𞤐'𞤁𞤢𞥄𞤥𞤢

𞤐'𞤁𞤢𞥄𞤥𞤢 𞤳𞤮 𞤭𞤱𞤣𞤭 𞤶𞤢𞤱𞤣𞤭 𞤶𞤫𞤴𞤢𞥄𞤲'𞤣𞤭 𞤫 𞤸𞤭𞤪𞤲𞤢𞥄𞤲'𞤺𞤫 𞤀𞤬𞤪𞤭𞤳. 𞤉𞤯𞤫 𞤲'𞤦𞤭𞤴𞤫𞥅 𞤳𞤢𞤣𞤭 𞤄𞤮𞤫𞤲𞤷𞤢 𞤱𞤢𞤤𞥆𞤢 𞤄𞤮𞤴𞤫𞤲𞤷𞤢 (𞤘𞤭𞤲𞤫-𞤄𞤭𞤧𞤢𞥄𞤱𞤮)⹁ 𞤬𞤵𞥅𞤼𞤢 𞤶𞤢𞥄𞤤𞤮𞥅⹁ 𞤔𞤢𞤤𞤵𞤲𞤳𞤫 𞤱𞤢𞤤𞥆𞤢 𞤔𞤢𞤤𞤵𞤲𞤳𞤫 𞤶𞤢𞤱𞤣𞤭⹁ 𞤬𞤵𞥅𞤼𞤢 𞤂𞤮𞤲'𞤺𞤸𞤮𞤪𞤲⹁ 𞤊𞤮𞤵𞤼𞤢 𞤃𞤢𞤤𞤭𞤲𞤳𞤫⹁ 𞤊𞤵𞤼𞤢⹁ 𞤃𞤢𞤤𞤭𞤲𞤳𞤫⹁ 𞤃𞤢𞤲'𞤣𞤭𞤲'𞤺𞤮 (𞤂𞤢𞤦𞤭𞤪𞤭𞤴𞤢𞤢) 𞤫 𞤐'𞤁𞤢𞤥𞤢 𞤆𞤫𞤼𞤭𞤼𞤫 (𞤅𞤫𞤲𞤫𞤺𞤢𞥄𞤤). 𞤑𞤮 𞤫 𞤲'𞤣𞤫𞤪 𞤣𞤵𞥅𞤯𞤫 𞤼𞤮𞥅𞤱𞤯𞤫 𞤘𞤭𞤲𞤫⹁ 𞤯𞤫 𞤼𞤢𞤱𞤫𞤼𞤫𞥅 𞤳𞤢𞤣𞤭 𞤳𞤮 𞤬𞤵𞤲𞥆𞤢𞥄𞤲'𞤺𞤫 𞤅𞤫𞤲𞤫𞤺𞤢𞥄𞤤⹁ 𞤘𞤭𞤲𞤫 𞤄𞤭𞤧𞤢𞥄𞤱𞤵⹁ 𞤘𞤢𞤥𞤦𞤭⹁ 𞤃𞤢𞤤𞤭⹁ 𞤑𞤮𞤣𞥆𞤭𞤱𞤢𞥄𞤪⹁ 𞤂𞤢𞤦𞤭𞤪𞤭𞤴𞤢𞥄⹁ 𞤲𞤢𞤴𞤶𞤫𞥅𞤪𞤭 𞤫 𞤧𞤢𞤪𞤢𞤤𞤮𞤲. 𞤍𞤭 𞤲'𞤺𞤮𞤲𞤭 𞤳𞤮 𞤫 𞤼𞤪𞤴𞤨𞤢𞤲𞤮𞤼𞤮𞤤𞤫𞤪𞤢𞤲𞤼⹁ 𞤳𞤮 𞤯𞤵𞤥 𞤢𞤣𞥆𞤢𞤲𞤼𞤢 𞤯𞤭 𞤶𞤮𞤺𞤢𞥄𞤣𞤫 𞤲𞤮𞤳𞥆𞤵𞥅𞤶𞤭 𞤯𞤮 𞤲'𞤦𞤮𞤪𞤮𞤧𞤢𞥄𞤶𞤭 𞤼𞤧𞤫𞤼𞤧𞤫 𞤲'𞤶𞤭𞤴𞤤𞤮𞤼𞤮𞥅. [𞥑] [𞥒] 𞤑𞤢𞤣𞤭 𞤭𞤲𞤢 𞤲'𞤶𞤮𞤺𞤭𞥅 𞤧𞤫𞤥𞤦𞤫 𞤩𞤵𞤪𞤯𞤮 𞤥𞤢𞤱𞤲𞤵𞤣𞤫 𞤫 𞤲'𞤦𞤮𞤪𞤮𞤧𞤢𞥄𞤶𞤭 𞤫 𞤻𞤢𞤱𞤵𞥅𞤶𞤭 𞤯𞤭 𞤩𞤫 𞤲'𞤶𞤮𞤺𞤭𞥅 𞤳𞤢𞤥 𞤫 𞤲'𞤦𞤮𞤪𞤮𞤧𞤢𞥄𞤶𞤭 𞤪𞤫𞥅𞤣𞤵 𞤦𞤭𞤴𞤫𞤼𞤫𞥅𞤯𞤭 𞤖𞤢𞤫𞤥𞤮𞤲𞤷𞤸𞤵𞤧 𞤷𞤮𞤲𞤼𞤮𞤪𞤼𞤵𞤧. [𞥓]

𞤋𞤲𞤢 𞤩𞤮𞥅𞤴𞤭 𞤥𞤭𞥅𞤶𞤢𞥄𞤣𞤫 𞤱𞤮𞤲'𞤣𞤫 𞤲'𞤦𞤢𞤴𞤣𞤭 𞤶𞤢𞤱𞤣𞤭 𞤅𞤫𞤲𞤫𞤨𞤮𞤤⹁ 𞤰𞤫𞤤𞥆𞤭𞤼𞤭𞥅𞤲'𞤣𞤭 𞤫 𞤣𞤵𞥅𞤲'𞤣𞤫 𞤅𞤢𞤭𞤲𞤼𞤫-𞤕𞤪𞤮𞤭𞤿 𞤼𞤮 𞤑𞤢𞤪𞤭𞥅𞤦𞤭⹁ 𞤵𞤥𞥆𞤮𞤪𞤭𞥅 𞤳𞤮 𞤫 𞤶𞤮𞤳𞥆𞤫𞤪𞤫 𞤫𞤲𞤯𞤢𞤥 𞤸𞤢𞤳𞥆𞤵𞤲'𞤣𞤫 𞤶𞤢𞤱𞤣𞤭 𞤐’𞤁𞤢𞤥𞤢⹁ 𞤲𞤢𞥄𞤼𞤲'𞤣𞤭 𞤫 𞤣𞤢𞤪𞤮𞤪𞤯𞤫 𞤼𞤫𞥅𞤥𞤭𞤲𞤢𞤲𞤣𞤫 𞥑𞥙𞤩𞤭𞥅𞤪𞤫⹁ 𞤫 𞤶𞤢𞤱𞤣𞤭 𞤈𞤫𞤣 𞤆𞤮𞤤𞥆⹁ 𞤳𞤮𞤲𞤮 𞤫 𞤺𞤮𞥅𞤲'𞤺𞤢 𞤳𞤮 𞤲'𞤣𞤭 𞤶𞤭𞤤𞥆𞤮𞤲'𞤣𞤭𞤪𞤲'𞤣𞤭 𞤶𞤭𞤦𞤭𞤲𞤢𞤲𞤣𞤫 𞤸𞤢𞤳𞥆𞤵𞤲'𞤣𞤫 𞤼𞤢𞤵𞤪𞤭𞤲𞤫 𞤌𞤪𞤮𞤨 (𞤆𞤮𞤤𞥆 𞤦𞤮𞤯𞤫𞥅𞤶𞤮) 𞤫 𞥁𞤫𞤦𞤵.

𞤣𞤵𞤻𞤵𞤺𞤮𞤤𞤯𞤭

𞤁𞤵𞥅𞤩𞤭 𞤶𞤭𞤦𞤭𞤲𞤢𞤲𞤣𞤫 𞤢𞤣𞤢𞤲𞤣𞤫 𞤳𞤮 𞤣𞤵𞥅𞤩𞤭 𞥓⹁𞥕 𞤼𞤮 𞤑𞤢𞤧𞤢𞤥𞤢𞥄𞤧 𞤼𞤮𞥅𞤱𞤯𞤮⹁ 𞤭𞤲𞤢 𞤬𞤢𞤥𞤯𞤭 𞤧𞤫𞥅𞤯𞤢 𞤼𞤮 𞤑𞤢𞤧𞤢𞤥𞤢𞥄𞤧 𞤤𞤫𞤧 𞤫 𞤸𞤢𞤳𞥆𞤵𞤲'𞤣𞤫𞥅𞤶𞤮. 𞤖𞤢𞤳𞥆𞤵𞤲'𞤣𞤫 𞤾𞤵𞤪𞤧𞤵𞤺𞤮𞤤 𞤲'𞤺𞤮𞤤 𞤳𞤮 𞤤𞤫𞤦𞥆𞤭 𞥑𞥖 𞤸𞤢𞥄 𞥑𞥗 𞤫 𞤲'𞤣𞤫𞤪 𞤑𞤢𞤧𞤢𞤥𞤢𞥄𞤧 𞤸𞤢𞤳𞥆𞤵𞤲'𞤣𞤫𞥅𞤶𞤮 𞤫 𞤼𞤮𞥅𞤱𞥁𞤮 𞤫 𞤳𞤮 𞤭𞤲𞤢 𞤱𞤮𞤲𞤢 𞤤𞤫𞤦𞥆𞤭 𞥑𞥙 𞤫 𞤲'𞤣𞤫𞤪 𞤑𞤢𞤧𞤢𞤥𞤢𞥄𞤧 𞤤𞤫𞤧⹁ 𞥘𞥐 % 𞤫 𞤾𞤵𞤪𞤧𞤵𞤺𞤮𞤤 𞤲'𞤺𞤮𞤤 𞤭𞤲𞤢 𞤱𞤢𞥁𞤫𞥅 𞤫 𞤲'𞤣𞤫𞤪 𞤤𞤫𞤦𞥆𞤭 𞤶𞤫𞥅𞤺𞤮𞤥 𞤷𞤢𞤳𞥆𞤭𞤼𞤭𞥅𞥁𞤭 𞥁𞤭. 𞤖𞤢𞤳𞤭𞤲'𞤣𞤮 𞤪𞤵𞤼𞥆𞤢𞥄𞤣𞤫 𞤳𞤮 𞥑𞥐-𞥒𞥐%⹁ 𞤸𞤫𞤣𞥆𞤭𞥅 𞤳𞤮 𞥕𞥖% 𞤫 𞤲'𞤣𞤫𞤪 𞤾𞤵𞤪𞤧𞤵𞤺𞤮𞤤 𞤲'𞤺𞤮𞤤. 𞤐𞤢𞤺𞥆𞤫 𞤭𞤲𞤢 𞤩𞤵𞥅𞤩𞤲𞤢 𞤸𞤫𞤣𞥆𞤫 𞤤𞤫𞤦𞥆𞤭 𞥑𞥒 𞤫 𞤳𞤢𞤧𞤼𞤪𞤢𞥄𞤧𞤭𞤴𞤮𞤽⹁ 𞤧𞤮 𞤯𞤵𞤥 𞤱𞤢𞤯𞤭𞥅⹁ 𞤭𞤲𞤢 𞤱𞤢𞤯𞤢 𞤸𞤫𞤣𞥆𞤫 𞤣𞤵𞥅𞤩𞤭 𞤼𞤢𞤼𞤭. 𞤃𞤢𞥄𞤴𞤣𞤫 𞤸𞤭𞤼𞤢𞥄𞤲'𞤣𞤫 𞤲'𞤣𞤫𞥅 𞤳𞤮 𞥑𞥒 % 𞤫 𞤲'𞤣𞤫𞤪 𞤳𞤢𞤤𞤢 𞥑𞥐𞥐⹁ 𞥁𞤵𞤥 𞤱𞤮𞤲𞤭 𞥓𞥐 % 𞤫 𞤲𞤢𞤺𞥆𞤫 𞤥𞤮 𞤣𞤵𞥅𞤾𞤭 𞤥𞤵𞤥 𞤲'𞤶𞤢𞤸𞤪𞤢𞤼𞤢 𞤫 𞥑𞥕 % 𞤫 𞤣𞤵𞥅𞤾𞤭 𞤺𞤮𞥅𞤼𞤮 𞤸𞤢𞥄 𞥁𞤭𞥁𞤮⹁ 𞥕 % 𞤫 𞤣𞤵𞥅𞤾𞤭 𞥁𞤭 𞥁𞤭𞥅 𞤸𞤢𞥄 𞤼𞤢𞤼𞤭 𞤫 𞥒 % 𞤫 𞤥𞤢𞤱𞤾𞤫. [𞥔]

𞤃𞤵𞤻𞤢𞤤 𞤼𞤪𞤭𞤨𞤢𞤲𞤮𞤤 𞤫 𞤲'𞤣𞤫𞤪 𞤶𞤢𞤱𞤣𞤭 𞤐'𞤁𞤢𞤥𞤢

𞤚𞤪𞤭𞤨𞤢𞤲𞤮𞤧𞤮𞤥𞤭𞤢𞤧𞤭𞤧 𞤭𞤲𞤢 𞤶𞤫𞤴𞤢𞥄 𞤫 𞤳𞤮 𞤩𞤵𞤪𞤭 𞤼𞤫𞥅𞤽𞤼𞤵𞤣𞤫 𞤫 𞤰𞤫𞤤𞥆𞤭𞤼𞤢𞥄𞤪𞤫 𞤶𞤢𞤱𞤣𞤭 𞤫 𞤲'𞤣𞤫𞤪 𞤲𞤮𞤳𞥆𞤵𞥅𞤶𞤭 𞤯𞤮 𞤲'𞤦𞤮𞤪𞤮𞤧 𞤼𞤧𞤫𞤼𞤧𞤫 𞤮𞥅 𞤴𞤢𞤲𞤭 𞤫 𞤀𞤬𞤪𞤭𞤳 𞤱𞤮𞤪𞤺𞤮 𞤅𞤢𞤸𞤢𞤪𞤢𞥄⹁ 𞤸𞤢𞥄 𞤼𞤫𞥅𞤽𞤼𞤭 𞤲𞤮𞥅𞤲 𞤫 𞤀𞤬𞤪𞤭𞤳 𞤸𞤭𞤪𞤲𞤢𞥄𞤲'𞤺𞤫 𞤫 𞤸𞤢𞤳𞥆𞤵𞤲'𞤣𞤫𞥅𞤶𞤮. 𞤏𞤭𞤯𞤼𞤮𞥅𞤶𞤭 𞤸𞤢𞤳𞥆𞤵𞤲'𞤣𞤫 𞤤𞤫𞤴𞤯𞤫𞥅𞤤𞤫 𞤯𞤭 𞤋𞤂𞤈𞤋 𞤱𞤢𞤯𞤭 𞤼𞤮 𞤤𞤫𞤴𞤣𞤭 𞤐𞤭𞤶𞤫𞥅𞤪⹁ 𞤼𞤮 𞤤𞤫𞤴𞤣𞤭 𞤑𞤮𞤲𞤺𞤮 𞤫 𞤼𞤮 𞤤𞤫𞤴𞤣𞤭 𞤑𞤫𞤻𞤭𞤴𞤢⹁ 𞤳𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤳𞤮 𞤭𞤱𞤣𞤭 𞤐'𞤁𞤢𞤥𞤢 𞤩𞤵𞤪𞤭 𞤱𞤢𞥄𞤱𞤣𞤫 𞤸𞤢𞤩𞤢𞥄𞤣𞤫. [𞥕] [𞥖] 𞤚𞤮 𞤤𞤫𞤴𞤣𞤭 𞤐𞤢𞤶𞤫𞤪𞤭𞤴𞤢⹁ 𞤱𞤭𞤯𞤼𞤮𞥅𞤶𞤭 𞤳𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤤𞤫𞤻𞤮𞤤 𞤐’𞤁𞤢𞤥𞤢 𞤭𞤲𞤢 𞤩𞤵𞤪𞤭 𞤤𞤫𞤻𞤮𞤤 𞤐'𞤘𞤵𞤲𞤭 𞤲'𞤺𞤮𞤤 𞤬𞤮𞤼𞤣𞤫 𞤤𞤢𞥄𞤦𞤭 𞥒 𞤸𞤢𞥄 𞥓 (𞤱𞤢𞤤𞥆𞤢 𞥒𞥕%). 𞤑𞤢𞤣𞤭 𞤲'𞤦𞤢𞤴𞤣𞤭 𞤊𞥑 𞤐'𞤁𞤢𞤥𞤢 𞤿 𞤐'𞤘𞤵𞤲𞤭 𞤩𞤵𞤪𞤭 𞤲'𞤦𞤢𞤴𞤣𞤭 𞤐'𞤘𞤵𞤲𞤭 𞤤𞤢𞥄𞤩𞤲'𞤣𞤭 𞤲'𞤣𞤭𞥅 𞥑𞥖⹁𞥕%. [𞥗] 𞤚𞤮 𞤤𞤫𞤴𞤣𞤭 𞤑𞤫𞤻𞤭𞤴𞤢⹁ 𞤱𞤭𞤯𞤼𞤮𞥅𞤶𞤭 𞤦𞤢𞤯𞤢𞥄𞤯𞤭 𞤫 𞤑𞤀𞤂𞤈𞤌 𞤳𞤮𞤤𞥆𞤭𞤼𞤭𞥅 𞤲𞤢𞤲𞤣𞤵𞤺𞤮𞤤 𞤫 𞤲'𞤦𞤢𞤴𞤣𞤭 𞤲'𞤦𞤢𞤴𞤤𞤢𞥄𞤲'𞤣𞤭 𞤐’𞤁𞤢𞤥𞤢 𞤿 𞤄𞤮𞤪𞤢𞤲.