𞤅𞤮𞤲𞥆𞤢 𞤅𞤫𞤳

‮𞤅𞤮𞤲𞥆𞤢 𞤅𞤫𞤷𞤳⹁ 𞤥𞤮 𞤭𞤲𞤣𞤫 𞤥𞤵𞤥 𞤼𞤭𞤺𞤭 𞤱𞤮𞤲𞤭 𞤃𞤢𞤭𞤥𞤮𞤵𞤲𞤢 𞤅𞤫𞤷𞤳⹁ 𞤶𞤭𞤦𞤭𞤲𞤢𞥄𞤯𞤮 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥘𞥕 𞤫 𞤲'𞤣𞤫𞤪 𞤱𞤵𞤪𞤮 𞤃𞤢𞤥𞤮𞤵⹁ 𞤳𞤮 𞤣𞤫𞤦𞥆𞤮 𞤦𞤭𞤴𞤫𞤼𞤫𞥅𞤯𞤮 𞤘𞤭𞤲𞤫⹁ 𞤶𞤭𞤥𞤮𞥅𞤱𞤮⹁ 𞤳𞤢𞤣𞤭 𞤳𞤮 𞤶𞤢𞤤𞤲𞤭𞥅𞤯𞤮.

𞤐'𞤘𞤵𞥅𞤪𞤲'𞤣𞤢𞤥

𞤓𞤥𞥆𞤮𞤪𞤢𞥄𞤣𞤫 𞤫 𞤺𞤢𞤤𞥆𞤫 𞤵𞤥𞥆𞤮𞤪𞤭𞥅𞤯𞤮 𞤀𞤱𞤤𞤮𞤵𞤦è (𞤘𞤪𞤭𞤮𞤼)⹁ 𞤮𞤥𞤮 𞤬𞤢𞤥𞤯𞤭 𞤲𞤮 𞤬𞤫𞥅𞤱𞤭 𞤲'𞤣𞤫 𞤮 𞤬𞤵𞤯𞥆𞤭𞥅 𞤥𞤭𞥅𞤶𞤢𞥄𞤣𞤫 𞤶𞤭𞤥𞤯𞤭 𞤫 𞤴𞤫𞤻𞤼𞤭𞤲'𞤣𞤫 𞤶𞤭𞤥𞤯𞤭 𞤺𞤢𞥄𞤣𞤢𞤲𞤼𞤫𞥅𞤶𞤭 𞤯𞤭 𞤮 𞤲𞤢𞤲𞤭 𞤫 𞤲'𞤣𞤫𞤪 𞤳𞤫𞤱𞤵𞥅𞤶𞤭 𞤷𞤫𞥅𞤪𞤼𞤵𞤯𞤭 (𞤦𞤢𞤨𞤼𞤭𞤧𞤥𞤢⹁ 𞤣𞤫𞤱𞤺𞤢𞤤 𞤫𞤳𞤲).

𞤔𞤢𞤲𞤣𞤫𞥅𞤶𞤭

𞤌 𞤼𞤭𞤥𞥆𞤭𞤲𞤭 𞤶𞤢𞤽𞤣𞤫 𞤥𞤢𞤳𞥆𞤮 𞤤𞤫𞤧𞤤𞤫𞤧𞤪𞤫 𞤼𞤮 𞤃𞤢𞤸𞤢𞤼𞤥𞤢 𞤘𞤢𞤲'𞤣𞤸𞤭⹁ 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤕𞤸â𞤼𞤫𞤢𞤵 𞤣’𞤫𞤢𞤵 𞤫 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤒𞤭𞤲'𞤦𞤢𞤴𞤢⹁ 𞤯𞤮 𞤮 𞤸𞤫𞤩𞤭 𞤦𞤢𞤳𞥆𞤢𞥄 𞤥𞤢𞤳𞥆𞤮 𞥑 𞤫 𞥒 𞤳𞤮𞤲𞤮 𞤱𞤮𞤲𞤢𞥄 𞤶𞤢𞤽𞤣𞤫 𞤲𞤢𞥄𞤼𞤺𞤮𞤤 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫𞥑.

𞤘𞤮𞤤𞥆𞤫 𞤬𞤭𞤶𞤮𞥅𞤱𞤮

𞤌 𞤬𞤫𞤤𞥆𞤭𞤼𞤭𞥅 𞤢𞤪𞤼𞤵𞤣𞤫 𞤫 𞤧𞤭𞤲𞤫𞤥𞤢𞥄 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥗 𞤫 𞤮 𞤧𞤮𞤧𞤭 𞤫 𞤧𞤫𞤸𞤭𞤤𞤢𞥄𞤩𞤫 𞤥𞤢𞤳𞥆𞤮 𞤵𞤥𞥆𞤮𞤪𞤭𞥅𞤩𞤫 𞤣𞤭𞥅𞤱𞤢𞥄𞤲 𞤖𞤢𞤬𞤭𞤢 (𞤕𞤮𞤲𞤢𞤳𞤪𞤴)⹁ 𞤬𞤫𞤣𞥆𞤫 Dj𞤮𞤵𞤪𞤭 Dj𞤢𞥄𞤥𞤢 𞤫 𞤮 𞤢𞤪𞤣𞤭𞥅 𞤬𞤭𞤤𞤥𞤮 𞤥𞤢𞤳𞥆𞤮 𞤺𞤢𞤣𞤢𞤲𞤮 𞤼𞤭𞤺𞤭 𞤪𞤭𞤺𞤭 𞤭𞤲𞤢 𞤱𞤭𞤴𞤫𞥅 𞤒𞤮-𞤀𞤤𞥆𞤢𞤸 𞤊𞤫𞤮𞤵𞤲𞤮𞤵 𞤭𞤲⹁ 𞤷𞤢𞤺𞥆𞤢𞤤 𞤯𞤵𞥅𞤥 𞤫 𞤬𞤭𞤤𞤥𞤵𞥅𞤶𞤭 𞤸𞤮𞤲𞤮 (𞤘𞤵𞤭𞤺𞤮𞤤 𞤐𞤢𞤬𞤫𞤪𞤢𞤭 Dj𞤮𞤳𞤭⹁ 𞤃𞤮𞤵𞤴𞤭𞤣é 𞤢𞤤𞥆𞤢𞤸 𞤫𞤼 𞤢𞤸𞥆 𞤣𞤫𞤦𞤮𞥅𞤼). 𞤌 𞤴𞤭𞤤𞥆𞤭𞥅𞤥𞤢 𞤲'𞤣𞤫𞤪 𞤘𞤭𞤲𞤫 𞤭𞤲𞤢 𞤶𞤫𞤴𞤢𞥄 𞤸𞤫𞥅𞤲 𞤑𞤭𞤲'𞤣𞤭𞤴𞤢⹁ 𞤃𞤢𞤥𞤮𞤵⹁ 𞤊𞤢𞤪𞤢𞤲𞤢𞤸⹁ 𞤆𞤭𞤼𞤢⹁ ⹁ 𞤊𞤢𞤦𞤭𞤴𞤮𞤤𞤢 (𞤐’𞤟é𞤪𞤫𞤳𞤮𞤪é)⹁ 𞤑𞤢𞤲𞤦𞤢𞤲 (𞤅𞤭𞤺𞤵𞤭𞤪𞤭)⹁ 𞤑𞤭𞤧𞥆𞤭𞤣𞤮𞤵𞤺𞤮𞤵⹁ 𞤃𞤢𞤲'𞤣𞤭𞤢𞤲𞤢⹁ 𞤄𞤮𞤳é 𞤫 𞤑𞤮𞤵𞤲'𞤣𞤢𞤪𞤢.

𞤊𞤭𞤤𞤥 𞤥𞤢𞤳𞥆𞤮 𞤘𞤮𞤵𞤪𞤣𞤢𞤲-𞤆𞤢ï𞤳𞤮𞤵𞤲𞥒 (𞤲'𞤺𞤵𞥅𞤪𞤲'𞤣𞤢𞤥 𞤧𞤵𞤳𞤢𞥄𞤩𞤫) 𞤯𞤮 𞤮 𞤱𞤢𞤯𞤭 𞤪𞤢𞤨𞥆𞤫𞤪 𞤫 𞤺𞤮𞤤𞥆𞤮𞤣𞤭𞥅𞤩𞤫 𞤥𞤢𞤳𞥆𞤮⹁ 𞤳𞤮 𞤯𞤵𞤥 𞤱𞤮𞤲𞤭 𞤬𞤵𞤯𞥆𞤮𞥅𞤣𞤫 𞤲'𞤦𞤢𞤴𞤤𞤭𞥅𞤺𞤵 𞤥𞤢𞤳𞥆𞤮 𞤬𞤫𞥅𞤱𞤣𞤫 𞤫 𞤶𞤭𞤥𞤯𞤭. 𞤉 𞤲'𞤣𞤫𞤪 𞤮𞥅 𞤬𞤭𞤤𞤥𞤮⹁ 𞤮 𞤪𞤢𞤨𞥆𞤭𞥅 𞤶𞤭𞤥𞤮𞤤 𞤭𞤲𞤢 𞤱𞤭𞤴𞤫𞥅 𞤅𞤢𞤴𞤢 (𞤃𞤢𞥄𞤴𞤣𞤫) 𞤫 𞤄𞤫𞤥'𞤧 𞤫 𞤃'𞤄𞤢𞤴𞤫.

𞤘𞤮𞤤𞥆𞤫 𞤶𞤭𞤥𞤯𞤭

𞤌 𞤱𞤢𞤯𞤭𞥅 𞤶𞤭𞤥𞤯𞤭 𞤧𞤫𞥅𞤯𞤢 𞤫 𞤬𞤫𞤣𞥆𞤫 𞤥𞤢𞤳𞥆𞤮 𞤁𞤮𞤵𞤪𞤭 𞤶𞤢𞤥𞤢𞥄⹁ 𞤶𞤭𞤥𞤮𞤤 𞤤𞤮𞤤𞥆𞤵𞤲'𞤺𞤮𞤤 𞤲'𞤺𞤮𞤤 𞤳𞤮 𞤚𞤮𞤵𞤪𞤮𞤵 𞤚𞤮𞤵𞤪𞤮𞤵. 𞤐'𞤁𞤫𞥅𞤯𞤮𞥅 𞤶𞤭𞤥𞤯𞤭 𞤴𞤭𞤤𞥆𞤭𞥅𞤥𞤢 𞤱𞤭𞤲𞤣𞤫𞤪𞤫 𞤲'𞤣𞤫𞥅 𞤳𞤢𞤤𞤢⹁ 𞤲'𞤣𞤫 𞤱𞤮𞤲𞤼𞤭 𞤸𞤭𞤼 𞤲'𞤺𞤫𞤲𞤣𞤭𞥅𞤶𞤮⹁ 𞤴𞤭𞤥𞤢𞥄⹁ 𞤴𞤭𞤥𞤢𞥄 𞤫 𞤲'𞤣𞤫𞤪 𞤺𞤫𞥅𞤧𞤫 𞤲𞤢𞤴 𞤘𞤭𞤲𞤫 𞤫 𞤷𞤢𞤺𞥆𞤢𞤤 𞤳𞤫𞥅𞤪𞤭 𞤘𞤭𞤲𞤫. 𞤑𞤮 𞤯𞤵𞤥 𞤱𞤮𞤲𞤭 𞤬𞤵𞤯𞥆𞤮𞥅𞤣𞤫 𞤰𞤫𞤤𞥆𞤭𞤼𞤢𞥄𞤪𞤫 𞤥𞤢𞤱𞤲'𞤣𞤫 𞤱𞤮𞤲𞤢𞤲'𞤣𞤫 𞤬𞤫𞤣𞥆𞤫 𞤲'𞤣𞤫⹁ 𞤫 𞤲'𞤶𞤭𞤤𞥆𞤵𞥅𞤶𞤭 𞤫 𞤲'𞤣𞤫𞤪 𞤤𞤫𞤴𞤣𞤭 𞤲'𞤣𞤭𞥅 𞤫 𞤲'𞤣𞤫𞤪 𞤤𞤫𞤴𞤯𞤫𞥅𞤤𞤫 𞤼𞤢𞥄𞤪𞤭𞥅𞤯𞤫 𞤯𞤵𞤥 𞤯𞤫𞥅⹁ 𞤼𞤫𞥅𞤽𞤼𞤭 𞤲𞤮𞥅𞤲 𞤫 𞤘𞤢𞤥𞤦𞤭⹁ 𞤅𞤫𞤲𞤫𞤺𞤢𞥄𞤤 𞤫 𞤘𞤭𞤲𞤫 𞤄𞤭𞤧𞤢𞥄𞤱𞤮.

𞤋𞤲𞤢 𞤣𞤮𞤺𞤢 𞤫 𞤤𞤮𞥅𞤱𞤣𞤭 𞤫 𞤈𞤢𞤶𞤮 𞤊𞤢𞤪𞤢𞤴𞤧𞤫 (𞤈𞤊𞤋)𞥓.

𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥙⹁ 𞤮 𞤰𞤫𞤤𞥆𞤭𞤼𞤭𞥅 𞤧𞤮𞤤𞤮 𞤫 𞤲'𞤣𞤫𞤪 𞤺𞤢𞤤𞥆𞤫 𞤨𞤫𞥅𞤱𞤲𞤵𞤺𞤮𞤤 𞤅𞤮𞤵𞤣𞤮𞤵 𞤁𞤢𞥄dj𞤢 𞤆𞤪𞤮𞤣 𞤥𞤮 𞤳𞤮𞤥𞤫𞤣𞤭𞤴𞤢𞤲𞤳𞤫 𞤦𞤭𞤴𞤫𞤼𞤫𞥅𞤯𞤮 𞤃𞤢𞤥𞤢𞤣𞤮𞤵 𞤚𞤸𞤵𞤺.

𞤁𞤢𞤪𞤢𞤲𞤭𞥅𞤩𞤫

𞤌𞤥𞤮 𞤻𞤢𞥄𞤺𞤭𞥅 𞤲'𞤣𞤫 𞤶𞤢𞤽𞤣𞤫 𞤬𞤵𞤯𞥆𞤮𞤼𞤮𞥅 𞤫 𞤲'𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫𞥔 𞤫 𞤲'𞤣𞤫𞤪 𞤻𞤢𞤤𞤲'𞤺𞤵 𞤪𞤫𞤱𞤩𞤫 𞤻𞤢𞤤𞤲'𞤣𞤫 𞥘 𞤥𞤢𞤪𞤧 𞥒𞥐𞥑𞥘 𞤼𞤮 𞤆𞤢𞤤𞤢𞤭𞤧 𞤣𞤵 𞤆𞤫𞤵𞤨𞤤𞤫 𞤼𞤮 𞤨𞤮𞤪𞤬𞤫𞤧𞤫𞥅𞤪 𞤀𞤤𞤨𞤸𞤢 𞤕𞤮𞤲'𞤣é 𞤫 𞤣𞤫𞤦𞥆𞤮 𞤥𞤵𞤥 Dj𞤫𞤲𞤫 𞤑𞤢𞤦𞤢 𞤕𞤮𞤲'𞤣é 𞤸𞤢𞤣𞤫 𞤥𞤵𞤥 𞤫𞤲 𞤬𞤵𞤯𞥆𞤢𞥄𞤣𞤫 𞤺𞤮𞤤𞥆𞤫 𞤥𞤵𞤥 𞤫𞤲 𞤫 𞤲'𞤣𞤫𞤪 𞤶𞤭𞤥𞤯𞤭𞥕.

𞤌 𞤻𞤢𞥄𞤺𞤭𞥅 𞤴𞤮 𞤳𞤢𞤧𞤼𞤪𞤢𞥄𞤧𞤭𞤴𞤮𞤽 (𞤷𞤢𞤧𞤼𞤪𞤢𞤼𞤭𞤮𞤲) 𞤰𞤢𞤼𞥆𞤮𞥅𞤩𞤫 𞤧𞤵𞤳𞤢𞥄𞤩𞤫 𞤩𞤫 𞤣𞤵𞥅𞤩𞤭 𞤥𞤵𞤥 𞤫𞤲 𞤲'𞤶𞤢𞤸𞤪𞤢𞤼𞤢 𞤫 𞤣𞤵𞥅𞤩𞤭 𞥕.

𞤕𞤫𞥅𞤪𞤼𞤵𞤩𞤫

𞤖𞤭𞤼𞤢𞥄𞤲'𞤣𞤫 𞥒𞥐𞥑𞥐: 𞤅𞤢𞤴𞤢

𞥒𞥐𞥑𞥓: 𞤋𞤲𞤥é𞤬𞤭dj𞤭𞤲𞥆𞤥

𞥒𞥐𞥑𞥕: 𞤄𞤵𞤲𞤺𞤵

𞥒𞥐𞥑𞥕: 𞤅𞤮𞤣𞤢𞤲𞤫𞤤𞤢𞤲𞤧𞤮

𞥒𞥐𞥑𞥕: 𞤚𞤵𞤪𞤵 𞤚𞤮𞤵𞤪𞥖

𞥒𞥐𞥒𞥐: 𞤃𞤭𞤯𞤮 𞤒𞤭𞥅𞤣𞤮𞥅𞤶𞤭

𞥒𞥐𞥒𞥐: 𞤂𞤢𞥄𞤦𞤭𞥗

𞤏𞤭𞤣𞤫𞤴𞤮𞥅𞤶𞤭

𞥒𞥐𞥒𞥐: 𞤃𞤭𞤯𞤮 𞤒𞤭𞥅𞤣𞤮𞥅𞤶𞤭

𞥒𞥐𞥒𞥓: 𞤁𞤭𞤥𞤮𞥘

𞤑𞤵𞥅𞤯𞤫 𞤲'𞤶𞤫𞥅𞤲𞤢𞥄𞤪𞤭 𞤶𞤭𞤥𞤯𞤭 𞤘𞤭𞤲𞤫 𞥒𞥐𞥑𞥗 (𞤚𞤮𞤵𞤪𞤮𞤵 𞤚𞤮𞤵𞤪𞤮𞤵)

𞤐'𞤔𞤫𞥅𞤲𞤢𞥄𞤶𞤫 𞤫 𞤲'𞤶𞤫𞥅𞤲𞤢𞥄𞤶𞤫

𞥒𞥐𞥑𞥗: 𞤐'𞤔𞤫𞥅𞤲𞤢𞥄𞤪𞤭 𞤩𞤵𞤪𞤲'𞤣𞤭 𞤥𞤮𞤰𞥆𞤵𞤣𞤫 𞤫 𞤶𞤭𞤥𞤯𞤭 𞤘𞤭𞤲𞤫

𞥒𞥐𞥑𞥘: 𞤆𞤫𞤷𞥆𞤫 𞤚𞤢𞤤𞤫𞤲𞤼 𞤵𞤥𞥆𞤮𞤪𞤭𞥅𞤯𞤫 𞤘𞤭𞤲𞤫 𞤆𞤢𞤪𞤭

𞤐'𞤘𞤵𞥅𞤪𞤲'𞤣𞤢𞤥 𞤳𞤫𞥅𞤪𞤭𞥅𞤯𞤮

𞤌 𞤪𞤫𞤧𞤭𞥅 𞤳𞤮 𞤺𞤭𞤤𞤢 𞥒𞥐𞥑𞥐⹁ 𞤮𞤥𞤮 𞤶𞤮𞤺𞤭𞥅 𞤩𞤭𞤯𞥆𞤮 𞤣𞤫𞤦𞥆𞤮 𞤺𞤭𞤤𞤢 𞥒𞥐𞥑𞥖.