Buubakar Biro

Iwde to Wikipedia
Aller à la navigation Aller à la recherche
Buubakar Biro
être humain
Sexe ou genremasculin Taƴto
Date de naissance19e siècle Taƴto
Date de mort13 Jolal 1896 Taƴto
Lieu de mortPorédaka Taƴto
Circonstances de la mortmort au combat Taƴto
Occupationmilitaire Taƴto

Buubakar Biro maa Bookar Biro ko almaamiijo sakkitoro on Fuuta Jaloo. Ko o geɗaljo Almaami Umaru e Neene Jaarii'u. O etino bonnitugol maa ɗuytugol jeyal-hoore ngal diiwe Fuuta ɗen joginoo ngal e tiiɗingol laamu Timmbo ngun. O darniri non laamu njaggu ngu woowanooka Fuuta. Ko ɗun waɗi Bookar Biro haɓidi e ko ɓurnoo kon e hooreeɓe Fuuta ɓen fewndo ngun jamaanu wano Alfaa Yaayaa lamɗo Labe on. Ɗun hawri kadi e fuɗɗagol Porto naatugol e leydi ndin, sabu on tuma hari leyɗe takkiiɗe Fuuta ɗen fow yanii e laamu kolonaaku. Ɓayti Bookar Biro hawrii e Faransiiɓe ɓen ka hare Pooredaaka (hannde ɗun ko e perefektiir Maamun woni) nuuwambur 1896, hooreeɓe Fuuta ɓen fow salii wallude mo. Tawi kadi Portooɓe ɓen no ɓuri aalaaji hare kelɗuɗi. Ko ɗon Bookar Biro foolaa waraa kanyun e wonndiɓɓe mun. Ko ɗon hettaare Fuuta nden timmi, Fuuta wattaa e nder koloni wi'eteeɗo Rivières du Sud, wontoyɗo ɓaawi ɗon seeɗa Guinée Francaise. Almamaaku Bookar Biro ngun hawriduno e murtal Hubbuuɓe ngal, do'unoongal yirbinde laamu Fuuta ngun.