Bah Oury
𞤌 𞤱𞤮𞤲𞤭 𞤥𞤮 𞤸𞤢𞤱𞤪𞤭 𞤫 𞤤𞤢𞥄𞤥𞤵 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤺𞤭𞤤𞤢 𞤬𞤵𞤯𞥆𞤮𞥅𞤣𞤫 𞥑𞥙𞥙𞥐⹁ 𞤮 𞤱𞤮𞤲𞤭 𞤥𞤮 𞤬𞤵𞤯𞥆𞤭𞥅𞤯𞤮 𞤬𞤫𞤣𞥆𞤫 𞤣𞤫𞤥𞤮𞤳𞤢𞤪𞤢𞥄𞤧𞤭 𞤘𞤭𞤲𞤫.
𞤑𞤮 𞤶𞤮𞥅𞤲𞤭 𞤱𞤮𞤲𞤭 𞤸𞤮𞥅𞤪𞤫𞥅𞤶𞤮 𞤬𞤫𞤣𞥆𞤫 𞤣𞤫𞤥𞤮𞤳𞤢𞤪𞤢𞥄𞤧𞤭 𞤲'𞤺𞤢𞤥 𞤪𞤫𞤲𞤣𞤭𞤲𞤣𞤫 𞤘𞤭𞤲𞤫 (𞤓𞤁𞤈𞤘) . 𞤌 𞤱𞤮𞤲𞥆𞤮𞥅 𞤳𞤢𞤣𞤭 𞤥𞤭𞤲𞤭𞤧𞤼𞤢𞥄𞤪 𞤥𞤮 𞤢𞤪𞤣𞤮𞤼𞤮𞥅𞤯𞤮 𞤫 𞤲'𞤣𞤫𞤪 𞤤𞤫𞤴𞤣𞤭 𞤲'𞤣𞤭𞥅 𞤫 𞤲'𞤣𞤫𞤪 𞤂𞤢𞤲𞤧𞤢𞤲𞤢 𞤳𞤮𞤲𞤼𞤫.
𞤬𞤭𞥅 𞤥𞤢𞤳𞥆𞤮 𞤮𞤲[taƴto | taƴto ɗaɗi wiki]
𞤀𞤥𞤢𞤣𞤮𞤵 𞤄𞤢𞤸 𞤌𞤵𞤪𞤴 𞤶𞤭𞤦𞤭𞤲𞤢𞥄 𞤫 𞤆𞤭𞤼𞤢 𞤫 𞤲'𞤣𞤫𞤪 𞤘𞤭𞤲𞤫 𞤊𞤫𞤣𞥆𞤫 𞤇𞤵𞤪𞤫 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥕𞥘.𞤌 𞤱𞤢𞤯𞤭 𞤬𞤫𞤣𞥆𞤫 𞤣𞤫𞤥𞤮𞤳𞤢𞤪𞤢𞥄𞤧𞤭 𞤘𞤭𞤲𞤫 𞤫 𞤤𞤫𞤱𞤪𞤵 𞤅𞤫𞤨𞤼𞤫𞥅𞤲'𞤦𞤢𞤪 𞥑𞥙𞥙𞥑 𞤫 𞤭𞤲𞤣𞤫 𞤬𞤫𞤣𞥆𞤫 𞤣𞤫𞤥𞤮𞤳𞤪𞤢𞤼𞤢𞥄𞤧𞤭 𞤘𞤭𞤲𞤫⹁ 𞤮 𞤢𞤪𞤣𞤭𞥅 𞤫 𞤬𞤫𞤣𞥆𞤫 𞤓𞤊𞤆⹁ 𞤆𞤓𞤈 𞤫 𞤊𞤌𞤁𞤉𞤘 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥙𞥒. 𞤌 𞤱𞤮𞤲𞤭 𞤳𞤮 𞤺𞤭𞤤𞤢 𞤲'𞤣𞤫 𞤮 𞤱𞤮𞤲𞤭 𞤢𞤪𞤣𞤭𞥅𞤯𞤮 (𞤯𞤢𞤱𞤪𞤫 𞤯𞤭𞤯𞤥𞤫𞤪𞤫) 𞤱𞤢𞤤𞥆𞤢 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤲𞤣𞤭𞥅.
𞤌 𞤱𞤮𞤲𞤭⹁ 𞤲'𞤺𞤢𞤥 𞤊𞤮𞤪𞤷𞤫 𞤾𞤭𞤾𞤫 𞤺𞤭𞤲𞤫⹁ 𞤸𞤮𞥅𞤪𞤫𞥅𞤶𞤮 𞤶𞤢𞥄𞤴𞤲𞤮𞥅𞤱𞤮 𞤶𞤢𞥄𞤴𞤲𞤮𞥅𞤩𞤫 𞤲'𞤺𞤢𞤥 𞤣𞤢𞤪𞤲'𞤣𞤫 𞤲'𞤣𞤫 𞤮 𞤱𞤢𞤯𞤭 𞤫 𞤲'𞤣𞤫𞤪 𞤻𞤢𞤤𞤲'𞤣𞤫 𞥒𞥘 𞤤𞤫𞤱𞤪𞤵 𞤅𞤫𞤨𞤼𞤫𞤲'𞤦𞤵𞤪𞤵 𞥒𞥐𞥐𞥙 𞤲'𞤣𞤫 𞤩𞤫 𞤲'𞤦𞤢𞤪𞤭 𞤤𞤫𞤴𞤣𞤭 𞤘𞤭𞤲𞤫. 𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥐⹁ 𞤮 𞤱𞤢𞤯𞤭𞥅 𞤣𞤢𞥄𞤪𞤼𞤮𞤤 𞤷𞤢𞤺𞥆𞤢𞤤 𞤲'𞤣𞤫 𞤮 𞤰𞤫𞤼𞥆𞤭𞥅𞤥𞤢 𞤫 𞤣𞤮𞤱 𞤧𞤢𞤸𞤢𞥄𞤶𞤭 𞤯𞤭 𞤮 𞤱𞤢𞤯𞤭 𞤫 𞤲'𞤣𞤫𞤪 𞤤𞤫𞤴𞤣𞤭 𞤲'𞤣𞤭𞥅.
𞤐'𞤁𞤫 𞤮 𞤱𞤮𞤲𞤭 𞤲'𞤣𞤫𞤪 𞤤𞤫𞤴𞤣𞤭 𞤊𞤢𞤪𞤢𞤲𞤧𞤫⹁ 𞤮 𞤱𞤢𞤯𞤭𞥅 𞤸𞤢𞤳𞥆𞤫 𞤮 𞤱𞤢𞤯𞤭𞥅 𞤳𞤮 𞤮 𞤱𞤢𞤯𞤢𞤼𞤢 𞤸𞤢𞥄 𞤮 𞤤𞤢𞥄𞤼𞤭𞥅 𞤫 𞤤𞤫𞤴𞤣𞤭⹁ 𞤲'𞤺𞤢𞤥 𞤮 𞤱𞤢𞤯𞤭𞥅 𞤯𞤵𞤥 𞤫 𞤲'𞤣𞤫𞤪 𞤸𞤭𞤼𞤢𞥄𞤲'𞤣𞤫 𞥒𞥐𞥑𞥑. 𞤌 𞤸𞤫𞤩𞤭𞥅 𞤪𞤭𞤥𞤯𞤭𞤲'𞤣𞤫 𞤫 𞤲'𞤣𞤫𞤪 𞤤𞤫𞤱𞤪𞤵 𞤁𞤫𞤧𞤫𞤲'𞤦𞤢 𞥒𞥐𞥑𞥕 𞤫 𞤀𞤤𞤬𞤢 𞤕𞤮𞤲'𞤣𞤫.[𞥑] 𞤌 𞤸𞤫𞤩𞤭𞥅⹁ 𞤼𞤮 𞤩𞤢𞥄𞤱𞤮 𞤮 𞤬𞤵𞤯𞥆𞤭𞥅⹁ 𞤸𞤫 𞤲'𞤣𞤫𞤪 𞤱𞤭𞤲𞤣𞤫𞤪𞤫 𞤲'𞤣𞤫𞥅⹁ 𞤮 𞤸𞤫𞤩𞤭𞥅 𞤼𞤫𞤣𞥆𞤵𞤲'𞤺𞤢𞤤 𞤫 𞤬𞤫𞤣𞥆𞤫 𞤺𞤭𞤲𞤢𞥄𞤩𞤫 𞤲'𞤺𞤢𞤥 𞤸𞤢𞤩𞤣𞤫 𞤫 𞤸𞤢𞤳𞥆𞤫𞥅𞤶𞤭 𞤲𞤫𞤯𞥆𞤮 𞤫 𞤵𞤥𞥆𞤮𞤪𞤢𞥄𞤣𞤫 𞤌𞤶𞤫𞥅𞤣𞤫𞥅𞤸𞤢𞥄.
𞤉 𞥕 𞤬𞤫𞥅𞤦𞤢𞤪𞤭𞤴𞤫𞥅 𞥒𞥐𞥑𞥖⹁ 𞤮 𞤰𞤫𞤼𞥆𞤭𞥅𞤥𞤢 𞤫 𞤓𞤊𞤁𞤘⹁ 𞤲'𞤺𞤢𞤥 𞤮 𞤶𞤢𞤩𞤭𞥅 𞤤𞤢𞥄𞤥𞤵⹁ 𞤸𞤢𞥄 𞤼𞤫𞥅𞤽𞤼𞤭 𞤫 𞤳𞤮 𞤱𞤢𞤯𞤭 𞤫 𞤲'𞤣𞤫𞤪 𞤲'𞤶𞤵𞤩𞥆𞤵𞤣𞤭 𞤫 𞤲'𞤣𞤫𞤪 𞤲'𞤶𞤵𞥅𞤪𞤲'𞤣𞤭 𞤨𞤢𞤪𞤼𞤭𞤴𞤢.
𞤥𞤭𞤲𞤭𞥅𞤧𞤭𞤪𞤶𞤮 𞤢𞤪𞤢𞤲𞤮[taƴto | taƴto ɗaɗi wiki]
𞤄𞤢𞤸 𞤌𞤵𞤪𞤴 𞤤𞤢𞥄𞤼𞤭𞥅 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤫 𞤻𞤢𞤤𞤲'𞤣𞤫 𞥒𞥗 𞤬𞤫𞥅𞤦𞤢𞤪𞤭𞤴𞤫𞥅 𞥒𞥐𞥒𞥔⹁ 𞤮 𞤶𞤫𞤴𞤢𞥄 𞤫 𞤄𞤫𞤪𞤲𞤢𞤪𞤣 𞤘𞤮𞤵𞤥𞤮𞤵. 𞤑𞤮 𞤯𞤵𞤥 𞤱𞤢𞤯𞤭⹁ 𞤮 𞤱𞤢𞤯𞤭𞥅 𞤲'𞤺𞤢𞤥 𞤱𞤢𞤯𞤣𞤫 𞤳𞤮 𞤸𞤢𞥄𞤲𞤭 𞤱𞤢𞤯𞤣𞤫 𞤳𞤮 𞤱𞤮𞤲𞤭 𞤳𞤮 𞤸𞤢𞤯𞤭 𞤤𞤫𞤴𞤣𞤭 𞤲'𞤣𞤭𞥅⹁ 𞤧𞤢𞤦𞤵 𞤸𞤵𞤶𞥆𞤢 𞤥𞤢𞤱𞤯𞤮 𞤲'𞤣𞤫 𞤬𞤫𞤣𞥆𞤫 𞤲'𞤺𞤫𞤲𞤣𞤭𞥅𞤶𞤫 𞤲'𞤺𞤢𞤲𞤣𞤭 𞤱𞤢𞤯𞤭 𞤳𞤮 𞤦𞤢𞤤𞤯𞤫 𞤯𞤭𞤯𞤭 𞤩𞤢𞥄𞤱𞤮 𞤯𞤵𞤥.
𞤌 𞤱𞤢𞤯𞤭𞥅 𞤢𞤤𞤳𞤢𞤱𞤢𞤤 𞤲'𞤺𞤢𞤤 𞤬𞤵𞤯𞥆𞤭𞥅 𞤫 𞤻𞤢𞤤𞤲'𞤣𞤫 𞥒𞥙 𞤊𞤫𞥅𞤦𞤢𞤪𞤭𞥅𞤪𞤵. 𞤉 𞥑𞥓 𞤥𞤢𞤪𞤧 𞥒𞥐𞥒𞥔⹁ 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤭𞤲𞤢 𞤶𞤮𞤺𞤭𞥅 𞤧𞤵𞤩𞤢𞥄𞤶𞤭 𞤤𞤢𞥄𞤥𞤵 𞤥𞤵𞤥 𞤣𞤮𞤱 𞤧𞤵𞤩𞤢𞥄𞤶𞤫 𞤥𞤵𞤥.
𞤰𞤫𞥅𞤱𞤫𞥅 𞤳𞤢𞤣𞤭[taƴto | taƴto ɗaɗi wiki]
- 𞤂𞤢𞥄𞤥𞤵 𞤸𞤮𞥅𞤪𞤫𞥅𞤶𞤮 𞤤𞤫𞤴𞤣𞤭 𞤘𞤭𞤲𞤫 𞤄𞤫𞤪𞤲𞤢𞤪𞤣 𞤘𞤮𞤵𞤥𞤮𞤵