𞤏𞤢𞥄𞤧𞤮𞤤𞤮𞤲
𞤏𞤢𞥄𞤧𞤮𞤤𞤮𞤲 𞤳𞤮 𞤲𞤮𞤳𞥆𞤵 𞤨𞤭𞤲𞤢𞤤 𞤫 𞤣𞤭𞥅𞤱𞤢𞥄𞤲 𞤣𞤢𞥄𞤪𞤼𞤮𞤤 𞤫 𞤲'𞤣𞤫𞤪 𞤬𞤢𞤤𞤲'𞤣𞤫 𞤥𞤢𞥄𞤴𞤮 𞤏𞤢𞥄𞤧𞤮𞤤𞤮𞤲 𞤼𞤮 𞤸𞤭𞤪𞤲𞤢𞥄𞤲'𞤺𞤫 𞤀𞤬𞤪𞤭𞤳. 𞤑𞤮 𞤯𞤮𞥅𞤲 𞤸𞤮𞤯𞤭 𞤬𞤮𞤼𞤣𞤫 𞥑𞥖𞥐 𞥐𞥐𞥐 𞤲𞤫𞤯𞥆𞤮⹁ 𞤳𞤮 𞤯𞤮𞥅𞤲 𞤳𞤢𞤣𞤭 𞤱𞤮𞤲𞤭 𞤺𞤢𞤤𞥆𞤫 𞤬𞤢𞤲𞥆𞤵 𞤶𞤭𞤥𞤯𞤭 𞤏𞤢𞥄𞤧𞤮𞤤𞤮𞤲 .
𞤏𞤢𞥄𞤧𞤮𞤤𞤮𞤲 𞤭𞤲𞤢 𞤼𞤢𞥄𞤪𞤮𞥅 𞤲𞤮𞤳𞥆𞤵 𞤯𞤮 𞤳𞤫𞥅𞤪𞤭 𞤤𞤫𞤴𞤯𞤫 𞤼𞤢𞤼𞤭 𞤸𞤢𞤲𞤣𞤫 𞤯𞤫𞥅 𞤳𞤢𞤱𞤪𞤭 : 𞤃𞤢𞤤𞤭⹁ 𞤑𞤮𞤣𞥆𞤵𞤱𞤢𞥄𞤪 𞤫 𞤘𞤭𞤲𞤫. 𞤋𞤲𞤢 𞤶𞤫𞤴𞤢𞥄 𞤸𞤫𞥅𞤲 𞤨𞤫𞤷𞥆𞤫 𞤬𞤵𞤯𞤲𞤢𞥄𞤲'𞤺𞤫-𞤪𞤫𞤱𞤮 𞤃𞤢𞤤𞤭⹁ 𞤱𞤮𞤪𞤺𞤮-𞤬𞤵𞤯𞤲𞤢𞥄𞤲'𞤺𞤫 𞤑𞤮𞤣𞤵𞤱𞤢𞥄𞤪⹁ 𞤫 𞤬𞤵𞤯𞤲𞤢𞥄𞤲'𞤺𞤫 𞤘𞤭𞤲𞤫. 𞤖𞤫𞥅𞤣𞥆𞤭 𞤲'𞤣𞤭 𞤳𞤮 𞤃𞤢𞥄𞤴𞤮 𞤐𞤭𞥅𞤧𞤫𞥅𞤪 𞤼𞤮 𞤱𞤮𞤪𞤺𞤮-𞤬𞤵𞤯𞤲𞤢𞥄𞤲'𞤺𞤫⹁ 𞤫 𞤥𞤢𞥄𞤴𞤮 𞤅𞤢𞤲𞤳𞤢𞤪𞤢𞤲𞤭 𞤼𞤮 𞤬𞤵𞤯𞤲𞤢𞥄𞤲'𞤺𞤫.
𞤬𞤭𞥅𞤲𞤢 𞤼𞤢𞤱𞤢𞥄
𞤏𞤢𞥄𞤧𞤮𞤤𞤮𞤲 𞤱𞤮𞤲𞤭 𞤶𞤭𞤦𞤭𞤲𞤢𞤲𞤣𞤫 𞤶𞤭𞤥𞤯𞤭 𞤏𞤢𞥄𞤧𞤮𞤤𞤮𞤲 ⹁ 𞤶𞤭𞤥𞤯𞤭 𞤶𞤭𞤤𞥆𞤮𞤲'𞤣𞤭𞤪𞤯𞤭 𞤫 𞤶𞤭𞤥𞤯𞤭 𞤢𞥄𞤣𞤢𞥄𞤶𞤭 𞤫 𞤶𞤢𞤥𞤢𞥄𞤲𞤵 𞤫 𞤶𞤭𞤥𞤯𞤭 𞤪𞤫𞤱𞤩𞤫 𞤼𞤭𞥅𞤯𞥆𞤭 𞤫 𞤶𞤭𞤥𞤯𞤭 𞤨𞤫𞤲𞤼𞤢𞤼𞤮𞤲𞤭𞤳 𞤸𞤵𞤲𞤼𞤫𞤪. 𞤃𞤭𞥅𞤶𞤮 𞤏𞤢𞥄𞤧𞤮𞤤𞤮𞤲 𞤭𞤲𞤢 𞤶𞤫𞤴𞤢𞥄 𞤫 𞤬𞤢𞤲𞥆𞤵𞥅𞤶𞤭 𞤯𞤭𞤯𞤭 𞤶𞤭𞤥𞤯𞤭 𞤀𞤬𞤪𞤭𞤳 𞤸𞤭𞤪𞤲𞤢𞥄𞤲'𞤺𞤫 𞤯𞤭 𞤢𞤲𞤣𞤵𞤩𞤫 𞤫𞤼𞤲𞤮𞤥𞤵𞤧𞤭𞤳𞤮𞤤𞤮𞤶𞤭 𞤷𞤭𞤳𞥆𞤢𞤼𞤢 𞤳𞤮 𞤭𞤱𞤣𞤭 𞤦𞤤𞤵𞤫𞤧 𞤀𞤥𞤫𞤪𞤭𞤳⹁ 𞤰𞤫𞤤𞥆𞤭𞤼𞤭𞥅𞤯𞤮 𞤫 𞤬𞤢𞤲𞥆𞤵𞥅𞤶𞤭 𞤶𞤭𞤥𞤯𞤭 𞤵𞤥𞥆𞤮𞤪𞤭𞥅𞤯𞤭 𞤫 𞤲'𞤶𞤵𞤤𞤢𞥄𞤺𞤵 𞤶𞤭𞤴𞤢𞥄𞤩𞤫 𞤀𞤥𞤫𞤪𞤭𞤳 𞤫 𞤲'𞤣𞤫𞤪 𞤀𞤬𞤪𞤭𞤳 𞤸𞤭𞤪𞤲𞤢𞥄𞤲'𞤺𞤫. 𞤋𞤲𞤢 𞤶𞤫𞤴𞤢𞥄 𞤫 𞤸𞤮𞤯𞤩𞤫 𞤏𞤢𞥄𞤧𞤮𞤤𞤮𞤲 𞤩𞤵𞤪𞤩𞤫 𞤤𞤮𞤤𞥆𞤵𞤣𞤫⹁ 𞤴𞤭𞤥𞤮𞥅𞤩𞤫 𞤦𞤭𞤴𞤫𞤼𞤫𞥅𞤯𞤮 𞤌𞤵𞤥𞤮𞤵 𞤅𞤢𞤲'𞤺𞤢𞤪𞤫⹁ 𞤈𞤢𞤥𞤢𞤼𞤢 𞤶𞤢𞤳𞤭𞤼𞤫𞥅 𞤫 𞤳𞤵𞤥𞤦𞤢 𞤅𞤭𞤣𞤭𞤦𞤫𞥅⹁ 𞤑𞤮 𞤩𞤫 𞤬𞤵𞤤𞤩𞤫.
𞤐𞤢𞤬𞤮𞥅𞤪𞤫 𞤨𞤭𞤲𞤢𞤤 𞤏𞤢𞥄𞤧𞤮𞤤𞤮𞤲 𞤭𞤲𞤢 𞤬𞤫𞥅𞤻𞤭 𞤫 𞤰𞤫𞤤𞥆𞤭𞤼𞤺𞤮𞤤 𞤲'𞤺𞤢𞤤𞤵 𞤫𞤲𞤼𞤫𞤪𞤲𞤫𞤼 𞤫 𞤧𞤮𞤧𞤣𞤫 𞤈𞤢𞤶𞤮 𞤏𞤢𞥄𞤧𞤮𞤤𞤮𞤲 𞤴𞤢𞤤𞤼𞤭𞤲𞤮𞥅𞤱𞤮 𞤵𞤥𞥆𞤮𞤪𞤢𞥄𞤣𞤫 𞤒𞤢𞤲𞤬𞤮𞤤𞤭𞤤𞤢.
𞤏𞤮𞤤𞤣𞤫
𞤏𞤢𞥄𞤧𞤮𞤤𞤮𞤲 𞤳𞤢𞤣𞤭 𞤳𞤮 𞤯𞤫𞤥𞤲'𞤺𞤢𞤤 𞤬𞤵𞤤𞤬𞤵𞤤𞤣𞤫 𞤬𞤵𞤯𞤲𞤢𞥄𞤲'𞤺𞤫⹁ 𞤭𞤲𞤢 𞤲𞤢𞤲𞤣𞤭 𞤫 𞤥𞤢𞤲𞤣𞤭𞤲𞤳𞤢 𞤳𞤢𞤲𞤳𞤢𞤲. [𞥒] 𞤖𞤢𞥄𞤤𞤮𞥅𞤩𞤫 𞤱𞤢𞤧𞥆𞤮𞤵𞤤𞤮𞤵 𞤭𞤲𞤢 𞤼𞤮𞤤𞤲𞤮𞥅 𞤫 𞥗𞥓 𞥕𞥐𞥐 𞤲𞤫𞤯𞥆𞤮 𞤫 𞤲'𞤣𞤫𞤪 𞤤𞤫𞤴𞤣𞤭 𞤘𞤭𞤲𞤫⹁ 𞤼𞤢𞤱𞤭 𞤳𞤮 𞤭𞤲𞤢 𞤼𞤮𞤤𞤲𞤮𞥅 𞤫 𞥔𞥑 𞥒𞥐𞥐 𞤸𞤢𞥄𞤤𞤮𞥅𞤩𞤫 𞤫 𞤲'𞤣𞤫𞤪 𞤤𞤫𞤴𞤣𞤭 𞤃𞤢𞤤𞤭⹁ 𞤯𞤮 𞤄𞤢𞤥𞤢𞤲𞤢𞤲𞤳𞤢𞤲⹁ 𞤯𞤫𞤥𞤲'𞤺𞤢𞤤 𞤩𞤢𞤣𞤼𞤭𞥅𞤲'𞤺𞤢𞤤⹁ 𞤭𞤲𞤢 𞤸𞤢𞥄𞤤𞤫𞥅 𞤳𞤢𞤣𞤭. 𞤚𞤮 𞤦𞤢𞤲𞤺𞤫 𞤱𞤮𞤪𞤺𞤮-𞤬𞤵𞤯𞤲𞤢𞥄𞤲'𞤺𞤫 𞤤𞤫𞤴𞤣𞤭 𞤑𞤮𞤣𞥆𞤵𞤱𞤢𞥄𞤪⹁ 𞤭𞤲𞤢 𞤱𞤢𞤯𞤭 𞤳𞤮 𞤭𞤲𞤢 𞤼𞤮𞤤𞤲𞤮𞥅 𞤫 𞥒𞥑 𞥐𞥐𞥐 𞤸𞤢𞥄𞤤𞤮𞥅𞤱𞤮 𞤏𞤢𞥄𞤧𞤮𞤤𞤮𞤲 ⹁ 𞤯𞤮 𞤲'𞤺𞤢𞤤 𞤶𞤮𞤳𞥆𞤮𞤲'𞤣𞤭𞤪𞤭 𞤫 𞤃𞤢𞤲𞤭𞤲𞤳𞤢 𞤏𞤮𞤶𞤫𞤲𞤢𞤳𞤢.
𞤖𞤮𞤯𞤩𞤫 𞤼𞤮𞥅𞤲 𞤭𞤲𞤢 𞤲'𞤺𞤢𞤲𞤣𞤭𞤪𞤫𞥅 𞤱𞤢𞥄𞤧𞤮𞤤𞤮𞤲𞤢𞥄𞤩𞤫⹁ 𞤱𞤢𞤤𞥆𞤢 𞤏𞤢𞥄𞤧𞤮𞤤𞤮𞤲𞤳𞤫.
𞤨𞤫𞤰𞥆𞤮𞤤
𞤁𞤭𞥅𞤱𞤢𞥄𞤲 𞤏𞤢𞥄𞤧𞤮𞤤𞤮𞤲 𞤳𞤮 𞤲𞤮𞤳𞥆𞤵 𞤶𞤭𞤤𞥆𞤮𞤲'𞤣𞤭𞤪𞤯𞤮 𞤤𞤫𞤰𞥆𞤭 𞤳𞤫𞥅𞤱𞤯𞤭. 𞤊𞤵𞤤𞤩𞤫⹁ 𞤩𞤫 𞤷𞤭𞤳𞥆𞤢𞤼𞤲𞤮𞥅 𞤳𞤮 𞤫𞤺𞥆𞤵𞤩𞤫 𞤵𞤥𞥆𞤮𞤪𞤢𞥄𞤣𞤫 𞤫 𞤼𞤮𞥅𞤱𞤫𞥅𞤳𞤭 𞤊𞤮𞤵𞤼𞤢 Dj𞤢𞤤𞥆𞤮𞤲 𞤬𞤫𞥅𞤱𞤣𞤫 𞤸𞤭𞤪𞤲𞤢𞥄𞤲'𞤺𞤫⹁ 𞤲𞤢𞥄𞤼𞤭 𞤫 𞤤𞤫𞤰𞥆𞤭 𞤩𞤭𞤯𞤩𞤫 𞤤𞤫𞤴𞤣𞤭 𞤃𞤢𞤲'𞤣é⹁ 𞤩𞤫 𞤲'𞤶𞤢𞤩𞤭 𞤯𞤫𞤥𞤲'𞤺𞤢𞤤 𞤥𞤢𞤩𞥆𞤫 𞤫 𞤢𞥄𞤣𞤢𞥄𞤶𞤭 𞤥𞤢𞤩𞥆𞤫 𞤱𞤮𞤲 𞤯𞤮 𞤳𞤮 𞤢𞤣𞤭𞥅 𞤼𞤫𞥅𞤥𞤭𞤲𞤢𞤲𞤣𞤫 𞥑𞥘𞤩𞤭𞥅𞤪𞤫⹁ 𞤸𞤫𞤣𞥆𞤫 𞤧𞤢𞤸𞤢𞥄 𞤲'𞤣𞤫 𞤂𞤭𞤧𞤤𞤢𞥄𞤥 𞤧𞤢𞥄𞤳𞤼𞤢𞤼𞤢 𞤫 𞤲'𞤣𞤫𞤪 𞤣𞤭𞥅𞤱𞤢𞥄𞤲 𞤸𞤫𞥅. 𞤋𞤲𞤢 𞤱𞤮𞥅𞤣𞤭 𞤳𞤢𞤣𞤭 𞤴𞤭𞤥𞤩𞤫 𞤃𞤢𞤲'𞤣𞤭𞤲'𞤺𞤮 𞤫𞤲 𞤵𞤥𞥆𞤮𞤪𞤭𞥅𞤩𞤫 𞤏𞤢𞥄𞤧𞤮𞤤𞤮𞤲 . 𞤅𞤢𞤦𞤵 𞤴𞤮𞤲𞤼𞤢𞥄𞤶𞤭 𞤳𞤫𞥅𞤱𞤯𞤭 𞤶𞤭𞤤𞥆𞤮𞤲'𞤣𞤭𞤪𞤯𞤭⹁ 𞤊𞤵𞤤𞤩𞤫 𞤸𞤫𞥅𞤱𞤩𞤫 𞤫 𞤲'𞤣𞤫𞤪 𞤣𞤭𞥅𞤱𞤢𞥄𞤲 𞤏𞤢𞥄𞤧𞤮𞤤𞤮𞤲 𞤲𞤢𞤼𞥆𞤭𞥅 𞤸𞤢𞥄𞤤𞤣𞤫 𞤯𞤫𞤥𞤲'𞤺𞤢𞤤 𞤥𞤵𞤥 𞤫𞤲 𞤲𞤫𞥅𞤲𞤭𞤱𞤢𞤤⹁ 𞤫𞤼𞤫𞥅 𞤳𞤫𞤩𞤼𞤭𞥅 𞤳𞤮𞤴𞤫 𞤥𞤵𞤥 𞤫𞤲 𞤫 𞤺𞤮𞤤𞥆𞤫 𞤨𞤭𞤲𞤢𞤤 𞤥𞤵𞤥 𞤫𞤲. 𞤋𞤲𞤯𞤫 𞤊𞤵𞤤𞤩𞤫 𞤩𞤵𞤪𞤯𞤫 𞤸𞤫𞥅𞤱𞤣𞤫 𞤭𞤱𞤣𞤫 𞤫 𞤏𞤢𞥄𞤧𞤮𞤤𞤮𞤲 𞤭𞤲𞤢 𞤲'𞤶𞤫𞤴𞤢𞥄 𞤸𞤫𞥅𞤲: 𞤁𞤭𞤢𞤤𞥆𞤮⹁ 𞤁𞤭𞤢𞤳𞤭𞤼𞤫⹁ 𞤅𞤭𞤣𞤭𞤦𞤫 𞤫 𞤅𞤢𞤲'𞤺𞤢𞤪𞤫. 𞤋𞤲𞤯𞤫 𞤺𞤮𞤯𞥆𞤫 𞤭𞤲𞤢 𞤲'𞤶𞤫𞤴𞤢𞥄 𞤸𞤫𞥅𞤲 𞤅𞤮𞤱 𞤫 𞤁𞤭𞤢. 𞤍𞤫𞥅 𞤭𞤲𞤯𞤫 𞤲'𞤺𞤮𞤲𞤢𞥄 𞤼𞤢𞤲 𞤫 𞤊𞤵𞤤𞤩𞤫 𞤲'𞤣𞤭𞥅 𞤣𞤭𞥅𞤱𞤢𞥄𞤲.
𞤖𞤢𞤴 𞤧𞤮 𞤼𞤢𞤱𞤭𞥅 𞤣𞤢𞥄𞤪𞤼𞤮𞤤 𞤣𞤮𞤱𞤤𞤢𞥄𞤶𞤭 𞤃𞤢𞤲'𞤣𞤭𞤲𞤳𞤮𞥅𞤩𞤫 𞤏𞤢𞥄𞤧𞤮𞤤𞤮𞤲 𞤭𞤲𞤢 𞤸𞤫𞤣𞥆𞤭𞥅 𞤭𞤲𞤢 𞤤𞤢𞥄𞤩𞤼𞤭⹁ 𞤤𞤢𞥄𞤥𞤵𞥅𞤶𞤭 𞤼𞤮𞤳𞤮𞥅𞤧𞤭 𞤑𞤫𞤲𞤫𞤣𞤵𞤺𞤵 𞤫 𞤏𞤢𞤧𞥆𞤵𞤤𞤵 𞤭𞤲𞤢 𞤲'𞤺𞤮𞥅𞤣𞤭 𞤳𞤮 𞤬𞤢𞤥𞤯𞤭 𞤬𞤮𞤬 𞤺𞤭𞤤𞤢 𞤫 𞤳𞤭𞤼𞤢𞥄𞤤𞤫 𞥑𞥖𞥕𞥐⹁ 𞤭𞤲𞤢 𞤲𞤢𞤬𞤼𞤮𞤪𞤮𞥅 𞤲'𞤶𞤵𞤤𞤢𞥄𞤺𞤵 𞤳𞤢𞤽𞥆𞤫 𞤫 𞤲'𞤶𞤵𞤤𞤢𞥄𞤺𞤵 𞤫 𞤲'𞤣𞤫𞤪 𞤣𞤭𞥅𞤱𞤢𞥄𞤲 𞤸𞤫𞥅.
𞤏𞤢𞥄𞤧𞤮𞤤𞤮𞤲 𞤳𞤢𞤣𞤭 𞤳𞤮 𞤭𞤲𞤣𞤫 𞤣𞤮𞤱𞤤𞤢 𞤂𞤭𞤧𞤤𞤢𞥄𞤥⹁ 𞤂𞤢𞥄𞤥𞤢𞥄𞤲'𞤣𞤭 𞤏𞤢𞥄𞤧𞤮𞤤𞤮𞤲 (𞥑𞥘𞥗𞥐–𞥑𞥘𞥙𞥘)⹁ 𞤫 𞤺𞤢𞤪𞤣𞤢𞤺𞤮𞤤 𞤅𞤢𞤥𞤮𞤪𞤭 𞤚𞤵𞤪𞤫⹁ 𞤷𞤢𞤳𞥆𞤭𞤼𞤭𞥅𞤲'𞤣𞤭 𞤳𞤮 𞤤𞤢𞥄𞤥𞤮𞤪𞤺𞤮 𞤥𞤵𞤥 𞤄𞤭𞤧𞥆𞤢𞤲'𞤣𞤵𞤺𞤵. 𞤉 𞤸𞤭𞤼𞤢𞥄𞤲'𞤣𞤫 𞥑𞥘𞥗𞥐 𞤅𞤢𞤥𞤮𞤪𞤭 𞤤𞤭𞤩𞤭 𞤣𞤮𞤱𞤤𞤢 𞤏𞤢𞥄𞤧𞤮𞤤𞤮𞤲 𞤥𞤫𞥅𞤯𞤲𞤮𞥅𞤯𞤮 𞤱𞤮𞤲'𞤣𞤫 𞤬𞤢𞥄𞤥𞤢 𞤥𞤵𞤥 (𞤤𞤢𞥄𞤥𞤭𞥅𞤯𞤮) 𞤱𞤭𞤴𞤫𞤼𞤫𞥅 𞤳𞤮 𞤔𞤢𞤲𞤢𞤦𞤵𞤬𞤢𞤪𞤭𞤲𞤢 𞤃𞤮𞤣𞤭. 𞤁𞤭𞥅𞤱𞤢𞥄𞤲 𞤏𞤢𞥄𞤧𞤮𞤤𞤮𞤲 𞤵𞤥𞥆𞤭𞥅𞤥𞤢 𞤫 𞤼𞤵𞥅𞤪𞤫𞥅 𞤤𞤢𞥄𞤦𞤭 𞤳𞤫𞥅𞤱𞤯𞤭. 𞤑𞤮 𞤢𞤣𞤭𞥅 𞤬𞤮𞤬 𞤳𞤮 𞤫 𞤸𞤭𞤼𞤢𞥄𞤲'𞤣𞤫 𞥑𞥘𞥘𞥕 𞤲'𞤺𞤢𞤥 𞤶𞤢𞥄𞤦𞤢𞥄𞤣𞤫 𞤲'𞤶𞤵𞤩𞥆𞤵𞤣𞤭 𞤤𞤭𞤧𞤤𞤢𞥄𞤥 𞤫 𞤲'𞤣𞤫𞤪 𞤤𞤢𞥄𞤥𞤵 𞤲'𞤺𞤵𞥅 𞤫 𞤵𞤧𞤼𞤵𞤣𞤫 𞤺𞤮𞤤𞥆𞤫 𞤢𞤲𞤭𞤥𞤭𞤧𞤼 𞤫𞤲. 𞤑𞤮 𞤥𞤭𞤻𞤭𞥅𞤳𞤮 𞤼𞤵𞥅𞤪𞤫𞥅⹁ 𞤸𞤮𞤲𞤮 𞤑𞤫𞤥𞤫 𞤄𞤪𞤫𞤥𞤢⹁ 𞤪𞤫𞥅𞤲𞤼𞤭𞤲𞤭 𞤯𞤵𞤥 𞤲𞤮 𞤬𞤫𞥅𞤱𞤭. [𞥗] 𞤖𞤢𞤪𞤫 𞤸𞤢𞤳𞥆𞤵𞤲'𞤣𞤫 𞤅𞤢𞤥𞤮𞤪𞤭 𞤫 𞤑𞤫𞤲𞤫𞤣𞤮𞤵𞤺𞤮𞤵 𞤦𞤮𞤲𞥆𞤭𞥅 𞤣𞤭𞥅𞤱𞤢𞥄𞤲 𞤮𞥅⹁ 𞤢𞤣𞥆𞤭 𞤵𞤶𞤵𞤲𞥆𞤢𞥄𞤶𞤫 𞤵𞤶𞤵𞤲𞥆𞤢𞥄𞤶𞤫 𞤥𞤮𞥅𞤤𞤭𞥅𞤩𞤫 𞤩𞤫 𞤳𞤫𞥅𞤱𞤭 𞤴𞤫𞥅𞤴𞤫𞥅𞤣𞤫 𞤥𞤢𞤷𞥆𞤵𞤲'𞤺𞤢𞥄𞤺𞤵 𞤱𞤢𞤤𞥆𞤢 𞤸𞤢𞤴 𞤴𞤫𞥅𞤴𞤣𞤫 𞤳𞤮𞤴𞤫 𞤥𞤵𞤥 𞤫𞤲 𞤲'𞤺𞤢𞤥 𞤱𞤢𞥄𞤧𞤣𞤫 𞤸𞤫𞥅𞤺𞤫. 𞤃𞤵𞥅𞤪𞤼𞤫𞤪𞤫 𞤱𞤮𞤯𞤲'𞤣𞤫 𞤷𞤢𞤺𞥆𞤢𞤤 𞤲'𞤣𞤫 𞤅𞤢𞤥𞤮𞤪𞤴 𞤴𞤢𞤲𞤭 𞤫 𞤸𞤢𞤪𞤫 𞤅𞤭𞤳𞤢𞤧𞥆𞤮 𞤳𞤢𞤣𞤭⹁ 𞤵𞤧𞤼𞤢𞥄𞤥𞤢 𞤲𞤮 𞤬𞤫𞥅𞤱𞤭. 𞥑𞥒𞥖𞥙 𞤼𞤵𞥅𞤪𞤫𞥅 𞤱𞤢𞤪𞤼𞤭 𞤫 𞤸𞤭𞤼𞤢𞥄𞤲'𞤣𞤫 𞥑𞥘𞥙𞥑⹁ 𞤮 𞤵𞤥𞥆𞤭𞤲𞤭 𞤳𞤮 𞤸𞤫𞥅𞤱𞤭 𞤫 𞤴𞤭𞤥𞤩𞤫 𞤬𞤵𞤯𞤲𞤢𞥄𞤲'𞤺𞤫 𞤫 𞤥𞤢𞤳𞥆𞤮 𞤫 𞤲'𞤣𞤫𞤪 𞤫𞤺𞥆𞤵𞤺𞤮𞤤 𞤥𞤢𞤳𞥆𞤮. [𞥘]:𞥒𞥗𞥓 𞤏𞤢𞥄𞤧𞤮𞤤𞤮𞤲 𞤶𞤮𞤳𞥆𞤭 𞤫 𞤼𞤢𞤥𞤨𞤭𞤲'𞤣𞤫 𞤽𞤢𞤳𞥆𞤫𞥅𞤲'𞤣𞤫 𞤳𞤭𞤧𞤢𞤤 𞤫 𞤬𞤭𞤼𞤭𞤲𞤢𞥄𞤶𞤭 𞤪𞤫𞤲𞤣𞤮⹁ 𞤸𞤢𞥄 𞤢𞤪𞤼𞤭 𞤲𞤮𞥅𞤲 𞤫 𞤰𞤢𞥄𞤻𞤺𞤮𞤤 𞤳𞤮𞤲𞤵 𞤳𞤮𞤤𞤮𞤻𞤢𞥄𞤤⹁ 𞤳𞤮 𞤶𞤵𞥅𞤼𞤭 𞤷𞤢𞤺𞥆𞤢𞤤 𞤤𞤢𞥄𞤥𞤵 𞤊𞤢𞤪𞤢𞤲𞤧𞤭.