤤𞤮𞤥 𞤥𞤵𞤥 𞤳𞤮 𞤬𞤢𞥄𞤼𞤭 𞤫 𞤺𞤢𞤲𞤣𞤢𞤤 𞤧𞤭𞤴𞤢𞥄𞤧 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤊𞤮𞤵𞤪𞤢 𞤄𞤢𞥄𞤴⹁ 𞤣𞤭𞤨𞤮𞤤𞤮𞤥 𞤥𞤵𞤥 𞤳𞤮 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤋𞤦𞤢𞤣𞤢𞤲 𞤼𞤮 𞤤𞤫𞤴𞤣𞤭 𞤐𞤢𞤶𞤫𞤪𞤭𞤴𞤢⹁ 𞤮 𞤸𞤫𞤩𞤭 𞤳𞤢𞤣𞤭 𞤣𞤮𞤳𞤼𞤮𞤪𞤢𞥄 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤄𞤮𞤪𞤣𞤮𞥅 𞤼𞤮 𞤤𞤫𞤴𞤣𞤭 𞤊𞤢𞤪𞤢𞤴𞤧𞤫. 𞤔𞤢𞤤𞥆𞤮𞤸 𞤭𞤲𞤢 𞤢𞤲𞤣𞤭 𞤯𞤫𞤥𞤯𞤫 𞤳𞤫𞥅𞤱𞤯𞤫⹁ 𞤭𞤲𞤢 𞤸𞤫𞥅𞤲 𞤉𞤲'𞤺𞤫𞤤𞤫 𞤫 𞤊𞤢𞤪𞤢𞤴𞤧𞤫.

𞤔𞤢𞤤𞥆𞤮𞤸 𞤳𞤮 𞤺𞤢𞤲𞤣𞤮 𞤨𞤮𞤤𞤭𞤼𞤭𞤳 𞤫 𞤸𞤫𞤦𞤤𞤮 𞤥𞤵𞤥⹁ 𞤮 𞤬𞤵𞤯𞥆𞤭𞥅 𞤺𞤮𞤤𞥆𞤮𞤪𞤢𞥄𞤣𞤫 𞤊𞤫𞤣𞥆𞤫 𞤐'𞤘𞤫𞤲𞤣𞤭𞥅𞤶𞤫 𞤁𞤫𞤲𞤼𞤵𞤯𞤫 𞤳𞤮 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥐⹁ 𞤲'𞤣𞤫 𞤮 𞤱𞤮𞤲𞤭 𞤮𞤬𞤭𞤧𞤫𞥅 𞤨𞤮𞤪𞤮𞤺𞤢𞤪𞤢𞥄𞤥 𞤼𞤮 𞤥𞤭𞤧𞤭𞤴𞤮𞤽 𞤊𞤫𞤣𞥆𞤫 𞤐'𞤘𞤫𞤲𞤣𞤭𞥅𞤶𞤫 𞤁𞤫𞤲𞤼𞤵𞤯𞤫 𞤼𞤮 𞤑𞤮𞤧𞤮𞤾𞤮. 𞤌 𞤶𞤫𞤴𞤢𞥄 𞤳𞤢𞤣𞤭 𞤳𞤮 𞤫 𞤴𞤭𞥅𞤤𞤭𞤪𞤣𞤫 𞤼𞤮𞤨𞥆𞤭𞤼𞤭𞥅𞤲'𞤣𞤫 𞤱𞤢𞤧𞤭𞤴𞤢𞥄𞤶𞤭 𞤥𞤢𞤱𞤯𞤭 𞤊𞤫𞤣𞥆𞤫 𞤐'𞤘𞤫𞤲𞤣𞤭𞥅𞤶𞤫 𞤁𞤫𞤲𞤼𞤵𞤯𞤫 𞤼𞤮 𞤃𞤢𞤤𞤭 𞤫 𞤣𞤭𞥅𞤱𞤢𞥄𞤲 𞤅𞤢𞥄𞤸𞤢𞤤.

𞤌 𞤭𞤲𞥆𞤭𞤪𞤢𞥄 𞤳𞤮 𞤳𞤢𞤲𞤣𞤭𞤣𞤢𞥄 𞤔𞤵𞤤𞤭𞤵𞤧 𞤃𞤢𞥄𞤣𞤢 𞤄𞤭𞤮 𞤫 𞤱𞤮𞥅𞤼𞤫 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞤅𞤭𞤴𞤫𞤪𞤢 𞤂𞤫𞤴𞤮𞥅𞤲 𞥒𞥐𞥑𞥘⹁ 𞤯𞤫 𞤩𞤫 𞤳𞤫𞤩𞤭 𞤫 𞤣𞤢𞥄𞤱𞤢𞤤 𞤯𞤭𞤯𞤢𞤩𞤢𞤤.

𞤔𞤢𞤤𞥆𞤮𞤸 𞤳𞤮 𞤶𞤵𞥅𞤤𞤯𞤮 𞤺𞤮𞤤𞥆𞤮𞥅𞤱𞤮⹁ 𞤶𞤭𞤦𞤭𞤲𞤢𞥄⹁ 𞤥𞤢𞤱𞤲𞤭 𞤳𞤮 𞤼𞤮 𞤑𞤮𞤭𞤣𞤵⹁ 𞤣𞤭𞥅𞤱𞤢𞥄𞤲 𞤑𞤮𞤲𞤮⹁ 𞤬𞤵𞤯𞤲𞤢𞥄𞤲'𞤺𞤫 𞤅𞤭𞤴𞤫𞤪𞤢 𞤂𞤫𞤴𞤮𞥅𞤲. 𞤌 𞤶𞤫𞤴𞤢𞥄 𞤳𞤮 𞤫 𞤤𞤫𞤻𞤮𞤤 𞤊𞤵𞤤𞤩𞤫.