𞤓𞤥𞤢𞤪𞤮 𞤅𞤭𞥅𞤧𞤮𞤳𞤮 𞤉𞤥𞤦𞤢𞥄𞤤𞤮

𞤓𞤥𞤢𞤪𞤮 𞤃𞤵𞤳𞤼𞤢𞥄𞤪𞤵 𞤅𞤭𞥅𞤧𞤮𞤳𞤮 𞤉𞤥𞤦𞤢𞥄𞤤𞤮 𞤳𞤮 𞤨𞤵𞤤𞥆𞤮 𞤥𞤮 𞤲𞤺𞤢𞥄𞤦𞤵 (𞤶𞤭𞤦𞤭𞤲𞤢𞥄𞤯𞤮 𞤻𞤢𞤤𞤲'𞤣𞤫 𞥒𞥓 𞤥𞤮𞤪𞤧𞤮 𞥑𞥙𞥗𞥒) 𞤳𞤮 𞤣𞤢𞤱𞤪𞤮𞤴𞤢𞤲𞤳𞤫 𞤘𞤭𞤲𞤫-𞤄𞤭𞤧𞤢𞥄𞤱𞤵⹁ 𞤤𞤢𞥄𞤥𞤭𞤲𞤮𞥅𞤯𞤮 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤭𞤲𞤫-𞤦𞤭𞤧𞤢𞥄𞤱𞤵 𞤺𞤭𞤤𞤢 𞤤𞤫𞤱𞤪𞤵 𞤬𞤫𞥅𞤦𞤢𞤪𞤭𞤴𞤫𞥅 𞥒𞥐𞥒𞥐. 𞤑𞤮 𞤮 𞤺𞤢𞤲𞤣𞤮 𞤨𞤮𞤤𞤭𞤼𞤭𞤳 𞤫 𞤳𞤮𞤲𞤵⹁ 𞤮 𞤥𞤫𞥅𞤯𞤭𞥅𞤲𞤮 𞤱𞤮𞤲'𞤣𞤫 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤸𞤢𞤳𞥆𞤵𞤲'𞤣𞤫 𞤤𞤫𞤱𞤪𞤵 𞤶𞤮𞤤𞤮 𞥒𞥐𞥑𞥐 𞤫 𞤤𞤫𞤱𞤪𞤵 𞤶𞤮𞤤𞤮 𞥒𞥐𞥑𞥖 .

𞤲𞤺𞤵𞤪𞤣𞤢𞤥

𞤉𞤥𞤦𞤢𞥄𞤤𞤮  𞤶𞤭𞤦𞤭𞤲𞤢𞥄 𞤼𞤮 𞤦𞤭𞤧𞤢𞥄𞤱𞤵⹁ 𞤮𞤥𞤮 𞤶𞤮𞤺𞤭𞥅 𞤣𞤭𞤨𞤮𞤤𞤮𞤥𞤢𞥄𞤶𞤭 𞤼𞤮 𞤦𞤢𞤲𞤺𞤫 𞤶𞤮𞤳𞥆𞤮𞤲'𞤣𞤭𞤪𞤢𞤤 𞤸𞤢𞤳𞥆𞤵𞤲'𞤣𞤫 𞤤𞤫𞤴𞤯𞤫𞥅𞤤𞤫 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤆𞤮𞤤𞤭𞤼𞤫𞤳𞤲𞤭𞤳 𞤼𞤮 𞤂𞤭𞤧𞤦𞤮𞤲⹁ 𞤳𞤢𞤥 𞤫 𞤣𞤭𞤨𞤮𞤤𞤮𞤥𞤢𞥄𞤶𞤭 𞤥𞤢𞤧𞤼𞤫𞤪 𞤼𞤮 𞤦𞤢𞤲𞤺𞤫 𞤺𞤢𞤲𞤣𞤢𞤤 𞤨𞤮𞤤𞤭𞤼𞤭𞤳 𞤫 𞤣𞤮𞤳𞤼𞤮𞤪𞤢𞥄 𞤼𞤮 𞤦𞤢𞤲𞤺𞤫 𞤶𞤮𞤳𞥆𞤮𞤲'𞤣𞤭𞤪𞤢𞤤 𞤸𞤢𞤳𞥆𞤵𞤲'𞤣𞤫 𞤤𞤫𞤴𞤯𞤫𞥅𞤤𞤫 𞤼𞤮 𞤣𞤵𞤯𞤢𞤤 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤕𞤮𞤥𞤨𞤤𞤵𞤼𞤫𞤲𞤧𞤫 𞤼𞤮 𞤃𞤢𞤣𞤪𞤭𞤣. 𞤌𞤥𞤮 𞤸𞤢𞥄𞤤𞤣𞤢 𞤆𞤮𞤼𞤭𞤺𞤫𞥅𞤪𞤫 𞤫 𞤉𞤧𞤨𞤢𞤻𞤮𞥅𞤤 𞤲𞤮 𞤬𞤫𞥅𞤱𞤭⹁ 𞤮𞤥𞤮 𞤢𞤲𞤣𞤭 𞤉𞤲𞤺𞤫𞤤𞤫⹁ 𞤊𞤢𞤪𞤢𞤲𞤧𞤭⹁ 𞤢𞥄𞤪𞤢𞤦𞤵 𞤫 𞤅𞤵𞤱𞤢𞤸𞤭𞤤𞤭.

𞤉𞤥𞤦𞤢𞥄𞤤𞤮  𞤺𞤮𞤤𞥆𞤭𞥅𞤥𞤢 𞤫 𞤳𞤮𞤲𞤵⹁ 𞤮 𞤱𞤢𞤯𞤭𞥅 𞤶𞤢𞤽𞤣𞤫 𞤲'𞤣𞤫𞥅𞤲𞤳𞤢 𞤲'𞤺𞤫𞤲𞤣𞤭 𞤼𞤮 𞤲𞤮𞤳𞥆𞤵 𞤣𞤫𞥅𞤲𞤮𞥅𞤱𞤮 𞤤𞤫𞤴𞤣𞤭 𞤉𞤧𞤨𞤢𞥄𞤻⹁ 𞤮 𞤼𞤭𞤥𞥆𞤭𞤲𞤭 𞤶𞤢𞤽𞤣𞤫 𞤩𞤫𞤴𞤣𞤢𞥄𞤲'𞤣𞤫 𞤼𞤮 𞤦𞤢𞤲𞤺𞤫 𞤳𞤭𞤧𞤢𞤤 𞤲'𞤺𞤫𞤲𞤣𞤭 𞤼𞤮 𞤄𞤫𞤤𞤧𞤭𞤳⹁ 𞤋𞤧𞤪𞤢𞥄𞤴𞤭𞥅𞤤⹁ 𞤀𞤬𞤪𞤭𞤳 𞤱𞤮𞤪𞤺𞤮⹁ 𞤔𞤢𞤨𞤮𞤲 𞤫 𞤊𞤢𞤪𞤢𞤴𞤧𞤫. 𞤌 𞤵𞤥𞥆𞤭𞥅 𞤸𞤢𞥄 𞤮 𞤱𞤮𞤲𞤭 𞤦𞤪𞤭𞤺𞤢𞤣𞤭𞤫𞤪 𞤧𞤫𞤲𞤫𞤪𞤢𞥄𞤤. 𞤑𞤮 𞤢𞤣𞤭𞥅 𞤲'𞤣𞤫 𞤮 𞤲𞤢𞥄𞤼𞤢𞤼𞤢 𞤫 𞤨𞤮𞤤𞤭𞤼𞤭𞤳⹁ 𞤉𞤥𞤦𞤢𞥄𞤤𞤮  𞤭𞤲𞤢 𞤼𞤫𞤧𞤳𞤢𞤲𞤮𞥅 𞤫 𞤺𞤫𞤯𞤫 𞤀𞤬𞤪𞤭𞤳 𞤫 𞤊𞤵𞤯𞤲𞤢𞥄𞤲'𞤺𞤫 𞤸𞤢𞤳𞥆𞤵𞤲'𞤣𞤫𞥅𞤶𞤮 𞤫 𞤺𞤫𞤯𞤫 𞤣𞤭𞤬𞤢𞤺𞤮𞤤⹁ 𞤺𞤮𞤤𞥆𞤮𞤲'𞤣𞤭𞤪𞤢𞤤 𞤸𞤢𞤳𞥆𞤵𞤲'𞤣𞤫 𞤤𞤫𞤴𞤯𞤫𞥅𞤤𞤫 𞤫 𞤰𞤫𞤤𞥆𞤭𞤼𞤢𞥄𞤪𞤫. 𞤑𞤮 𞤮 𞤥𞤫𞥅𞤯𞤲𞤮𞥅𞤯𞤮 𞤱𞤮𞤲'𞤣𞤫 𞤶𞤢𞥄𞤺𞤮𞤪𞤺𞤢𞤤 𞤺𞤫𞤯𞤫 𞤀𞤬𞤪𞤭𞤳.

𞤑𞤮𞥅𞤤𞤢𞥄𞤯𞤮 𞤳𞤵𞥅𞤩𞤢𞤤

𞤉𞤥𞤦𞤢𞥄𞤤𞤮  𞤧𞤮𞤧𞤭 𞤺𞤵𞤱𞤢𞤪𞤲𞤢𞤥𞤢 𞤥𞤵𞤥 𞤳𞤮 𞤻𞤢𞤤𞤲'𞤣𞤫 𞥑𞥓 𞤣𞤫𞤧𞤢𞥄𞤲'𞤦𞤢𞤪 𞥒𞥐𞥑𞥖 𞤷𞤢𞤺𞥆𞤢𞤤 𞤲'𞤣𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲'𞤣𞤭 𞤸𞤮𞤲𞤮 𞤔𞤮𞤧é 𞤃á𞤪𞤭𞤮 𞤜𞤢𞥁 𞤼𞤮𞤯𞥆𞤭𞥅 𞤥𞤮 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤻𞤢𞤤𞤲'𞤣𞤫 𞥑𞥘 𞤲𞤮𞥅𞤱𞤢𞤥𞤦𞤢𞤪 𞥒𞥐𞥑𞥖.

𞤑𞤮𞤲𞤮 𞤉𞤥𞤦𞤢𞥄𞤤𞤮  𞤰𞤫𞤼𞥆𞤭𞥅 𞤲'𞤣𞤫𞥅𞤯𞤮𞥅 𞤣𞤢𞤪𞤲'𞤣𞤫 𞤲'𞤣𞤫 𞤤𞤢𞤲𞤣𞤢 𞤥𞤵𞤥⹁ 𞤸𞤮𞤲𞤮 𞤤𞤢𞤲𞤣𞤢 𞤀𞤬𞤪𞤭𞤳𞤲𞤢𞥄𞤶𞤮 𞤲'𞤺𞤢𞤥 𞤶𞤫𞤴𞤼𞤢𞥄𞤪𞤫 𞤘𞤭𞤲𞤫 𞤫 𞤑𞤢𞤨 𞤜𞤫𞤪𞤣𞤫 (𞤆𞤀𞤋𞤘𞤕) 𞤱𞤮𞤲𞤭 𞤫 𞤦𞤮𞤴𞤳𞤮𞤼 𞤥𞤵𞤥⹁ 𞤼𞤢𞤱𞤭 𞤪𞤫𞤱𞤪𞤵𞤣𞤫 𞤫 𞤘𞤮𞥅𞤥𞤵 𞤥𞤵𞤥 𞤸𞤢𞤳𞥆𞤵𞤲'𞤣𞤫𞥅𞤶𞤮⹁ 𞤪𞤮𞤳𞥆𞤭 𞤥𞤮 𞤱𞤮𞥅𞤼𞤫 𞤯𞤫 𞤮 𞤸𞤮𞥅𞤤𞤢𞥄𞤳𞤭 𞤼𞤫𞥅𞤥𞤫𞤣𞤫𞤪𞤫 𞤫 𞤧𞤢𞤨𞥆𞤮 𞤫 𞤯𞤭𞤯𞤭 𞤱𞤮𞥅𞤼𞤫𞥅𞤶𞤭 𞤯𞤭𞥅⹁ 𞤧𞤢𞤨𞥆𞤮 𞤫 𞤺𞤮𞥅𞤼𞤮 𞤭𞤲𞤢 𞤤𞤵𞥅𞤤𞤲'𞤣𞤭𞥅 𞤻𞤢𞤤𞤲'𞤣𞤫 𞥒𞥖 𞤲𞤮𞥅𞤱𞤢𞤥𞤦𞤢𞤪 𞥒𞥐𞥑𞥖.

𞤑𞤮 𞤮 𞤸𞤮𞥅𞤪𞤫𞥅𞤶𞤮 𞤤𞤢𞥄𞤥𞤵⹁ 𞤮 𞤱𞤢𞥄𞤱𞤭 𞤼𞤢𞤲 𞤳𞤮 𞤸𞤭𞥅𞤧𞤢𞥄𞤣𞤫 𞤦𞤢𞤤𞥆𞤢𞤤 𞤤𞤢𞤲𞤣𞤢 « 𞤈𞤫𞤲𞤮𞤾𞤢𞤼𞤭𞤮𞤲 𞤧𞤮𞤷𞤭𞤢𞤤 » 𞤶𞤮𞤺𞤭𞤲𞤮𞥅𞤯𞤮 𞤶𞤮𞥅𞤯𞤮𞤪𞤯𞤫 𞤯𞤭𞤯𞤥𞤫𞤪𞤫 𞤩𞤵𞤪𞤯𞤫 𞤸𞤫𞥅𞤱𞤣𞤫 𞤶𞤮𞥅𞤯𞤮𞤪𞤯𞤫 𞤫 𞤲'𞤣𞤫𞤪 𞤑𞤮𞤲'𞤺𞤪𞤫𞤧 𞤲'𞤺𞤫𞤲𞤣𞤭𞥅𞤶𞤮 𞤩𞤫𞤧𞤲'𞤺𞤵 𞤘𞤭𞤲𞤫 𞤄𞤭𞤧𞤢𞥄𞤱𞤮.

𞤙𞤢𞤤𞤲'𞤣𞤫 𞥑𞥓 𞤤𞤫𞤱𞤪𞤵 𞤒𞤢𞤪𞤳𞤮 𞥒𞥐𞥑𞥘⹁ 𞤷𞤢𞤺𞥆𞤢𞤤 𞤤𞤵𞥅𞤪𞤢𞤤 𞤫 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤔𞤮𞤧é 𞤃á𞤪𞤭𞤮 𞤜𞤢𞥁⹁ 𞤮 𞤤𞤮𞤥𞤼𞤭𞤲𞤢𞥄𞤥𞤢 𞤫 𞤬𞤢𞤱𞤢𞥄𞤣𞤫 𞤫 𞤯𞤢𞤩𞥆𞤢𞥄𞤲'𞤣𞤫 𞤔𞤮ã𞤮 𞤊𞤢𞤣𞤭á (𞤶𞤢𞥄𞤺𞤮𞤪𞤺𞤢𞤤 𞤳𞤢𞥄𞤤𞤭𞤧) 𞤫 𞤄𞤮𞤼𞤷𞤸𞤫 𞤕𞤢𞤲'𞤣é (𞤶𞤢𞥄𞤺𞤮𞤪𞤺𞤢𞤤 𞤲'𞤣𞤫𞤪 𞤤𞤫𞤴𞤣𞤭)⹁ 𞤉𞤥𞤦𞤢𞥄𞤤𞤮  𞤯𞤢𞤩𞥆𞤭 𞤴𞤮 𞤮 𞤱𞤮𞤨𞥆𞤵 𞤺𞤮𞤤𞥆𞤫 𞤥𞤢𞤳𞥆𞤮⹁ 𞤺𞤭𞤤𞤢 𞤫... 𞤙𞤢𞤤𞤲'𞤣𞤫 𞥑𞥖 𞤤𞤫𞤱𞤪𞤵 𞤒𞤢𞤪𞤳𞤮 𞥒𞥐𞥑𞥘.

𞤷𞤮𞤬𞤼𞤮 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞥒𞥐𞥑𞥙

𞤉𞤥𞤦𞤢𞥄𞤤𞤮  𞤣𞤮𞤺𞤭𞥅𞤲𞤮 𞤫 𞤱𞤮𞥅𞤼𞤫 𞤺𞤢𞤪𞤣𞤢𞤺𞤮𞤤 𞤤𞤫𞤴𞤣𞤭 𞥒𞥐𞥑𞥙⹁ 𞤳𞤢𞤲𞤣𞤭𞤣𞤢𞥄 𞤃𞤢𞤣𞤫𞤥 𞤘𞥑𞥕. 𞤌 𞤶𞤮𞥅𞤬𞤲𞤭𞤪𞤭 𞤳𞤮 𞤫 𞤣𞤮𞤺𞥆𞤮𞤤 𞤯𞤭𞤯𞤥𞤮𞤤⹁ 𞤮 𞤣𞤢𞤻𞤭𞥅 𞥒𞥗% 𞤫 𞤱𞤮𞥅𞤼𞤫⹁ 𞤫 𞤣𞤢𞥄𞤱𞤢𞤤 𞤺𞤢𞤣𞤢𞤲𞤢𞤤 𞤱𞤮𞥅𞤼𞤫. 𞤉 𞤱𞤭𞤴𞤣𞤫 𞤲'𞤶𞤫𞤻𞤼𞤵𞤣𞤭 𞤢𞤣𞤢𞤲𞤣𞤭 𞤫 𞤧𞤢𞤳𞥆𞤭𞤼𞤭𞥅𞤲'𞤣𞤭 𞤲'𞤣𞤭 𞤑𞤮𞤥𞤭𞤧𞤫𞥅𞤪 𞤲'𞤺𞤫𞤲𞤣𞤭𞥅𞤶𞤮 𞤱𞤮𞥅𞤼𞤫𞥅𞤶𞤭 𞤦𞤢𞤴𞥆𞤭𞤲𞤭⹁ 𞤮 𞤣𞤢𞤻𞤭𞥅 𞤣𞤢𞥄𞤱𞤢𞤤 𞤯𞤭𞤯𞤥𞤢𞤤 𞤲'𞤺𞤢𞤤 𞤫 𞤺𞤮𞤲𞥆𞤮𞥅𞤯𞤮 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤺𞤮𞤯𞥆𞤮⹁ 𞤸𞤮𞤲𞤮 𞤁𞤮𞤥𞤭𞤲'𞤺𞤮𞤧 𞤅𞤭𞤥õ𞤫𞤧 𞤆𞤫𞤪𞤫𞤭𞤪𞤢⹁ 𞥕𞥔% 𞤸𞤢𞥄 𞥔𞥖%. 𞤑𞤮𞤲𞤮 𞤼𞤢𞤲⹁ 𞤲'𞤶𞤫𞤻𞤼𞤵𞤣𞤭 𞤷𞤢𞤳𞥆𞤭𞤼𞤭𞥅𞤲'𞤣𞤭 𞤲'𞤣𞤭𞥅 𞤭𞤲𞤢 𞤶𞤮𞤳𞥆𞤭 𞤫 𞤸𞤢𞤩𞤢𞥄𞤣𞤫 𞤁𞤮𞤥𞤭𞤲'𞤺𞤮𞤧 𞤅𞤭𞤥õ𞤫𞤧 𞤆𞤫𞤪𞤫𞤭𞤪𞤢⹁ 𞤺𞤢𞤻𞤮 𞤥𞤢𞤳𞥆𞤮. 𞤖𞤢𞤴 𞤧𞤮 𞤼𞤢𞤱𞤭𞥅 𞤲𞤮𞥅𞤲 𞤙𞤢𞥄𞤱𞤭𞤪𞤣𞤫 𞤚𞤮𞥅𞤱𞤲'𞤣𞤫 𞤘𞤭𞤲𞤫 𞤄𞤭𞤧𞤢𞥄𞤱𞤮⹁ 𞤱𞤢𞤤𞥆𞤢 𞤆𞤢𞤪𞤤𞤫𞤥𞤢𞥄 𞤶𞤢𞤩𞤢𞥄𞤲𞤭 𞤱𞤢𞤯𞤣𞤫 𞤳𞤫𞤱𞤵 𞤸𞤵𞤲𞤣𞤫 𞤤𞤢𞥄𞤥𞤵 𞤲'𞤺𞤵𞥅⹁ 𞤅𞤭𞥅𞤧𞤮𞤳𞤮 𞤉𞤥𞤦𞤢𞥄𞤤𞤮   𞤴𞤵𞤩𞥆𞤭𞤲𞤭𞥅𞤲𞤮 𞤳𞤫𞤱𞤵 𞤸𞤵𞤲𞤣𞤫 𞤢𞤤𞤼𞤫𞤪𞤲𞤢𞤼𞤭𞥅𞤬 𞤼𞤮 𞤮𞤼𞤫𞤤 𞤄𞤭𞤧𞤢𞥄𞤱𞤮 𞤲'𞤺𞤢𞤥 𞤢𞤲𞤣𞤵𞤣𞤫 𞤱𞤮𞤲'𞤣𞤫 𞤳𞤮 𞤳𞤢𞤲𞤳𞤮 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤭𞤲𞤫 𞤄𞤭𞤧𞤢𞥄𞤱𞤮. 𞤁𞤢𞤱𞤪𞤭𞤴𞤢𞤲𞤳𞤮𞥅𞤩𞤫 𞤘𞤭𞤲𞤫-𞤄𞤭𞤧𞤢𞥄𞤱𞤮 𞤸𞤫𞥅𞤱𞤩𞤫⹁ 𞤸𞤢𞥄 𞤢𞤪𞤼𞤭 𞤲𞤮𞥅𞤲 𞤫 𞤺𞤢𞤪𞤣𞤭𞥅𞤯𞤮 𞤶𞤢𞥄𞤺𞤮𞤪𞤯𞤫 𞤤𞤫𞤴𞤣𞤭 𞤲'𞤣𞤭𞥅⹁ 𞤀𞤪𞤭𞤧𞤼𞤭𞤣𞤫𞤧 𞤘𞤮𞤥𞤫𞤧⹁ 𞤼𞤵𞥅𞤥𞤭 𞤅𞤭𞤧𞥆𞤮𞤳𞤮 𞤉𞤥𞤦𞤢𞥄𞤤𞤮  𞤱𞤢𞤯𞤣𞤫 𞤳𞤵𞥅𞤣𞤫𞤼𞤢𞥄⹁ 𞤸𞤢𞤴 𞤧𞤮 𞤼𞤢𞤱𞤭𞥅 𞤲𞤮𞥅𞤲 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤸𞤢𞤲𞤣𞤫 𞤮𞥅⹁ 𞤸𞤮𞤲𞤮 𞤃á𞤪𞤭𞤮 𞤜𞤢𞥁⹁ 𞤱𞤮𞤨𞥆𞤭𞥅 𞤤𞤢𞥄𞤥𞤵 𞤲'𞤺𞤢𞤥 𞤲𞤫𞤱𞤲𞤵𞤣𞤫 𞤉𞤥𞤦𞤢𞥄𞤤𞤮  𞤸𞤫𞤩𞤼𞤵𞤣𞤫 𞤤𞤢𞥄𞤥𞤵.

𞤖𞤮𞥅𞤪𞤫𞥅𞤶𞤮 𞤤𞤫𞤴𞤣𞤭

𞤅𞤭𞥅𞤧𞤮𞤳𞤮 𞤉𞤥𞤦𞤢𞥄𞤤𞤮   𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤲'𞤦𞤢𞥄𞤣𞤭 𞤤𞤢𞥄𞤥𞤵 𞤥𞤵𞤥 𞤳𞤮 « 𞤫𞤥𞤦𞤢𞥄𞤤𞤮𞤴𞤢𞤲𞤳𞤫𞤴𞤢𞥄𞤺𞤢𞤤 »⹁ 𞤲'𞤣𞤭 𞤮 𞤧𞤭𞤬𞤮𞤼𞤮𞥅 𞤳𞤮 « 𞤲'𞤶𞤵𞤩𞥆𞤵𞤣𞤭⹁ 𞤣𞤭𞥅𞤲𞤫 𞤫 𞤰𞤫𞤤𞥆𞤭𞤼𞤢𞥄𞤪𞤫 »⹁ 𞤮 𞤱𞤭𞤴𞤭 « 𞤢𞤤𞤢𞥄 𞤣𞤮𞤱𞤤𞤢 𞤼𞤮𞤳𞤮𞥅𞤧𞤮⹁ 𞤢𞤤𞤢𞥄 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤼𞤮𞤳𞤮𞥅𞤧𞤮 » 𞤫 𞤲𞤢𞤲𞤣𞤭𞤲'𞤣𞤫 𞤸𞤮𞥅𞤪𞤫 𞤥𞤢𞤳𞥆𞤮 𞤫 𞤂𞤫𞥅 𞤑𞤵𞤢𞤲 𞤒𞤫𞤱 𞤫 𞤈𞤮𞤣𞤪𞤭𞤺𞤮 𞤁𞤵𞤼𞤫𞤪𞤼𞤫 . 𞤉 𞤲'𞤣𞤫𞤪 𞤳𞤢𞤥𞤨𞤢𞥄𞤻 𞤲'𞤺𞤢𞤥 𞤸𞤢𞤩𞤢𞥄𞤣𞤫 𞤬𞤫𞤲𞤢𞥄𞤲'𞤣𞤫⹁ 𞤮 𞤴𞤢𞤥𞤭𞤪𞤭 𞤴𞤮 𞤳𞤢𞤥𞤫𞤪𞤢𞥄𞤶𞤭 𞤕𞥆𞤚𞤜 𞤲'𞤦𞤢𞤯𞤫 𞤫 𞤲'𞤣𞤫𞤪 𞤤𞤫𞤴𞤣𞤭 𞤲'𞤣𞤭𞥅 𞤳𞤢𞤤𞤢⹁ 𞤫 𞤲𞤢𞤲𞤺𞤵𞤺𞤮𞤤 𞤶𞤢𞥄𞤺𞤮𞤪𞤺𞤢𞤤 𞤷𞤫𞤤𞥆𞤢𞤤 𞤪𞤫𞤲𞤣𞤮⹁ 𞤸𞤮𞤲𞤮 𞤀𞤲𞤼𞤮𞤲𞤭𞤮 𞤁𞤫𞤵𞤲𞤢⹁ 𞤧𞤢𞤦𞤵 𞤥𞤵𞤥 𞤱𞤢𞤯𞤣𞤫 𞤬𞤫𞤲𞤢𞥄𞤲'𞤣𞤫 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥒𞥑.

𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥒𞥐⹁ 𞤤𞤢𞥄𞤥𞤵 𞤥𞤢𞤳𞥆𞤮 𞤴𞤭𞤴𞤼𞤭𞥅 𞤭𞤼𞥆𞤵𞤺𞤮𞤤 𞤳𞤮𞤲𞤵 𞤁𞤫𞤲𞤼𞤢𞤤 𞤊𞤢𞤺𞥆𞤵𞤣𞤵 𞤁𞤮𞤱𞤤𞤢𞥄𞤶𞤭 𞤀𞤬𞤪𞤭𞤳 𞤖𞤭𞤪𞤲𞤢𞥄𞤲'𞤺𞤫 𞤶𞤮𞥅𞤯𞤭𞥅𞤯𞤭 𞤫 𞤲'𞤣𞤫𞤪 𞤤𞤫𞤴𞤣𞤭 𞤲'𞤣𞤭𞥅 𞤷𞤢𞤺𞥆𞤢𞤤 𞤳𞤵𞥅𞤣𞤫𞤼𞤢𞥄 𞥒𞥐𞥑𞥒 𞤫 𞤫𞤼𞤢𞥄𞤣𞤫 𞤴𞤵𞤩𞥆𞤭𞤲'𞤣𞤫 𞤲'𞤶𞤭𞤤𞥆𞤵𞥅𞤶𞤭 𞤤𞤢𞥄𞤱𞤯𞤵𞤯𞤭 𞤯𞤭 𞤢𞤪𞤣𞤭𞥅𞤩𞤫 𞤤𞤢𞥄𞤥𞤵𞥅𞤶𞤭 𞤶𞤢𞤲𞤢𞤲𞤩𞤫 𞤲'𞤦𞤢𞤯𞤭⹁ 𞤭𞤲𞤢 𞤶𞤫𞤴𞤢𞥄 𞤸𞤫𞥅𞤲 𞤲'𞤶𞤭𞤤𞥆𞤵𞥅𞤶𞤭 𞤺𞤢𞤣𞤢𞤲𞤭 𞤯𞤭 𞤤𞤢𞥄𞤥𞤵 𞤆𞤮𞤪𞤼𞤭𞤺𞤢𞥄𞤤 𞤱𞤢𞤯𞤭 𞤫 𞤲'𞤣𞤫𞤪 𞤣𞤵𞥅𞤩𞤭 𞤷𞤢𞤨𞤢𞤲𞤯𞤫 𞤼𞤢𞤼𞤭⹁ 𞤫 𞤲'𞤣𞤫𞤪 𞤱𞤭𞤲𞤣𞤫𞤪𞤫 𞤲'𞤣𞤫𞥅 𞤶𞤵𞤩𞥆𞤵𞤤𞤫 𞤳𞤮 𞤱𞤢𞤴𞤭 𞤲𞤮 𞤊𞤫𞤣𞥆𞤫 𞤐'𞤘𞤫𞤲𞤣𞤭𞥅𞤶𞤫 𞤁𞤫𞤲𞤼𞤵𞤯𞤫. 𞤐'𞤔𞤭𞤤𞥆𞤵 𞤥𞤢𞤳𞥆𞤮 𞤺𞤢𞤣𞤢𞤲𞤮 𞤫 𞤲'𞤣𞤫𞤪 𞤤𞤢𞥄𞤥𞤵 𞤲'𞤺𞤵𞥅⹁ 𞤳𞤮 𞤲'𞤶𞤭𞤤𞥆𞤵 𞤥𞤢𞤳𞥆𞤮 𞤫 𞤲'𞤣𞤫𞤪 𞤤𞤫𞤴𞤯𞤫𞥅𞤤𞤫 𞤳𞤫𞥅𞤱𞤯𞤫 𞤼𞤮 𞤅𞤫𞤲𞤫𞤺𞤢𞤤⹁ 𞤐𞤭𞤺𞤫𞤪 𞤫 𞤐𞤢𞥄𞤶𞤫𞥅𞤪𞤭𞤴𞤢 𞤫 𞤤𞤫𞤱𞤪𞤵 𞤥𞤢𞤪𞤧 𞥒𞥐𞥒𞥐.

𞤑𞤵𞥅𞤣𞤫𞤼𞤢𞥄 𞤦𞤢𞤯𞤲𞤮𞥅𞤯𞤮 𞤤𞤭𞤩𞤣𞤫 𞤉𞤥𞤦𞤢𞥄𞤤𞤮 ⹁ 𞤫𞤼𞤭𞤲𞤮𞥅𞤥𞤢 𞤻𞤢𞤤𞤲'𞤣𞤫 𞥑 𞤬𞤫𞥅𞤦𞤢𞤪𞤭𞤴𞤫𞥅 𞥒𞥐𞥒𞥒. 𞤌 𞤱𞤭𞤴𞤭 « 𞤸𞤫𞥅𞤱𞤩𞤫 » 𞤫 𞤼𞤫𞤪𞤯𞤫 𞤳𞤭𞤧𞤢𞤤 𞤲'𞤦𞤢𞤪𞤢𞥄𞤥𞤢 𞤫 « 𞤲'𞤶𞤢𞤲'𞤺𞤵𞥅𞤶𞤭 𞤯𞤭 𞤲'𞤣𞤢𞤪𞤼𞤢𞥄𞤳𞤭 𞤫 𞤣𞤫𞤥𞤮𞤳𞤢𞤪𞤢𞥄𞤧𞤭 ».

𞤚𞤫𞤣𞥆𞤵𞤲'𞤺𞤢𞤤

𞤔𞤮𞤪𞤣𞤢𞤲 : 𞤥𞤫𞥅𞤼𞤫𞤤𞤮𞤤 𞤥𞤮 𞤲'𞤶𞤵𞤩𞥆𞤵𞤣𞤭 𞤼𞤮𞥅𞤱𞤲'𞤣𞤭 𞤪𞤫𞤲𞤣𞤮 (𞥒𞥐 𞤬𞤫𞥅𞤦𞤢𞤪𞤭𞤴𞤫𞥅 𞥒𞥐𞥒𞥓).