Pullo/adlam

Iwde to Wikipedia
Aller à la navigation Aller à la recherche

     
‮𞥑𞥘𞥓𞥐.
‮𞤏𞤮𞤪𞤩𞤫 𞤊𞤵𞤤𞤩𞤫
‮𞤈𞤫𞤱𞤩𞤫 𞤊𞤵𞤤𞤩𞤫
‮𞤈𞤫𞤱𞤩𞤫 𞤊𞤵𞤤𞤩𞤫 𞤏𞤮𞤯𞤢𞥄𞤩𞤫
‮𞤏𞤮𞤪𞤩𞤫 𞤊𞤵𞤤𞤩𞤫⹁ 𞤒𞤢𞥄𞤳𞤫
‮𞤆𞤵𞤤𞥆𞤮 (𞤚𞤮𞤺𞤮)

𞤆𞤵𞤤𞥆𞤮 (𞤳𞤫𞥅𞤱𞤢𞤤 𞤥𞤵𞤥 𞤳𞤮 𞤊𞤵𞤤𞤩𞤫) 𞤳𞤮 𞤤𞤫𞤻𞤮𞤤 𞤢𞤴𞤲𞤮𞥅𞤩𞤫 (𞤣𞤵𞤪𞤮𞥅𞤩𞤫) 𞤸𞤮𞤯𞤵𞤩𞤫 𞤫 𞤣𞤭𞥅𞤱𞤢𞥄𞤲𞤵𞥅𞤶𞤭 𞤅𞤢𞤸𞤫𞤤 𞤼𞤢𞤳𞥆𞤮 𞤶𞤫𞥅𞤪𞤫𞥅𞤲'𞤣𞤫 𞤅𞤢𞤸𞤢𞤪𞤢. 𞤖𞤭𞤩𞤫 𞤼𞤢𞤱𞤫𞥅 𞤸𞤢𞤲𞤣𞤫 𞤫 𞤤𞤫𞤴𞤯𞤫 𞥑𞥕 𞤀𞤬𞤭𞤪𞤭𞤳 𞤖𞤭𞥅𞤪𞤲𞤢𞥄𞤲'𞤺𞤫⹁ 𞤴𞤮𞤺𞤢 𞤫 𞤥𞤢𞤶𞥆𞤫 𞤳𞤮 𞤃𞤢𞥄𞤤𞤭𞤅𞤫𞤲𞤫𞤺𞤢𞤤𞤘𞤭𞤲𞤫 𞤸𞤢𞥄 𞤤𞤫𞤴𞤯𞤫 𞤀𞤬𞤭𞤪𞤭𞤳 𞤖𞤢𞤳𞥆𞤵𞤲'𞤣𞤫𞥅𞤪𞤭 𞤴𞤫𞤪𞤵 𞤕𞤢𞥄𞤣𞤐'𞤁𞤫𞤲𞤣𞤢𞥄𞤲'𞤣𞤭 𞤅𞤢𞤲𞤼𞤪𞤢𞤬𞤭𞤪𞤭𞤳 𞤫 𞤅𞤵𞤣𞤢𞥄𞤲. 𞤑𞤮 𞤱𞤮𞤲𞤭 𞤧𞤢𞤦𞤵 𞤲'𞤺𞤮𞥅𞤤 𞤧𞤢𞥄𞤳𞤭𞤼𞤢𞤺𞤮𞤤 𞤳𞤮 𞤫𞤺𞥆𞤵𞤣𞤵 𞤲'𞤣𞤵 𞤢𞤴𞤲𞤮𞥅𞤩𞤫 𞤩𞤫𞤲 𞤯𞤢𞤩𞥆𞤭𞤪𞤢𞤲𞤼𞤢 𞤲𞤢ʼ𞤭 𞤥𞤢𞤩𞥆𞤫 𞤯𞤭𞤲 𞤸𞤵𞤯𞤮 𞤫 𞤲'𞤶𞤢𞤪𞤢𞤥.

𞤖𞤢𞤲𞤣𞤫 𞤲𞤮𞤲 𞤊𞤵𞤤𞤩𞤫 𞤳𞤮 𞤩𞤵𞤪𞤭 𞤸𞤫𞥅𞤱𞤣𞤫 𞤳𞤮𞥅 𞤢𞤷𞥆𞤭𞥅 𞤲'𞤺𞤵𞥅𞤪𞤲'𞤣𞤢𞤥 𞤫𞤺𞥆𞤢-𞤸𞤮𞤯𞤢 𞤸𞤭𞤲𞤮 𞤼𞤢𞤦𞤭𞤼𞤭 𞤫 𞤲𞤮𞤳𞥆𞤵𞥅𞤪𞤫 𞤱𞤮𞥅𞤼𞤫𞤪𞤫 𞤸𞤭𞤲𞤮 𞤶𞤮𞤳𞥆𞤭 𞤺𞤮𞤤𞥆𞤫𞥅𞤶𞤭 𞤱𞤢𞤲𞤮 𞤣𞤫𞤥𞤢𞤤⹁ 𞤲'𞤶𞤵𞤤𞤢𞥄𞤺𞤵 𞤼𞤮 𞤷𞤢ʼ𞤫 𞤥𞤢𞤱𞤯𞤫 𞤀𞤬𞤭𞤪𞤭𞤳 𞤖𞤭𞥅𞤪𞤲𞤢𞥄𞤲'𞤺𞤫. 𞤖𞤭𞤲𞤮 𞤱𞤮𞥅𞤣𞤭 𞤫 𞤥𞤢𞤩𞥆𞤫 𞤳𞤢𞤣𞤭 𞤲𞤢𞤲𞤺𞤮𞥅𞤩𞤫 𞤤𞤭𞤰𞥆𞤭 𞤼𞤫𞥅𞤽𞤼𞤭𞥅 𞤅𞤫𞤲𞤫𞤺𞤢𞤤-𞤃𞤮𞤪𞤭𞤼𞤢𞤲𞤭 (𞤸𞤭𞤩𞤫 𞤱𞤭ʼ𞤫𞥅 𞤼𞤮𞥅𞤲 𞤅𞤵𞥅𞤦𞤢𞤤𞤩𞤫) 𞤥𞤢𞥄 𞤘𞤭𞤲𞤫 𞤳𞤢𞤻𞤵𞤥 𞤫 𞤻𞤫𞥅𞤻𞤵𞤩𞤫. 𞤖𞤢𞤲𞤣𞤫 𞤯𞤵𞥅𞤯𞤢𞤤 𞤊𞤵𞤤𞤩𞤫 𞤳𞤮 𞤶𞤵𞥅𞤤𞤩𞤫⹁ 𞤯𞤫𞤥𞤲'𞤺𞤢𞤤 𞤥𞤢𞤩𞥆𞤫 𞤲𞤮 𞤱𞤭ʼ𞤫𞥅 𞤨𞤵𞤤𞤢𞤪 𞤥𞤢𞥄 𞤨𞤵𞤤𞤢𞥄𞤪 𞤥𞤢𞥄 𞤬𞤵𞤤𞤬𞤵𞤤𞤣𞤫⹁ 𞤸𞤭𞤲'𞤺𞤢𞤤 𞤶𞤫𞤴𞤢𞥄 𞤫 𞤯𞤫𞤥𞤯𞤫 𞤖𞤭𞥅𞤪𞤲𞤢𞥄𞤲'𞤺𞤫-𞤀𞤼𞤤𞤢𞤲𞤼𞤭𞤳.

𞤍𞤵𞤲𞤣𞤭 𞤊𞤵𞤤𞤩𞤫 𞤲'𞤣𞤭𞤲 𞤢𞤲𞤣𞤢𞥄𞤳𞤢 𞤲𞤮 𞤧𞤫𞤤𞥆𞤭𞤪𞤭 𞤧𞤢𞤦𞤵 𞤤𞤫𞤴𞤯𞤫 𞤯𞤫𞤲 𞤱𞤮𞥅𞤱𞤢𞥄 𞤱𞤢𞤯𞤵𞤣𞤫 𞤱𞤭𞤲𞤣𞤭𞤼𞤮 𞤤𞤫𞤰𞥆𞤭. 𞤚𞤵𞥅𞤥𞤮 𞤲'𞤺𞤮𞤲 𞤸𞤭𞤲𞤮 𞤸𞤢𞤳𞥆𞤵𞤲'𞤣𞤫 𞤥𞤭𞤤𞤭𞤴𞤮𞤲'𞤶𞤭 𞥑𞥖 𞤫 𞤥𞤭𞤤𞤭𞤴𞤮𞤲'𞤶𞤭 𞥒𞥕 𞤸𞤢𞥄 𞥒𞥖.

‮𞤋𞤱𞤣𞤭 𞤊𞤵𞤤𞤩𞤫[taƴto | taƴto ɗaɗi wiki]

‮𞤋𞤱𞤣𞤭 𞤊𞤵𞤤𞤩𞤫 𞤲'𞤣𞤭𞤲 𞤸𞤢𞥄 𞤸𞤢𞤲𞤣𞤫 𞤢𞤲𞤣𞤢𞥄𞤳𞤢 𞤲𞤮 𞤤𞤢𞥄𞤩𞤭𞤪𞤭. 𞤀𞤲𞤣𞤵𞤩𞤫 𞤩𞤫𞤲 𞤸𞤭𞤲𞤮 𞤴𞤫𞤣𞥆𞤮𞤲'𞤣𞤭𞤪𞤢 𞤺𞤭𞤤𞤢 𞤼𞤫𞥅𞤥𞤫𞤣𞤢𞤲𞤣𞤫 𞤶𞤫𞥅𞤲𞤢𞤴𞤢𞤩𞤫𞤪𞤫 𞤲'𞤣𞤫𞤲 𞤫 𞤬𞤭𞥅 𞤮𞤲 𞤬𞤭𞤴𞤢𞥄𞤳𞤵. 𞤑𞤮 𞤱𞤮𞤲𞤭 𞤧𞤢𞤦𞤵 𞤥𞤵𞤥 𞤲𞤮𞤲 𞤳𞤮 𞤧𞤫𞥅𞤣𞤵𞤺𞤮𞤤 𞤊𞤵𞤤𞤩𞤫 𞤲'𞤺𞤮𞤤 𞤫 𞤤𞤫𞤰𞥆𞤭 𞤸𞤮𞤯𞤣𞤢𞥄𞤯𞤭 𞤯𞤭𞤲 𞤼𞤮 𞤲'𞤦𞤢𞥄𞤣𞤭. 𞥟 𞤑𞤮 𞤸𞤮𞤲𞤯𞤵𞤥 𞤊𞤵𞤤𞤩𞤫 𞤩𞤫𞤲 𞤼𞤭𞤺𞤭 𞤱𞤭ʼ𞤭 𞤫 𞤮𞤲 𞤬𞤭𞤴𞤢𞥄𞤳𞤵؟ 𞤉 𞤸𞤭𞤲𞤮 𞤯𞤮𞥅 𞤳𞤮 𞤦𞤢𞤥𞤦𞤢𞥄𞤯𞤮 (𞤬𞤢𞤪𞤦𞤢) 𞤆𞤵𞤤𞥆𞤮 𞤥𞤮 𞤑𞤢𞤥𞤢𞤪𞤵𞤲 𞤶𞤢𞤲𞤼𞤭𞥅: „𞤑𞤮 𞤱𞤮𞤲𞤭 𞤢𞤧𞤲'𞤺𞤮𞤤 𞤫 𞤤𞤫𞤻𞤮𞤤 𞤊𞤵𞤤𞤩𞤫 𞤬𞤵𞥅 𞤰𞤮𞥅𞤪𞤮𞤪𞤣𞤫 𞤥𞤵ʼ𞤵𞤥 𞤃𞤢𞤤𞥆𞤫. 𞤆𞤵𞤤𞥆𞤮 𞤳𞤢𞤥 𞤬𞤵𞥅 𞤃𞤢𞤤𞥆𞤫 𞤰𞤭𞤬𞤼𞤭⹁ 𞤆𞤵𞤤𞥆𞤮 𞤳𞤢𞤥 𞤬𞤵𞥅 𞤱𞤮𞥅𞤣𞤢𞥄 𞤫 𞤰𞤭𞤱𞤭 𞤼𞤮𞤲𞤢𞥄 𞤃𞤢𞤤𞥆𞤫. 𞤋𞤲𞤣𞤫 𞤆𞤵𞤤𞥆𞤮 𞤳𞤢𞤥 𞤬𞤵𞥅 𞤃𞤢𞤤𞥆𞤫 𞤲𞤭𞥅 𞤯𞤮𞥅𞤬𞤭. 𞤃𞤮𞤲𞤫 𞤬𞤵𞥅 𞤶𞤢𞤥𞥆𞤢𞥄 (𞤶𞤮𞤲𞥆𞤢𞥄 𞤴𞤫𞤼𞥆𞤮𞥅𞤪𞤫) 𞤫 𞤤𞤢𞥄𞤱𞤮𞤤⹁ 𞤳𞤢𞤲'𞤶𞤵𞤥 𞤯𞤵𞥅𞤯𞤭𞤲𞤭 𞤭𞤲𞤯𞤫 𞤤𞤫ʼ𞤭 (𞤤𞤫𞤰𞥆𞤭) 𞤊𞤵𞤤𞤩𞤫⹁ 𞤢𞤥𞥆𞤢 𞤳𞤮𞥅 𞤲𞤮𞤲 𞤬𞤵𞥅⹁ 𞤼𞤮 𞤤𞤫𞤲𞤷𞤭𞤼𞤮𞤪𞤢𞥄𞤥𞤢 𞤲𞤭𞥅⹁ 𞤼𞤢𞤱𞤢𞥄 𞤆𞤵𞤤𞥆𞤮 𞤳𞤢𞤥 𞤬𞤵𞥅 𞤃𞤢𞤤𞥆𞤫 𞤰𞤮𞥅𞤪𞤭.“ „𞤓𞤳𞤦𞤢 𞤱𞤮𞤲𞤭 𞤶𞤭𞤦𞥆𞤭𞤲𞤯𞤮 𞤊𞤵𞤤𞤩𞤫⹁ 𞤨𞤵𞤯𞥆𞤵𞤯𞤮 𞤤𞤫𞤻𞤮𞤤 𞤥𞤢𞤩𞥆𞤫⹁ 𞤳𞤢𞤲𞤳𞤮 𞤢𞥄𞤱𞤭 𞤲'𞤺𞤮𞤤. 𞤑𞤢𞤲𞤳𞤮 𞤦𞤮𞥅 𞤯𞤵𞤥 𞤀𞥄𞤪𞤢𞥄𞤦𞤮⹁ 𞤬𞤵𞥅𞤲𞤢 𞤮 𞤰𞤭𞤱𞤭 𞤮 𞤴𞤫𞤸𞤭 𞤮 𞤶𞤮𞥅𞤯𞤮𞤴𞤭 𞤊𞤵𞥅𞤼𞤢 𞤚𞤮𞥅𞤪𞤮. 𞤍𞤮𞤲 𞤮 𞤼𞤫ʼ𞤭 (𞤪𞤫𞤧𞤭) 𞤄𞤢𞤶𞥆𞤵 𞤃𞤢𞤽𞤺𞤮 – 𞤱𞤮𞤩𞥆𞤫 𞤄𞤢𞤶𞥆𞤵 𞤃𞤢𞤽𞤺𞤢 𞤲'𞤦𞤭ʼ𞤭𞥅𞤪𞤢𞤼𞤢 𞤥𞤮 – 𞤥𞤮 𞤤𞤫𞤻𞤮𞤤 𞤅𞤢𞤪𞤢𞤳𞤵𞤤𞥆𞤫ʼ𞤫𞤲… 𞤌 𞤣𞤢𞤻𞤭 𞤩𞤭𞤩𞥆𞤫 𞤲𞤢𞤴𞤮: 𞤪𞤫𞤱𞤩𞤫 𞤼𞤢𞤼𞤮 𞤫 𞤺𞤮𞤪𞤳𞤮 𞤺𞤮𞥅𞤼𞤮. 𞤑𞤢𞤥𞤩𞤫 𞤲'𞤺𞤮𞤲𞤭: 𞤁𞤫𞥅𞤼𞤮⹁ 𞤏𞤢𞤴𞥆𞤵⹁ 𞤐𞤢𞥄𞤧𞤵 𞤫 𞤓𞥅𞤪𞤵𞤦𞤢 𞤦𞤭ʼ𞤫𞤼𞤫𞥅𞤯𞤮 𞤀𞥄𞤪𞤢𞥄𞤦𞤮. 𞤐'𞤁𞤫𞤪 𞤲𞤢𞤴𞤮 𞤩𞤫ʼ𞤫 𞤳𞤮 𞤱𞤮𞤲 𞤤𞤫𞤻𞤮𞤤 𞤊𞤵𞤤𞤩𞤫 𞤬𞤵𞥅 𞤱𞤵𞤪𞤼𞤭.“ „…𞤊𞤵𞤤𞤩𞤫 𞤬𞤵𞥅 𞤊𞤵𞥅𞤼𞤢 𞤚𞤮𞥅𞤪𞤮 𞤨𞤵𞤯𞥆𞤭⹁ 𞤯𞤮𞤲 𞤓𞤳𞤦𞤢 𞤶𞤭𞤦𞥆𞤭𞤲𞤭 𞤩𞤫. 𞤇𞤢𞥄𞤱𞤮 𞤥𞤢𞥄𞤶𞤵𞤥 𞤩𞤫 𞤨𞤫𞤪𞤭 𞤩𞤫 𞤷𞤢𞤲𞤳𞤭𞤼𞤭 𞤳𞤢𞤣𞤭. 𞤍𞤵𞤥 𞤱𞤢𞤯𞤭 𞤱𞤵𞤪𞤮⹁ 𞤯𞤵𞤥 𞤱𞤢𞤯𞤭 𞤤𞤫𞤧𞤣𞤭. 𞤀𞤦𞥆𞤢 𞤥𞤢𞤩𞥆𞤫 𞤸𞤵𞥅𞤷𞤭⹁ 𞤲'𞤣𞤫𞤲 𞤯𞤵𞤥 𞤰𞤵𞤥𞥆𞤭⹁ 𞤳𞤢𞤴𞤪𞤵𞤺𞤮𞤤 𞤥𞤢𞤩𞥆𞤫 𞤱𞤢𞤯𞤭 𞤬𞤵𞥅𞤲𞤢 (𞤬𞤵𞤲𞥆𞤢𞥄𞤲'𞤺𞤫) 𞤼𞤮𞤲. 𞤍𞤵𞤥 𞤧𞤢𞤥𞤨𞤭𞤼𞤭 𞤲𞤢ʼ𞤭 𞤯𞤵𞥅𞤯𞤭 𞤶𞤢𞤥𞤵𞤥 … 𞤑𞤮𞥅 𞤥𞤮𞤴𞤫 𞤼𞤫𞤬𞤼𞤭 𞤤𞤢𞥄𞤱𞤮𞤤 𞤢𞤦𞥆𞤢 (𞤦𞤢𞥄𞤦𞤢) 𞤥𞤵𞥅𞤯𞤵𞤥⹁ … 𞤊𞤵𞤤𞤩𞤫 𞤨𞤫𞤪𞤭 𞤬𞤵𞥅𞤲𞤢 𞤲'𞤺𞤢𞤥 𞤸𞤭𞥅𞤪𞤲𞤢 𞤥𞤢𞤩𞥆𞤫 𞤯𞤵𞤥 𞤲'𞤣𞤭𞤴𞤢𞤥 𞤃𞤢𞥄𞤴𞤮 𞤃𞤢𞤲𞤺𞤮⹁ 𞤱𞤮𞤴𞤤𞤢 𞤥𞤢𞤩𞥆𞤫 𞤯𞤵𞤥 𞤺𞤫𞥅𞤽𞤫𞤤𞥆𞤫 𞤲'𞤶𞤢𞥄𞤪𞤫𞥅𞤲'𞤣𞤭 𞤥𞤫𞥅𞤪𞤫 𞤱𞤢𞤤𞤢𞥄 𞤲'𞤣𞤭𞤴𞤢𞤥 𞤱𞤢𞤤𞤢𞥄 𞤸𞤵𞤯𞤮⹁ 𞤬𞤮𞤥𞤦𞤭𞤲𞤢 𞤦𞤮𞥅 𞤯𞤵𞤥 𞤦𞤵𞥅𞤦𞤭 𞤤𞤢𞥄𞤴𞤯𞤫 𞤩𞤢𞤤𞤫𞥅𞤶𞤫 𞤷𞤵𞤳𞥆𞤵𞤯𞤫. 𞤊𞤵𞥅𞤲𞤢 𞤮𞤲 𞤳𞤢𞤣𞤭 𞤲𞤢ʼ𞤭 𞤥𞤢𞤩𞥆𞤫 𞤳𞤫𞤩𞤢𞤼𞤢 𞤲'𞤶𞤢𞥄𞤴𞤪𞤭 𞤥𞤢𞤪𞤲'𞤣𞤭 𞤲'𞤣𞤭𞤴𞤢𞤥 𞤫 𞤸𞤵𞤯𞤮. 𞤐𞤭𞥅 𞤳𞤢𞤣𞤭 𞤩𞤫 𞤨𞤫𞤪𞤮𞤪𞤭 𞤬𞤵𞥅𞤲𞤢⹁ 𞤩𞤫 𞤨𞤫𞤪𞤮𞤪𞤢𞥄𞤴 𞤤𞤮𞤳𞥆𞤫𞤪𞤫 𞤱𞤮𞤲𞤣𞤫. 𞤐'𞤁𞤫𞤲 𞤳𞤢𞤣𞤭 𞤩𞤭𞤳𞥆𞤮𞤴 𞤓𞤳𞤦𞤢 𞤲'𞤺𞤵𞤪𞤼𞤭 𞤊𞤵𞥅𞤼𞤢 𞤚𞤮𞥅𞤪𞤮⹁ 𞤩𞤫 𞤲'𞤺𞤢𞤪𞤭 𞤩𞤫 𞤷𞤢𞤥𞤨𞤭𞤼𞤭 𞤣𞤭𞤺𞤢 (𞤺𞤭𞤤𞤢) 𞤊𞤵𞥅𞤼𞤢 𞤇𞤵𞤲𞤣𞤵⹁ 𞤊𞤵𞥅𞤼𞤢 𞤑𞤭𞤲𞤺𞤭⹁ 𞤲'𞤣𞤫𞤲 𞤩𞤫 𞤲𞤢𞥄𞤼𞤭 𞤳𞤢𞤣𞤭 𞤶𞤮𞤲𞤼𞤢 𞤯𞤮.“ 𞤍𞤵𞤥 𞤧𞤵𞥅𞤼𞤢𞥄 𞤳𞤮 𞤫 𞤣𞤫𞤬𞤼𞤫𞤪𞤫 𞤂ʼ𞤖𞤭𞤧𞤼𞤮𞤭𞤪𞤫 𞤣𞤫𞤧 𞤆𞤫𞤵𞤤𞤧 𞤊é𞤪𞤮𞤦é 𞤣𞤵 𞤁𞤭𞤢𞤥𞤢𞤪é⹁ 𞤃𞤢𞤪𞤮𞤵𞤢 𞤫𞤼 𞤆𞤫𞤼𞥆é⹁ 𞤲'𞤣𞤫 𞤉. 𞤃𞤮𞤸𞤢𞤥𞥆𞤢𞤣𞤵 𞤴𞤢𞤤𞤼𞤭𞤲𞤭 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥗𞥖 𞤷𞤢𞤺𞥆𞤢𞤤 𞤴𞤫𞤱𞤼𞤭𞤣𞤵𞤺𞤮𞤤 𞤫 𞤱𞤢𞤥𞤦𞤢𞥄𞤩𞤫 𞤊𞤵𞤤𞤩𞤫. 𞤃𞤢𞤤𞥆𞤫⹁ 𞤯𞤵𞤥 𞤳𞤮 𞤤𞤢𞥄𞤥𞤢𞤼𞤫𞥅𞤪𞤭 𞤃𞤢𞥄𞤤𞤭 𞤲'𞤣𞤭 𞤅𞤵𞤲𞤶𞤢𞤼𞤢 𞤑𞤫𞤴𞤼𞤢𞥄 𞤧𞤭𞤲𞤷𞤵𞤲𞤮𞥅 𞤫 𞤼𞤫𞥅𞤥𞤫𞤣𞤢𞤲𞤣𞤫 𞥑𞥓𞤩𞤫𞤪𞤫. 𞤓𞤳𞤦𞤢 𞤄𞤫𞤲 𞤐𞤢𞤬𞤭 (𞤥𞤢𞥄 𞤓𞤹𞤦𞤢 𞤋𞤦𞤲 𞤐𞤢𞤬𞤭) 𞤤𞤢𞥄𞤼𞤭𞤲𞤮 𞤥𞤢𞤱𞤯𞤮 𞤳𞤮𞤲𞤵 𞤤𞤭𞤧𞤤𞤢𞥄𞤥𞤭𞤴𞤢𞤲𞤳𞤫𞥅𞤶𞤮 𞤫 𞤼𞤫𞥅𞤥𞤫𞤣𞤢𞤲𞤣𞤫 𞥗𞤩𞤫𞤪𞤫. 𞤑𞤮 𞤳𞤢𞤲𞤳𞤮 𞤣𞤢𞤸𞤭 𞤤𞤫𞤴𞤯𞤫 𞤃𞤢𞤿𞤪𞤭𞤦𞤭 𞤯𞤫𞤲. 𞤅𞤭𞤳𞥆𞤫 𞤢𞤤𞤢𞥄⹁ 𞤳𞤮𞥅 𞤳𞤮 𞤶𞤢𞤲𞤼𞤢𞥄 𞤯𞤮𞥅 𞤲𞤮 𞤸𞤢𞥄𞤱𞤲𞤭𞥅 𞤧𞤢𞤦𞤵 𞤲'𞤣𞤫 𞤼𞤢𞤱𞤲𞤮𞥅 𞤓𞤳𞤦𞤢 𞤄𞤫𞤲 𞤐𞤢𞤬𞤭 𞤳𞤮 𞤀𞥄𞤪𞤢𞤦𞤮⹁ 𞤳𞤮 𞤯𞤫𞤥𞤲'𞤺𞤢𞤤 𞤢𞥄𞤪𞤢𞤦𞤵 𞤮 𞤸𞤢𞥄𞤤𞤢𞤴𞤲𞤮𞥅. 𞤏𞤢𞤲𞤮 𞤲𞤮𞤲 𞤳𞤢𞤣𞤭⹁ 𞤧𞤭 𞤮 𞤢𞤪𞤭𞥅 𞤊𞤵𞥅𞤼𞤢 𞤚𞤮𞥅𞤪𞤮 𞤮 𞤪𞤫𞤧𞤭𞥅 𞤣𞤫𞤦𞥆𞤮 𞤅𞤢𞤪𞤢𞤲𞤳𞤵𞤤𞥆𞤫𞥅𞤶𞤮⹁ 𞤮𞥅𞤲 𞤳𞤢𞤣𞤭 𞤳𞤮 𞤯𞤫𞤥𞤲'𞤺𞤢𞤤 𞤥𞤵𞤥 𞤧𞤢𞤪𞤢𞤲𞤳𞤵𞤤𞥆𞤫𞥅𞤪𞤫 𞤱𞤮𞤱𞤤𞤢𞤴𞤲𞤮𞥅. 𞤅𞤭 𞤩𞤭𞤩𞥆𞤫 𞤥𞤢𞤩𞥆𞤫 𞤩𞤫𞤲 𞤱𞤮𞤲𞤭𞥅 𞤫 𞤱𞤮𞤱𞤤𞤵𞤺𞤮𞤤 𞤯𞤫𞤥𞤲'𞤺𞤢𞤤 𞤲'𞤺𞤢𞤤 𞤱𞤮𞤲𞤢𞥄 𞤢𞥄𞤪𞤢𞤦𞤵𞥅𞤪𞤫 𞤱𞤮𞤲𞤢𞥄 𞤧𞤢𞤪𞤢𞤲𞤳𞤵𞤤𞥆𞤫𞥅𞤪𞤫⹁ 𞤫 𞤥𞤢𞥄𞤲𞤢𞥄 𞤬𞤵𞤤𞤬𞤵𞤤𞤣𞤫⹁ 𞤧𞤭𞤳𞥆𞤫 𞤢𞤤𞤢𞥄 𞤳𞤮 𞤼𞤢𞤱𞤫𞥅𞤣𞤫 𞤤𞤫𞤻𞤮𞤤 𞤊𞤵𞤤𞤩𞤫 𞤲'𞤺𞤮𞤤 𞤲𞤮 𞤱𞤮𞥅𞤣𞤵𞤲𞤮𞥅 𞤳𞤮 𞤢𞤣𞤭𞥅 𞤲'𞤣𞤫 𞤓𞤳𞤦𞤢 𞤸𞤫𞤱𞤼𞤭 𞤊𞤵𞥅𞤼𞤢 𞤚𞤮𞥅𞤪𞤮 𞤧𞤢𞤦𞤵 𞤲𞤫𞤯𞥆𞤮 𞤸𞤫𞤷𞥆𞤢𞤼𞤢𞥄 𞤥𞤢𞤱𞤯𞤮 𞤥𞤵𞤥. 𞤊𞤢𞤸𞤭𞤲⹁ 𞤫 𞤲'𞤣𞤫𞤪 𞤱𞤭𞤲𞤣𞤮𞥅𞤩𞤫 𞤣𞤢𞥄𞤪𞤼𞤮𞤤 𞤢𞤤𞤧𞤭𞤤𞤢𞤥𞤢𞥄𞤳𞤵 𞤩𞤫𞤲⹁ 𞤸𞤢𞤴 𞤫 𞤺𞤮𞥅𞤼𞤮 𞤧𞤭𞤬𞤢𞥄𞤳𞤭 𞤶𞤭𞤨𞥆𞤢𞤺𞤮𞤤 𞤓𞤳𞤦𞤢 𞤸𞤢𞥄 𞤊𞤵𞥅𞤼𞤢 𞤚𞤮𞥅𞤪𞤮. 𞤉 𞤳𞤮 𞤩𞤵𞤪𞤭 𞤧𞤭𞤳𞥆𞤫𞥅𞤣𞤫 𞤳𞤮𞤲⹁ 𞤓𞤳𞤦𞤢 𞤬𞤫𞤰𞥆𞤢𞥄𞤤𞤭 𞤤𞤫𞤴𞤯𞤫 𞤃𞤢𞤿𞤪𞤭𞤦𞤭 𞤯𞤫𞤲. 𞤑𞤮𞤲𞤮 𞤲𞤮𞤲 𞤸𞤢𞤴 𞤧𞤭 𞤼𞤢𞤱𞤭𞥅 𞤲'𞤺𞤮𞤤 𞤶𞤢𞤲𞤼𞤮𞤤 𞤼𞤵𞥅𞤺𞤢𞥄𞤳𞤭 𞤫 𞤳𞤮 𞤧𞤫𞤤𞥆𞤭⹁ 𞤲'𞤺𞤮𞤤 𞤸𞤮𞤤𞥆𞤭𞥅 𞤱𞤮𞤲'𞤣𞤫 𞤊𞤵𞤤𞤩𞤫 𞤲𞤮 𞤥𞤢𞤪𞤭 𞤭𞤱𞤣𞤭𞥅𞤶𞤭 𞤯𞤵𞥅𞤯𞤵𞤯𞤭. 𞤑𞤮 𞤩𞤵𞤪𞤭 𞤸𞤫𞥅𞤱𞤣𞤫 𞤳𞤮𞤲 𞤳𞤢𞤣𞤭 𞤫 𞤳𞤮 𞤱𞤭𞤯𞤼𞤮𞤼𞤮𞥅𞤩𞤫 𞤩𞤫𞤲 𞤱𞤮𞤲𞤭 𞤱𞤭𞥅𞤣𞤫 𞤳𞤮𞤲 𞤳𞤮 𞤯𞤵𞤥 𞤬𞤢𞥄𞤲'𞤣𞤭𞥅. 𞤖𞤫𞤲𞤪𞤭 𞤂𞤸𞤮𞤼𞤫⹁ 𞤱𞤭𞤯𞤼𞤮𞤼𞤮𞥅𞤯𞤮 𞤬𞤢𞤪𞤢𞤲𞤧𞤭𞥅𞤶𞤮 𞤱𞤭𞤲𞤣𞤭 𞤫 𞤣𞤫𞤬𞤼𞤫𞤪𞤫 𞤥𞤵𞤥 𞤤ʼ𞤫𞤿𞤼𞤪𞤢𞤮𞤪𞤣𞤭𞤲𞤢𞤭𞤪𞤫 𞤢𞤾𞤫𞤲𞤼𞤵𞤪𞤫 𞤣𞤫𞤧 𞤆𞤫𞤵𞤤𞤧 𞤱𞤮𞤲'𞤣𞤫 𞤊𞤵𞤤𞤩𞤫 𞤲𞤮 𞤶𞤫𞤴𞤣𞤭 𞤫 𞤢𞤴𞤲𞤮𞥅𞤩𞤫 𞤩𞤫 𞤲𞤢𞤼𞤫 𞤥𞤵𞤥ʼ𞤫𞤲 𞤴𞤭ʼ𞤫𞤼𞤫𞥅 𞤫 𞤳𞤢𞥄𞤰𞤫 𞤶𞤫𞥅𞤪𞤫𞥅𞤲'𞤣𞤫 𞤅𞤢𞤸𞤢𞤪𞤢⹁ 𞤱𞤢𞤲𞤮 𞤳𞤢𞥄𞤰𞤫 𞤚𞤢𞤧𞤭𞤤𞤭. 𞤉 𞤳𞤮𞤲𞤺𞤮𞤤 𞤥𞤢𞤳𞥆𞤮⹁ 𞤸𞤭𞤩𞤫 𞤶𞤫𞤴𞤣𞤭 𞤫 𞤤𞤫𞤰𞥆𞤭 𞤫𞤷𞤮𞤨𞥆𞤭𞤲𞤢𞥄𞤶𞤭 𞤥𞤢𞥄 𞤳𞤵𞥃𞤭𞤼𞤭𞤴𞤢𞤲𞤳𞤮𞥅𞤶𞤭 𞤸𞤮𞤯𞤵𞤯𞤭 𞤬𞤵𞤲𞥆𞤢𞥄𞤲'𞤺𞤫 𞤀𞤬𞤭𞤪𞤭𞤳 𞤸𞤢𞤲𞤣𞤫. 𞤃𞤢𞥄𞤥𞤭𞤪𞤢𞥄𞤩𞤫 𞤯𞤭𞥅𞤲 𞤤𞤫𞤰𞥆𞤭 𞤬𞤮𞤱 𞤳𞤮 𞤊𞤵𞤲𞥆𞤢𞥄𞤲'𞤺𞤫 𞤖𞤢𞤳𞥆𞤵𞤲'𞤣𞤫𞥅𞤪𞤭 (𞤃𞤮𞤴𞤫𞤲-𞤌𞤪𞤭𞤫𞤲𞤼) 𞤭𞤱𞤪𞤭 𞤢𞤪𞤭 𞤶𞤭𞤤𞥆𞤮𞤲'𞤣𞤭𞤪𞤭 𞤫 𞤤𞤫𞤰𞥆𞤭 𞤼𞤢𞥄𞤳𞤢𞤲'𞤶𞤭. 𞤏𞤭𞤯𞤼𞤮𞤼𞤮𞥅𞤯𞤮 𞤆𞤵𞤤𞥆𞤮⹁ 𞤁𞤪. 𞤀𞤦𞤵𞥅𞤦𞤢𞤳𞤪𞤭 𞤂𞤢𞥄𞤥 𞤳𞤢𞤻𞤵𞤥 𞤫 𞤃𞤭𞤧𞤪𞤢 𞤑𞤭𞤲𞤣𞤭 𞤩𞤵𞤪𞤭 𞤼𞤵𞥅𞤺𞤢𞥄𞤣𞤫. 𞤃𞤵𞤳𞤢𞤪𞤮𞤾𞤧𞤳𞤴⹁ 𞤱𞤭𞤯𞤼𞤮𞤼𞤮𞥅𞤯𞤮 𞤮𞤼𞤭𞤪𞤭𞤧𞤲𞤢𞥄𞤶𞤮 𞤳𞤢𞤣𞤭 𞤲𞤮 𞤧𞤭𞤳𞥆𞤭 𞤸𞤫𞤤𞤥𞤫𞤪𞤫 𞤥𞤭𞤧𞤪𞤢𞥄𞤪𞤫 𞤸𞤭𞤲𞤣𞤫 𞤲'𞤺 (𞤴𞤫𞤪𞤵 𞤳𞤫𞤤𞤥𞤫 𞤺𞤮ʼ𞤮 𞤯𞤫 𞤮 𞤤𞤭𞤥𞤼𞤭 𞤫 𞤣𞤫𞤬𞤼𞤫𞤪𞤫 𞤥𞤢𞤳𞥆𞤮 𞤁𞤭𞤫 𞤘𞤪𞤵𞤲'𞤣𞤤𞤢𞤺𞤫𞤲 𞤣𞤫𞤧 𞤊𞤵𞤤 𞤵𞤲'𞤣 𞤣𞤢𞤧 𞤃𞤢𞤵𞤪𞤫𞤼𞤢𞤲𞤭𞤧𞤷𞤸𞤫 𞤴𞤢𞤤𞤼𞤵𞤲𞤮𞥅𞤲'𞤣𞤫 𞤫 𞤸𞤭𞤼𞤢𞥄𞤲'𞤣𞤫 𞥑𞥙𞥖𞥓) 𞤲𞤮 𞤶𞤫𞤴𞤣𞤭 𞤫 𞤲𞤢𞤺𞥆𞤫⹁ 𞤫 𞤥𞤢𞥄𞤲𞤢𞥄 𞤢𞤴𞤲𞤮𞥅𞤩𞤫 𞤲𞤢𞥄𞤼𞤵𞤲𞤮𞥅𞤩𞤫 𞤤𞤫𞤴𞤣𞤭 𞤃𞤭𞤧𞤪𞤢 𞤑𞤭𞤲𞤣𞤭 𞤲𞤮 𞤶𞤫𞤴𞤢𞥄 𞤫 𞤥𞤢𞥄𞤥𞤭𞤪𞤢𞥄𞤩𞤫 𞤊𞤵𞤤𞤩𞤫. 𞤏𞤭𞤯𞤼𞤮𞤼𞤮𞥅𞤯𞤮 𞤬𞤢𞤪𞤢𞤲𞤧𞤭𞥅𞤶𞤮 𞤀𞤤𞤢𞤭𞤲 𞤀𞤲𞤧𞤫𞤤𞤢𞤭𞤲 𞤳𞤢𞤣𞤭 𞤲𞤮 𞤧𞤭𞤳𞥆𞤭 𞤶𞤫𞤴𞤣𞤭𞤺𞤢𞤤 𞤲𞤮 𞤱𞤮𞥅𞤣𞤭 𞤸𞤢𞤳𞥆𞤵𞤲'𞤣𞤫 𞤊𞤵𞤤𞤩𞤫 𞤫 𞤃𞤭𞤧𞤪𞤢𞤲𞤳𞤮𞥅𞤩𞤫 𞤢𞤪𞤢𞤲𞤩𞤫 𞤱𞤮𞤲'𞤣𞤵𞤣𞤫 𞤫 𞤤𞤫𞤰𞥆𞤭 𞤀𞤬𞤭𞤪𞤭𞤳 𞤊𞤵𞤲𞥆𞤢𞥄𞤲'𞤺𞤫-𞤐𞤢𞤲𞤮. 𞤌 𞤸𞤮𞤤𞥆𞤭𞤼𞤭𞥅 𞤯𞤵𞤥 𞤫 𞤣𞤫𞤬𞤼𞤫𞤪𞤫 𞤥𞤢𞤳𞥆𞤮 𞤂𞤢 𞤗𞤵𞤫𞤧𞤼𞤭𞤮𞤲 𞤆𞤫𞤵𞤤𞤫 (𞥑𞥙𞥘𞥒). 𞤖𞤭𞤥𞤮 𞤼𞤢𞤱𞤼𞤭 𞤫 𞤲'𞤺𞤮𞤲 𞤯𞤮𞤲 𞤧𞤫𞤲𞤺𞤮 𞤖𞤫𞤲𞤪𞤭 𞤂𞤸𞤮𞤼𞤫 𞤥𞤮 𞤢𞤣𞤭-𞤯𞤫𞤲 𞤤𞤭𞤥𞤼𞤵𞤣𞤫. 𞤐𞤮 𞤱𞤮𞤲𞤭𞤪𞤭 𞤱𞤮𞥅⹁ 𞤊𞤵𞤤𞤩𞤫 𞤧𞤫𞤲𞤣𞤮𞤼𞤢𞥄𞤳𞤮 𞤫 𞤤𞤫𞤰𞥆𞤭 𞤀𞤬𞤭𞤪𞤭𞤳 𞤖𞤭𞥅𞤪𞤲𞤢𞥄𞤲'𞤺𞤫 𞤤𞤵𞤼𞥆𞤵𞤯𞤭 𞤯𞤭𞤲⹁ 𞤬𞤢𞤸𞤭𞤲 𞤼𞤢𞥄𞤪𞤭𞥅𞤿𞤢 𞤥𞤢𞤩𞥆𞤫 𞤢𞤲𞤣𞤢𞥄𞤯𞤮 𞤮𞤲 𞤳𞤮 𞤫 𞤮𞥅𞤲 𞤣𞤭𞥅𞤱𞤢𞥄𞤲𞤵 𞤬𞤵𞤯𞥆𞤭𞥅 : 𞤳𞤮 𞤫 𞤤𞤢𞥄𞤥𞤵 𞤘𞤢𞤲𞤢 𞤬𞤭𞥅 𞤊𞤵𞤤𞤩𞤫 𞤬𞤵𞤯𞥆𞤢𞥄 𞤶𞤢𞤲𞤼𞤫𞥅𞤣𞤫 𞤫 𞤲'𞤣𞤫𞤪 𞤼𞤢𞥄𞤪𞤭𞥅𞤿𞤢⹁ 𞤩𞤢𞥄𞤱𞤮 𞤲'𞤺𞤵𞤲 𞤤𞤢𞥄𞤥𞤵 𞤤𞤢𞤲𞤷𞤭𞤳𞤫⹁ 𞤣𞤢𞤱𞤤𞤢 𞤊𞤵𞤤𞤩𞤫 𞤢𞤪𞤢𞤲𞤮 𞤮𞤲⹁ 𞤯𞤵𞤥 𞤳𞤮 𞤂𞤢𞥄𞤥-𞤚𞤮𞥅𞤪𞤮 𞤥𞤢𞥄 𞤚𞤫𞤳𞤪𞤵𞤪 𞤸𞤮𞤲𞤮 𞤲𞤮 𞤀𞥄𞤪𞤢𞤦𞤵𞥅𞤩𞤫 𞤩𞤫𞤲 𞤱𞤭’𞤭𞤪𞤢𞤴𞤲𞤮𞥅 𞤲𞤮𞤲⹁ 𞤬𞤫𞥅𞤻𞤭 𞤫 𞤣𞤢𞥄𞤲'𞤣𞤫 𞤥𞤢𞥄𞤴𞤮 𞤅𞤫𞤲𞤫𞤺𞤢𞤤. 𞤑𞤮 𞤯𞤮𞤲 𞤩𞤫 𞤭𞤱𞤭 𞤩𞤫 𞤧𞤢𞥄𞤳𞤭𞤼𞤭𞥅 𞤫 𞤲𞤮𞤳𞥆𞤫𞥅𞤤𞤭 𞤸𞤫𞤣𞥆𞤭𞥅𞤯𞤭 𞤯𞤭𞤲. 𞤍𞤫𞤥𞤲'𞤺𞤢𞤤 𞤥𞤢𞤩𞥆𞤫 𞤲'𞤺𞤢𞤤 𞤳𞤢𞤣𞤭⹁ 𞤬𞤵𞤤𞤬𞤵𞤤𞤣𞤫 𞤲𞤮 𞤶𞤫𞤴𞤣𞤭 𞤬𞤮𞤼𞤢 𞤱𞤮𞤲𞤢𞥄 𞤧𞤫𞥅𞤯𞤢 𞤫 𞤯𞤫𞤥𞤯𞤫 𞤀𞤬𞤭𞤪𞤭𞤳 𞤖𞤭𞥅𞤪𞤲𞤢𞥄𞤲'𞤺𞤫 𞤱𞤢𞤲𞤮 𞤲'𞤶𞤮𞤤𞤬𞤮 𞤫 𞤧𞤫𞤪𞤫𞥅𞤪⹁ 𞤥𞤢𞥄 𞤯𞤫𞤥𞤯𞤫 𞤦𞤢𞤲𞤼𞤵⹁ 𞤯𞤵𞤥 𞤲𞤮 𞤴𞤭’𞤮𞥅 𞤫 𞤶𞤮𞤺𞤢𞤺𞤮𞤤 𞤬𞤵𞤤𞤬𞤵𞤤𞤣𞤫 𞤨𞤫𞤤𞥆𞤫 𞤭𞤲𞤯𞤫 (𞤷𞤤𞤢𞤧𞥆𞤫𞤧 𞤲𞤮𞤥𞤭𞤲𞤢𞤤𞤫𞤧) 𞤥𞤢𞥄 𞤫 𞤲'𞤦𞤢𞥄𞤣𞤭 𞤴𞤢𞤻𞥆𞤵𞤺𞤮𞤤 𞤧𞤫𞥅𞤳𞤮𞤪𞤣𞤫 𞤺𞤮𞤤𞥆𞤢𞤤 (𞤾𞤫𞤪𞤦𞤫).

‮𞤍𞤫𞤥𞤲'𞤺𞤢𞤤[taƴto | taƴto ɗaɗi wiki]

‮𞤂𞤭𞤫𞤲𞤧 𞤫𞤿𞤼𞤫𞤪𞤲𞤫𞤧[taƴto | taƴto ɗaɗi wiki]